تــرآتيل أحرف غير قآبَــله للنشر,, !!

[مـ الشوق ـلاك]

قد يطول بي الوقت هذه الأيام
لا أدري لقد استنفذت قواي في الكتابه
ولم تعد الـ 28 حرفاً كافيه للتعبير عمآ بدآخلي

بودي لو ان اخترع قآموساً جديد
وكلمات لم يستخدمها احداً غيري

[مـ الشوق ـلاك]

تزاحمت أفكاري
وتشتت ذهني

هل أقدم على حرق كل ماهو أمامي من دفاتر
أم أنني أتبرع بما في داخلها فقد يستفيد منها
البعض فلم تعد تروق لي كتاباتي ولم تعد تروق
لي بعض من ذكرى تحتويها هذه الدفاتــــــــر

حينما أعزمّ على فعل ما أرغب
أتذكر رغباتهم فأتردد كثيراً
أتذكر ان وعد الحرّ دين
أتذكر انني لا أحب ان أعد احداً
ولا أوفي بوعدي

مهما كان ذلك الشخص صغيراً كان أو كبير

[مـ الشوق ـلاك]

الإقامة : مَفقوُدّهْ آلىْ يَوُمْ يَبّعثُوُنْ .."

[مـ الشوق ـلاك]

شو رآيكم بالرسمه << ماتضحك أبد

جاني أتصال من خالي ماجد

ماجد : يآكثر ماتزعلين أنتي
ميمي: وعليكم السلام ورحمة الله وبركاته
ماجد : امانه قولي لي مين زعلك والله يخسي يزعلك انتي
ميمي : شكراً ماتقصر وش اخبارك وأخبار جدي
ماجد : كلنا طيبين بس كني أشم ريحة تصريف
ميمي : لا لا أبد ما أصرف بس مصدعه ومابي أكلم احد
ماجد : فكييني عليهم ملاك خليني أدبهم
ميمي : لا لا لاتعب نفسك خالي تامر شي بروح انام << ماتنحاش أبد
ماجد : طيب طيب والله بسوي مثلك وأزعل ولا راح اكلمك تشوفين
ميمي : لاحووول ترآ مو ناقصتك اخلص وش تبي
ماجد : برسم لك رسمه والله هديه مني لك قولي أقبلها
ميمي : طيب خلاص أقبلها
ماجد : خلاص شوي وأرسلها لك يابنت الغاليه بس أرسمها وأخلص اتحداك تلاقين احد يرسم مثلها


وبعد شوي أرسلها وضحكت ونمت وما أرسلت له شكراً ولا شيء
ولمن جا اليوم أرسلت له مشكور خالو ماقصرت والله حلووه الرسمه اعجبتني حيل


وبعدها دق يقالكم معصب

لا بدري توك تشوفينها والله انتي غريبه ياهالبنت
بشري عساك رضيتي بس وأعجبتك

انا : أي أي اعجبتني كثير يكفي الورده تتجنن
ماجد : تتهزين فيني وبرسمتي والله ماتنعطين وجه

^_^

انا : لا والله بالعكس اعجبتني



طبعاً هذا أصغر واحد في خوالي وتوه تخرج من ثالث ثانوي
احب طيبته وبرائته


الله لايحرمني منهم ومن طيبة قلبهم وأهم شي الورده حقته

[مـ الشوق ـلاك]

قبل كم يوم كنت جالسه أسولف انا وبنت عموو ولد عموو
الي صار عليه الحادث طبعاً هو لمن جا موعد اختبار القدرات والتحصيلي
نزلت نسبته وكثير حزنا عليه لأنه وقت الأختبارات صار ينسى المعلومات
اللي يحفظها فكانت نسبته 94 ونزلت بشكل فضيع وكان متضايق مره


شوي يحكي حبينا نغير جوه انا وأخته وطلعناه نعزمه عالغدا
واحيانا نحس انه معنا واحيان يسكت ويسرح يااعمري عليه الله يشفيه

المهم لمن جا وقت الغدا طلبنا له عصير وانا واخته كنا مشروبات غازيه
طبعاً هو يناظر ويقول خير على كيف امكم ابي حمضيات ولا ماراح اكل

اخته عصبت عليه وقالت خير انت تدري الدكتور وش قايلك
وكيف تنجبر هالكسور لو ماتغذيت واكلت اكل صاحي

طبعاً عيا ياكل وجا بيطلع قال بروح اركب مع السواق
اذا كلتم وخلصتم تعالوو وانا الي اقوله لا لا خلاص
بنجيب لك اللي تبي خلاص واخته تعصب علي تقول ميمي
وربي لاتطاوعينه خله يزعل شوي ويرضى من امس وهو بس يشرب
بذا الحمضيات ولا كل ولا شيء مفيد واخر شي وعدنا وقال خلاص
اخر مره بس ماعرف اتغدا وعصير خير شايفيني مصري *_*

وكل ماطلب طلب مننا وعيينا قال ترا بزعل وبروح اركب بالسياره
واخته تعصب وانا اضحك اخر شيء قال ملاك الحين وين الحفله
اللي قلتي بتسوينها انتي وعمي

انا اناظره واخته واقول خير اول من سوا لك حفله واول من استقبلك
من طلعت من المستشفى انا بعز الظهر رايحه وانا وبابا وشرينا لك
الكيك وكل شيء امداك تنسى

طبعاً سكت وجلس يفكر وانا خنقتني العبره خير من جدك نسيت ولا تستهبل
شوي يقول الا الا كني تذكرت بس بعد ابي هديه ثانيه منك انتي واختي

ولا ترا بدعي علي يصير لي حادث ثاني

<< انا وأخته عصبنا وطلعنا وخليناااه وركبنا السياره
شوي جا وركب وهو يضحك يقول ياخواتي امزح ماينمزح معكم


طبعاًُ انا أعرف دايم الأولاد مزحهم ثقيل
فقلنا امزح بس مو كذا ماصدقنا الحين تقوم بالسلامه



طبعاً عمي يقول ان الدكتور يقول لازم مده بسيطه ويرجع
لاتحاسبونه على اي كلمه او تصرف ولاتقولون له اي شي
كثير ناس حالتهم تصير كذا وأسوء

وحكت لي صاحبتي ان اخوها اكبر من ولد عمي وصار له حادث
تقول والله ماكان متوقعين ان اخوي يرجع مثل ماكان لدرجه انه صاير
مثل الطفل بس يبي حظن امي ومايبي يطلع وبس يقولها ماما خليك جنبي
ونامي عندي واحكي لي حكايه تقول عاددي ملاك لاتستغربون من اي تصرف يسويه


وبعد فتره من حادث ولد عمي لقينا الصوره منتشره بالنت
ومكتوب حادث شنيع والكل شافاها الا انا رفضت ماحب اشوف الحوادث
لأن وقت الحادث ولا احد منا قريب كان بمكان الحادث او صور السياره
بس لمن شاف هو الحادث والصور قال ما أتذكر ليش انا جيت مع هالشارع
وكيف انقلبت كذا ومستحيل هذا انا

وبعدين ازعجنا لمن قالو له ان انت كنت في غيبوبه وقال وروني شكلي
اكيد مصوريني والكل قال له ماصورناك ولا شيء ماكنا نبيه يشوف شكله
كيف متغير كثير بس بعدين شافه ومو مصدق انه هو اللي بصوره


يارب اكفينا شر الحوادث والله يحفظ الجميع ياارب


بجد السيارات شر لابد منه

[مـ الشوق ـلاك]

طبعاً لأنو الزعل والأضراب الى الأن قائم
جلست أسولف من الفراغ

والحين برووح اقرآ رواية حقيقيه توني شريتها

اسمها .. السجينه ..


اذا طولت عليكم العذر والسموحه



مهااا انتظر ذااك الشيء امي تقول لاتطولين <<< ^_^


يسعدني انك تكونين من متابعيني اكيد حبوبه
اشوفكم على خير

[مـ الشوق ـلاك]

مآينجبر قلبً على قلب

[مـ الشوق ـلاك]

كل لحظآتي التي تكون معكم هي حتماً مختلفه
فحينما يكون محيطي انتم أشعر بسعاده لاتوصف

آدام الله لي قلوبكم

[مـ الشوق ـلاك]

مهما طال الوقت ستظل تنبض تلك الذكرى
ولعل اللقاء قريب مازلت اعتقد ذلك

[مـ الشوق ـلاك]

شعور حلوو لمن تحس الناس مشتاقين لك ويدورونك ^_^
شكلي بين فتره وفتره بزعل وأبعد عن الناس << شريره *_*


اليوم فتحت جهازي البلاك لأني بعد مكان لي خلقه ابداً طفيت الخدمه
والاقي الناس جالسه تدورني والي معصب واللي زعلان واللي يقول الخدمه من دوني مالها داعي
واللي دقوو يقولون وينك سلامات فاقدينك

لاني قفلت الخدمه من دون لا اقول احد بعد الموقف عصبت
وسكرت كل شي حتى ايميلي الوحيده بس مملكتي ماهجرتها *_*

هذي اول وحده يااعمري عليها

يااحبي لها جعلي ما افقدك من شر
طبعاً سالفة الفجر تعودنا انا وياها بس يأذن الفجر
نزعج العالم اللي عندنا باللسته ونصحيهم للصلاة الفجر

احبهاااااا


وهنا انسانه ثانيه دقت علي وعصبت لمن رديت عليها
وقلت لها مالي خلق احد مالي مزاج ناس عندي
قالت احذفيهم وش ذنبنا ننحرم منك عشانهم
قلت مشكله انهم اقارب خليني كذا احسن كم يوم لما اروق
وقالت لو ماشغلتي الخدمه ترا لاتكلميني ولا اكلمك

ولمن شغلتها ^_^ احرجتني بكلامها

وهذي الأنسانه غير عنهم
ماتحمل منها تهاوشني ولا اتحمل زعلها
وكل ماقلت لها كلمه ترفض تتكلم معاي
وزعلت علي والحين مدخله واسطات يتوسطون لي وترضى علي
رافضه تكلمني وتقول انا زعلانه منك تغيبين كذا فجأه ولاتعلمين ولا شيء



وكثير ناس زعلانين ضريبة اللي سويته


ياااحبي لي كلهم يحبوووني <<< برآآ الحين انتي مزعله الناس ومبسوطه ^_^




مساااااء الخير عليكم ضيوفي ^_^