رحلت والعمر صار السواني .. والاماني بير=يجالدها تعب شهب السنين ومنًها يشرب
تركتيني على ذمة مدينه (؟!) مابهلها خير =مدينه تشبه لــ شارع فهق عن وجهي المهرب
كثير اجهل مسالكها وتجهلني دروب كثير=وكثير امشي بمساربها وانا ماعرف لها مسرب
يامحمد كيف حالك يابعدي=كيف امورك والهوى كيفه معاك
صاحبك ماله مزاج يبتدي!=لو عرض له بالهوى هذا وذاك
انت حر وفاهم ٍ وش مقصدي=ياجزيل القاف يسعد لي مساك
يا فهد بعض العرب عند الجدي=لا تشبه من سكن فيني بذاك
مثل غيمه برقها ساق ارعدي =نوف يشبه ثغرها لمعة سناك
نوف خد ممتلي ورد ندي = ما عصيته لو دعاني للهلاك
لا تنشدني فلا ودي ابتدي =لا تتبعني ولا بتعب معاك
لا تشبه يا فهد لا يابعدي= نوف ما تشبه لحد الله يهداك
( مشفرنا الغالي محمد الجبيل . يسعد لي مساك .. لقد تكررت كلمة تشبيه في ابياتك
اربع مرات !! . علما انني لم اجيب طارئ للتشبيه ..وانما بدأت بالسلام والسؤال عن الحال
والوضع الادبي او الكتابي .وايضا الوضعيه النفسيه في تلك اللحظه للكاتب
وانهيتها بجزالة حروفك )
عموما ( اسمح لي في هالبيتين كاصدى لابياتك الغاليه علي !)
هقوتي بالعارفين ان صح ظني وجهدي=وانت ظني تنقض الفتل المعقد وش بلاك؟
مافهمت اللي قصدته واللغز سهل ابجدي=ماسئلتك عن عتاب ولاسئلتك عن ملاك
صاحبي ماله شبيه ٍ يامحمد لاتغدي=والضياع اللي يؤدي صاحبه يم الهلاك
ياصديقي واضح ٍ فرق الغماره والبدي=والحقيقه واضحه شي ٍ طبيعي وش دهاك