~~(((..المـــج ـــــلس ..)))~~

[العـ راعي ـليا]

اقتباس المشاركة الأصلية كتبت بواسطة خالد السنحاني ياعيد وين البسط بالله قل وين صار الحزن ميزتك تالي السنيني من عقب مات ابوي عيدت عيدين وذا ثالث الاعياد والله يعينــــــــي كل العرب تفرح بصبحك وسالين وخالد على الذكرى بدمعه حزيني ان سج من همه يباريه همين يذكر عضيده بالكلبشه سجيني هذا من اوجاعي مجرد عناوين ولا كثير الضيق فيني دفينــــي كل عام وانتم بخير وصحه وسلامه

ياخالد أصبر .. والصبر بالموازين =يرجح نهارٍ فيه غاب العويني
في حزّةٍ نهرع بها احفاة عارين=من هولها يشيب راس الجنيني
دنيا الفنا .. قسِّم بها العسر واللين=ولا أحدٍ مخلّد فوقها ياضنيني
كم واحدٍ فيها شكى الهم والبين=فتّش شمالٍ عنك .. وإلاّ يميني
كثر الحزن ما رد للناس غالين=ما رجّع اللي راح زود الونيني

هيضتني ياخالد ولا عندي نيّه .. والله يعين .

كل عام وانت ومن يقرأ بالف خير ..

وعيدكم مبارك وعساكم من عواده

[خَ~ــاآلِــدْ]

^
@!@
حي القلوب اللي بها الشعر ينبض
في مجـلس الشــــعَّار حيّك وحيُّه
صدق الخيال اللي كما الحر ينهض
يــمَّ المعالي كـــلِّ روحـــــه وجيِّه
7
اَلزَّ@ْـرَانِي

[الطلحي2000]

العيد حل وحل بالصدر فرحين=يالله تقبل ياصدوق الوعايد
اهني اهل الود خمسة ملايين=منزالهم بالقلب ماهب نايد
يالله عساهم دوم من زين في زين=وايامهم هي والليالي سعايد
يارب تجمعنا على الحق والدين=وفي كل عام العيد يارب عايد

[مــــــدى]

صح لسانك يابوريان
والله يحفظك ولايغيّر عليك
وكل عام وانت بالف خير وسعادة


آآمين ,, صح لسانك يالطلحي
وعساك من عواده ورواده
وكل عام وانت بالف خير

[., {.ٍ بكِـــيتُكّ ,.]

عيدكم مبارك..

كل عام وانتم بخير وسعاده ..


،


،



خلك على خبري كما ريحة العود
اذا احترق بالنار يزداد طيبه

[ملاك بدنيتي]

أسمع ( شعآري ) بـ الهوى .. وأرخ الأسمآع
.............ياللي غـلآك .. بـ تربة ( القلب ) مكتـوت
لا لـ [ الفرآق ] .. ولا لـ تجديد الأوجآع .!
...........ونعم نعم لـ [ الوصل ] .. لو كآن بـ الصوت ..~

[خَ~ــاآلِــدْ]

ليت نار المحبـة .. بالمحانـي تشـب
دام حزني نسيـم .. وذكرياتـي جمـر
وليت كل الخلايق لا تمـادت .. تحـب
كان شفت المساء ساجد سجود الشكـر
وليت نور المدينـة مـا درى وإكتـأب
وما طفى .. يوم قرب موعدك يالسفـر
كن الأيـام طفلـة .. تستحـق العتـب
تركض ولا درت باللـي وقـف منقهـر
غابت من السماء شمس .. وبدا ينكتب
عالصدر .. وش كثر حبيتها.. وش كثر

[انتظر ضمة غلاك]

فكرة المجلس جميله جدا
يا ليتني شاعره واكتب معكم
بصراحه الفكره جدا جميله

[انتظر ضمة غلاك]

من يقول ان الخطا يرخص قدر راعي الخطا= اخطيت في حقي كثير وكل يوم اموت فيك
ما شفت منك الا الخطا يا صاحبي وين العطا=خلاص مليت الجفا اما تجي ولا اجيك

بقلمي

[؟ فلسفة شاعر ؟]

هيه ياللي غبت .. يالظبي الفريد= هيه ياسبة جروحـي وصلفـي

ساري(ن)مفعول حبك بالوريـد=جرحك اللي كنت خابر ماشفـي

يازمان الوصل ! يالماض ِ التليد=ياعيون الشوق في قلب(ن)وفي

لارسالة عيد لو عبـر البريـد!=ولاسؤال ٍ منك لو هـو مايفـي

كل عيد وشوق قلبي لك يزيـد=والمشاعر لاجل شوفك ترزفـي

عاد عيدك ياعسى عيدك سعيـد=انت ياعيد الخفـوق ومسعفـي

فهد الفريدي ...

وكل عام وانتم بخير وعساكم من عواده