لاتلومني لاجيت كلي مـن اقصـاي ــــ مافـيـه غـيـرك لاتضايـقـت جـيـتـه
جيتـك ولاغيـرك ذكرتـه بمـسـراي ــــ جيتك وكـل انسـان غيـرك نسيتـه
جيتك وانا ماني بأنـا تايـه الـراي ـــــ جيتك وانا مدري وش اللـي بغيتـه
جيتك وقلبي دقته تسبـق خطـاي ــــــ جيـتـك اقــول مفـارقـك ماقويـتـه
ان مـر يــومٍ بالعـمـر مـنـت ويــاي ــــ اشتـاق لـك شـوق المسافـر لبيتـه
مثل الهوا تحتاجـه النـاس والمـاي ـــ يحتـاج لـك قلـبٍ هــواك وهويـتـه
دامك معـي ماقصـرت يـوم دنيـاي ــــ دامـي خذيتـك وش بـقـا ماخذيـتـه
وانكان تنشدني بعد ليه انا جـاي ــــ ابـشــر بـــردٍ يـقـنـعـك لاقـريـتــه
جيت اعترف بالفرق يا اخـر منـاي ــــ بينـك وبيـن اللـي عشانـك جفيتـه
اني ليامن جيت لك ( همك رضاي ) ــــ وانـي ليامـن جيـت لـه ( مالقيـتـه )
لاتلومني لاجيت كلي مـن اقصـاي ــــ مافـيـه غـيـرك لاتضايـقـت جـيـتـه