حيّ هالطلـة اللـي عـن سوآهـآ تفـرّد=بالبهاء اليوسفي اللي حفّ حضرة جنآبـك
بعد ماضقت ذرْعـآ مـن كـلام المقـرّد=جيتنـي ياحبيبـي بعـد طـوّل غيـآبـك
لابـسٍ عقـد مـن لولو..وخآتـم زمـرّد=والعسل في شفآتك..والعطـر فـي ثيآبـك
من خجلْك الخطى تقصر..وخـدّك مـورّد=وأنـا ماغيـر أردد جيـت والله جـآبـك
شنّف أسمآعي بنبـرآت صوتـك وغـرّد=بعدهآ إشرْه وعآتب لو جرحنـي عتآبـك
كفك تمـون ..وطعونـك بقلبـي ماتنـرّد=ليه لا..؟ وأنت مبطي من جروحي خضآبك
حبك أجبرني أصبح من حقوقـي مجـرّد=مآلي ألا أسري بظلمآك..وأطـرد سرآبـك
أنت من حقـك تسـوق المشآريـه شـرّد=لين ترسل علامآت الرضى ضحك نآبـك
وأنا بالمثـل مـن حقـي عليـك آتمـرّد=لين كفـي وكفـك فـي بعضهـآ تشآبـك
حـطّ بترآبـك بـذورك وجـرّب تـورّد=وقتهآ وش شعورك لو يخونـك ترآبـك..؟
نفـس الإحسـآس ذآ ينتآبنـي يـوم أورّد=منهل الشك وأفرض لو يخيب الرجـآ بـك
مثل مآ آويتك وحنيـت قلبـك مـن الـرّد=وأنتشلتك بعد ما أبطـى وطـوّل عذآبـك
أنآ لاجيـت مـن قسـوة زمآنـي مشـرّد=إلتفت لـي ..وقـدّر وقفتـي عنـد بآبـك
بس لعيونك