بالبدآيه لكل الي عندهم مرضى أحثكم بحديث الرسول اللهم صلي وسلم عليه (( دآوو مرضآكم بالصدقه))
والدعآء وكثرة الطلب والألحاح بالدعآء فما خاب من ألتجأ أليه ونعم بالله
بلأمس زرت ولد عمي وكآنو يخلون واحد واحد يدخل عليه مع أمه
ولمن دخلت شفت انسان ثآني مو الأنسان الي أعرفه متغير كثير
طبعاً أصآبته كانت كسور بالوجه وبالكتف والذراع وضلوع الصدر :(
بس الحمدالله الدكتور يقول رحمه من ربي
ماجاه شي بظهره او شي يسبب له أعآقه ولله الحمد
أمه قالت له شوف تعرف مين هذي بس ماقدر يفتح زين
وقالت هذي ميمي بنت عمك قال بصووت مره يحزن أي أي عرفتها
ومآقدرت أجلس اكثر
وطلعت لأن الدكتور يقول لاتبكون عنده ولا تحسسونه بشيء مانبيه يتذكر الي صآر له :(
اول مآصحى كآن عنده وآحد من عيال عمي الكبير
يقول الكل خايف انو يصير مآيتذكر بس لمن شآفني وقلت له تعرف مين انا
قال كلمه مشهوور فيها ولد عمي ودآيم يقولها حتى للصغار
قال يالبييه اي اعرف
وبعدها سأل قال كم فاز الهلال راحت علي المباره نمت ماشفتها
بس الحمدالله والشكر لله .. العآفيه شوي شوي
وبأذن الله يرجع صوته لنا وحسه وأزعاجه يملي بيتنا
لأنه هو الحين الرجال بالبيت بعد عمي وأبوي :(
يآآآرب أشفي من هم على فراش المرض يأنون
وبأجسادهم يتألموون
برب لوقت غير معلوم
دخلت اطمنكم لأني وعدتكم
يعطيكم العآفيه جميعاً
كل من سأل وأرسل بجد احرجتووني بكرمكم ووقفتكم
الصبآح وأنفاسه العذبه وصوت تلك الطيور
تخبرنا بأن يوم جديد في هذه الحياه قد أبتدأ
وأنه يحمل كل مآهو خير لنا فلا نحزن مادام
من يدبره لنا ويكتب لنا مافيه هو..
احب اطمنكم على حالة ولد عمي وأنو صحته تحسنت شوي
بس صاير مايتذكر والدكتور يقول شي طبيعي لأن ضربته كانت بالراس
صاير يسأل ويقول ليش انا جيت هنا وش صار لي
ولمن كلمه أبوي وعمي وقالو له عن الحادث مثل
الي مو مصدق ومو متذكر الطريق الي هو راح معه :(
وكان اول يوم يروح بسيارته الجديده للمدرسه
لأن بالعاده السواق هو الي يوديه بس قدر الله وماشاء فعل
بابا يقول اني جلست اسولف معه وقالي
عمي ابوي يقول نبي نبيع سيارتك ونشتري لك احسن منها
وسيارتي انا أبيها جديده قوله لا يبيعها
ولمن قالو له انو صار عليك حادث
قال لا انا متأكد انها بالبيت انا موقفها بالحوش :(
وعقب قالو له انو كنت بغيبوبه كم يوم
وان الحادث الي صار لك مره مو هين
ومثل الي مو مستوعب الي صار له
وأبداً مو متذكر
الله يشافيه ويعافيه ويرده للبيت معآفى يآرب
تدرون وش أكثر شي بالحياه ضحكني وانا بعز ضيقتي الأيام الي مضت ^_^
كنت جآلسه انا وبنت عمي فجأه تجيني وحده تقول ممكن أسألك سؤال
قلت وشو أسألي
قالت انتي تحبين ولد عمك << وقتها مآدي بنت عمي تقول ملاك ودي شفتي وجهك وانتي متعجبه *_*
قلت لها كيف يعني احبه
فهي تقول يعني انو تحبينه حب حب تقول أشوفك خايفه عليه وبس تدعين له
وتبكين مع بنت عمك الي هي اخته طبعاً
وانا الي ما أدري هو اني اضحك ولا اضحك ولا أضحك على عقول البشر
بجد بجد بعض البشر عقولهم مرض وتفكيرهم مرض وكلهم على بعضهم مرض في مرض ^_^
قلت لها اي اي احبه شي طبيعي مو هو ولد عمي
بس مو الحب الي في بالك ترآ هو أخوي الصغير
وانا عمري 23 وهو عمره 18
وترآ انا وهو وأخته وأخوي متربين مع بعض ومافي فرق بينا
ابداً
يعني خوفي عليه ودعائي له لأنه بمكان اخواني الثنين الي مسافرين الحين
قبل لايكون لأنه ولد عمي
قالت اها حسبآلي بينكم حب وقتها ماقدرت بنت عمي تمسك ضحكتها وانا معها
وضحكنا ضحك رغم ضيقتنا :(
بجد وربي الناس تفكيرها سقيم ومريض
ومانقدر نقول ونعلق على تفكيرهم الا بكلمة
العرض العادي
