من عرفتك وانت تايه من مواني في مواني=وتارك قلبي مولع من وقيده في وقيده
ضاعت سنيني احد بها اليالي وتحداني=وانت ما تشبع غياب وما تخاف من النقيده
دام تدري كل وجه غير وجه الله فاني =يأخي اكسب لك ثواب وخاف ربك في عبيده
كان فيني عيب قول فيك العيب الفلاني =كان هرجي مزعجكفي شي قلي لا تعيده
عيب تصغر في عيوني وانت برقاب الغواني =ليه تستسهل طعوني وانت خابرني وليده
لعنبوك ان مت في ايدك وش يفكك من خواني=لا احزنو ربعي على فرقاي وش اللي تستفيده
ان تبعتك اتبعك من طيبي وواسع بطاني =والا انا لاجيت اكيد انسان تعرف كيف اكيده
اقدر انزع لك ثيابي والبس ثياب الاناني=واقدر اطلع من عذابي والعب بدورك واجيده
جيت ما ابيك تحقرني جيت ابيك تعز عشاني=جيت ابي فزعة ضلوعك من مشاعرها البليده
يعلم الله شفت منك ومن غيابك ما كفاني=كان ما تقدر تخفف هم قلبي لا تزيده
ما احتجت له من قصيدة المباني للشاعر المبدع حامد الزيد عساها تقول شي انا ما عرفت اقوله