مابقى لي قلب يشفع لك خطيه=ذوبته جروح صدك والخطايا
صاحبي بالله لاتعتب عليه=العتب ماعاد تاسعه الحنايا
كل جرح فات لي منك هديه=وش بلاك تخاف من رد الهدايا
الله اكبر كيف مالك مقدريه=وكل ماتحمله من همي بقايا
لاتمنيني سراب المهمهيه=القراح اليوم مايروي ضمايا
وان غدى للحب في صدرك شضيه=وش يقول اللي غدا قلبه شضايا
بشـــروني عنك مايدرون عني
مادرو بالي شغل فكري وظني
اتسمع للحكي بك واتحفظ
خايف دقات قلبي يفضحني
كل ماسموك باسمك فز قلبي
والضماير والمدامع شاغلني
ياحبيبي يوم جنيت الحبايب
عفت لاجلك كل من قبلك فتني
من عرف قربك عرف طعم السعاده
وان تشطرت أدرك غبون التمني
\
/
\
أبي عشق تحسب له كل نظرات العيـون أحسـاب
وأبي قلبً على قلبـي وأبـي ديـنً علـى دينـي
وأبي كلمة (( عهد )) توفي ولا تخلف بدون أسباب
وأبي دربً على العذال صعـب ومتعـب وغـلاب
وأبي نفس الطريـق الصعـب يبعدهـم ويدنينـي
انا اول من عرف قلبك وانا توي صغيـر وشـاب
وأبـي منـك مـادام انـك عرفتينـي تحبيـنـي
مادام اني لقيتك في طريق أسمـه غـرام أحبـاب
دخـيـل الله وبـعـد الله دخيـلـك لاتخليـنـي