مذكر في مرقبي وش جرالي
وصفقت في الكفين يأس على يأس
أخــذت أعد أيامها والليالي
دنيا تقلب ما عرفنا لها قياس
كم فرقت ما بين غالي وغالي
لو شفت منها ربح ترجع للافلاس
تقطعك دنيا ما لها أول وتالي
لو أضحكت للغبن تقرع بالاجراس
وش بقى ما علمتنا الليالي وش بقـا
كل يوم درس باسلوب ولسان فصيـح
ياهل المعروف كل شقى باللـي لقـا
والحظيظ اللي من الهم قلبه مستريـح
بين لحظات المفارق ولحظـات اللقـا
تتضح لك صورة الود بالمعنى الصريح