أبعترف لك ... t
.t
t
t
ياريت يوصلك الكلام ياللي في بالي وترد
t
يامن سكنت بداخلي قصدي رضاك
لا تجرح القلـب المعنّـى وتشقيـه
أحضر و أغيب وهرجتي كلها فيك
و يهزني شوقـي لشوفـك و أمنيـه
ما لمت نفسي دوم لا حل ذكـراك
أسرح و حسنك في لجا الروح حاويه
المشكله ما اعرفك بس قلتها هيـك
شبيـك لبـيـك آمريـنـي ولبـيـه
يا منفرد بالزيـن لعيونـك أهـواك
و كثر الجفا والصـد مانـي بقاويـه
أنا صريحٍ صدق أحبـك و موفيـك
و من سام خله بأغلى الأثمان شاريه
عينـي بكـت دمعهـا دم ونـاداك
قلب صغير السن و الصـدق يكفيـه
إن كان به غيري يحبـك و يغليـك
قلي تـرى مـا فيـه شـي يخفيّـه
و إن قلت لي ما فيه أنا كلي فـداك
عيني فـدا لعينـك وروحـي هديـه
منتي مثل غيرك شذا المسك لايديك
شهد العسل فمـك و روحـك بهيّـه
و إن كان ما يكفيك قولي وما جاك
رمشت عيوني ميلـت لـي قوافيـه
مغرور شاعر وجذاب وأقدر أغويك
و ما يرضي غروري كـلام تحليـه
أبعترف لـك يـا حبيبـي محيـاك
يجرح وريقك بلسمي والـدوى فيـه
إحساس شاعر غايتي أنـت وأبيـك
و أجمل سلامي ورايتـي دوم حيّـه