وش اكثر شي تخاف منه وماتحبه ابدا ؟
الصراصير والظلام وحصان القايله
كانوا يقولون اللي يطلع الظهر بالشارع يجيه ويخطفه
تطلع/ين كثير في الاذاعة المدرسيه ؟
اييييييه
تبكي/ي كثير ولاعادي ؟
هههههههه ياكثر مااااصيح مسميتني اهلي ام دميعه
ترتيبك بين اخوانك ؟
قبل الاخير يعني تحت بنت بس
نشيد كنت/ي تحبه / تحبينه أيام الطفوله ؟
امي يالحن اعشقه ونشيدا دوما....الخ <<نسيته هع
وانا قصه انسان انا جرح الزمان انا سالي سالي
هايدي الجميله هايدي اللطيفه
الله رب الخلق امدنا بالزرق
شخصيه كرتونيه كنت/ي تحبه/تحبينها ؟
هايدى وسالي وكابتن رابح
كيف كنت/ي ايام طفولتك شيطان/يه ولامؤدب/ه ؟
والله نص ونص مره اصير هاديه مره شيطاانيه هع وكنت عنيدددده مرره
ماهي المواقف اللي عرضت فيها اهلك للاحراج؟
مره رحت مع اختي الكبيره لصلاه التراويح لاول مره اروح مسجد وقام الامام يقرا سوره الفاتحه وقمت اقرا معه باعلى صووت واختي تقرصيني بس مافيه فايده اخر شي قطعت صلاتها وجرتني وطلعنا من المسجد وحرمت تاخذني معها <<والله مالومها
هل كنت شخص ذو شخصيه قويه أم مغلوب عليه ؟
على حسب الموقف ساعات والله اكون قويه وساعات لا اكون مغلوب عليه
بس الاغلب مغلوب علي
اكبر عيديه جمعته/جمعتيه كم ؟؟ ومن مين ؟
والله مــآ اذكـر
يوم كنتي صغيره تسوين جدايل والا كاريه ؟<<للبنات بس
لا كان شعري كاريه وكانت امي الله يحفظها تحطلي نافوره بالوسط
يوم كنت/ي طفل/ه تلع/بين بكمبيوتر العائله ؟؟
اييييييه ويامي تطاقينا عليه انا واخواني
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
ايه كنت احط شريطه بيضاء مع نافورتي اللي بالوسط
من كـان يدلعك أكثر أبوك او أمك ؟
ابوي الله يحفظه
اســم دلعك بالطفوله لحد الان ينادونك به ؟ وماهو ؟
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
لا مااصيح بس من داخلي مقهورره واحول من بكره اجي بدري عشان اصير بالطابور الاولى
عندك لعبه موجوده من صغرك إلى الآن ؟ وماهي ؟
لاماعندي للاسف
صار لك موقف مع المرجيحه
ايه مره كنت العب فيها وسرحت ودخلت جو ثاني مادريت الا دووب طحت على ظهري بس الحمد لله جت سليمه هالمره لاني طحت على رمل كثير
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
اييييه
مسجد"مشجد
هذا اللي اذكره اقلب السين شين بس اول مادخلت المدرسه بديت انطق زين
ما اكـثـر حلاوة كنـت/ي تحـبه/تحبينها ..؟
خدوود البنات وحلاو مصاص واي حلاو فيها اشيااء ملووونه
آكله تحبها كثير ...وآكله تكرها ..؟
اكرها اي طبخه فيهالحم واكله احبها الجريش يمي يمي
ما اسم اول مـدرس/ه درستك ..؟
منيره
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
انا اذا طلعت بالشارع لازم تصير معي اختى اللي اصغر مني بسنتين لاني اخاف اطلع لوحدي فاذا احد كفخنا ناخذ حقنا بانفسنا ونهرب على طوووول
وش كانت عيارتك!
ام دمعه والزنااانه وهو اني اذا بغيت شئ احن على اهلي اللين يجبونه لي
كنت تنآم لحآلك ولاعند المآمآ ..؟
لا انا واخواتي مع بعض
اجمل موقف صار لك بطفولتك ..ومازال عالق في ذاكرتك؟
قدووم اول طفل لاخووووي جاء وكنت انا بصف 3
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
لعبه الجيران كنت العبها مع اختي واذا رحنا القصيم نلعبها مع بنات خالي ولعبه انا الام بحميكم وانا الذيب اكلكم وسين وصاد هذه احبها مع بنات المدرسه لها طعم ثاااني
أجمل مكان سافرت له وانت صغير وتتمنى ترجع له ثااني ؟
مافيه
هل مر عليك موقف بطفولتك خلاك تكره شخص معين واذكر الموقف ؟
ايه معلمتنا حقت العلوم يوم كنت بصف اولى كانت تخووفنا وتقوول اللي ماتذاكر زين بوديها لغرفه الفيران واذا جت حصتها كلنا نخاف منها وبنفس الوقت نكرها كنت اغيب كثير عندها بسبت الخوف انها توديني للغرفه رغم اني شاطره بس اخااف منها
والمشكله درستني برابع وسادس مافيه فكه منها هع
كم مرة انطقيت ..او كنت تنطق كثير؟
انطقيت بس ماذكر كم واهلي مايضربون الا لسبب
كيف مستواك الدراسي ممتاز ..ولا كسلان ..ولا نص ونص ..؟
ممتــآز
ماهو الحلم البريء ..حلم طفولتك ..كنت تتمنى ان يتحقق..!
اكووون معلمه
وين مولود/هـ ؟
فـي المستشفى
وانت/ي صغير/هـ كنت تحب تلعب مع الاولاد اكثر ولا مع البنات ؟
ساعات مع بنات وساعات مع اولاد حسب الموجود
وش اسم اول صديق/هـ لك؟
نوف
كلمه اخيره تهديها لطفولتك..!!
الا ليت الطفوله تعود يوما بس بدون ابله العلوم<<مسببه لي ازمه هع
مشكوووره نونا على الاستضااافه
مودتي...
العرض المتطور
