وأنادي لكِ!
من : آخر حيل / في صوتي ..
من : آخر ليل / في موتي ..
أبي.. تَسْمعيني !
أبي .. تطفي / دموع الظن!
تَعَبت آشك في أكبر يقين ولا يجيني راي!
تعَبت آدك ما يُبنى وسط بالي من قصورك!
وعادي لو تَغِيبي
ولو تَعَوْدي
ولو تِحِبْي
ولو.......
لَوَيْت أعناق هالعتمة وَجِيتك / ضو ..
وكان الفجر يتنحنح / على جفني..
وأنا أسأل: ليه ما نمتك؟!
قَبل هالفجر .. يصْفَعْني؟!
قَبل هالنور .. يَمْنَعني؟!
أعِيش / أعمى .. وسط ليلك
تَدَوج الريح وأتساهل مصابي..
يفز الصبر وأتخثر مواني..
يطول الدم وأتنثر أغاني..
نسيتك لين .. ما كنِّي نسيتك..
ذكرتـك لين .. ما كنِّي ذكرتك..
عشَقْتك لين .. ما كنِّي عشقتك..
وقوليلي كيف / أبوصفها؟!
وقلِّيلي كيف / أبقطفها؟!
عناقيدٍ تدلت ،، آه
مواقيدٍ تجلت ,, آه
وأنا بِسْلال / هالموعد
أنادي هالهوى وأقطف :
ولا حاجة !
ولا حاجة !
العرض المتطور
