الا يالله يا عالم يا خلاق = تبين علوم إللي بالعيد هنيته
صار لي مده على الجوال داق= حتى المسج على الجوال دزيته
لحد الحين ماوَرد خبر ميثاق= منه او من اصحابه وياليت وياليته
يطمني عن قليبه لأني له تواق=اهوا نديم القلب وكل إللي تمنيته
اخبره إن وعد يوفي ماهو بواق=لكنه ابطاء وهذا إللي ما تهقويته
أشك في نفسي ولا بسليل الأعراق= إللي على الطيب ناشي وخاويته
أعرفه زين يسمح وقمة الأخلاق= مايبور فيني حتى لو إني خليته
صافي الخد مادقه إي دقاق=جمعنى فيه ربي و من قلبي حبيته
اصفى من الياقوت مشع ٍ و براق= نور ٍ على القمرى كما لو حطيته
مثل الغزال اللي طويلات الأعناق=براق نحره اذهلني يوم ريته
ممشوق الجسم يمشي دامج الساق=لجل يشيل خصره و حاشيته
عيونه تسحر الناظر و رموشه اطراق=ليمن سلهمت بيها شوفي عفيته
جذيلة جدول ٍ سايل لحجل منساق=ريحه مسك ٍ معتق إليا مر شميته
وله مبسم ٍ فيه من بارد و حراق= لهيبه ضاع في برده يوم إني شديته
نهلت من مبسمه خمر ٍ بترياق= خلاني احس بشيء عمري ما حسيته
الا يالله يا جامعنا بالأوفاق= يالي بتالي الليل قمت و ناجيته
طمني عن إللي يسكن الأعماق= حبيبي إللي اموت و لا تناسيته
طمني عن إللي نهب قلبي السراق=حبيبي إللي احيا و لا تساليته
إشهد علي إني لحضانه حيل مشتاق=حبيبي إللي بقصى ضميري خبيته
علمني اصول الحب و كيف الأشواق= علمني كيف اعشقه لو إني جافيته
علمني إن اصبر مفتاح كل مغلاق= علمني لغة الأحلام إذا جاني و حاكيته
متى يا شاشة الجوال اشوف إشراق=رقمه او رسايل او اسمع تناهيته
او إنه يرد أخر ماخطيت بالأوراق=يدر صافي الدرر صوبي يوم ناديته
هذا انا كشفت إللي مستور برواق=و يشهد على الله مافيه شيء دسيته
هذا وصلوا عدد مالاح بسماء براق=على محمد واصحابه و آهل بيته
يا منتدى الود أنا فيك مأسور = مقدر ارحل عن هالزوايا و خليها
لكني اليوم شفت منك الجور = ونفسي عزيزة ما تحمل تحديها
ممكن أكون متكبر وبعد مغرور = نفسي عزيزة ما تذل لغير واليها
براحل عسى ما بداء مني اقصور = أريد ارحل عن القمة و أنا فيها
حكمة أهل السرايا وساكني القصور = وانا بسرايا الود وقررت أسويها
بعزتي ارحل ولحد ٍ مثلي مجبور = برحل والنفس محد يوصل مراقيها
لا تسالوني السبب خلوه مستور = ما مضى يمضي والزمن يطويها
انته يالود قمة و شامخ السور = مأنته لطيور ليلك ملجاء وتاويها
أ’إأღأ’إأ
لم اشاء ان تطول لكي لا اعطيهم اكبر من حجمهم
و هذه رسالتي ارجوا انها وصلت لهم
** عبر هذه الرسالة ارجوا انكم تسامحوني وشكرا لكم على
قد لي سنين طاوي الهم و البين=الين اصلفت اقدار عمري عليا
الصدر ضايق ضيقت اللي دخيلين=عند اعربينٍ مات فيه الحميا
من بعدها وانا اتقلب بجالين=جال العذاب و جال كذبه هنيا
يا عل يمناه يوم تكتب الكسرين=ما تنجبر لو زار اطباء امريكيا
كرهت عمري واكرهوني العزيزين=كله لجل خاطر نبقى سويا
ضحيت كثر اللي يضحيه المضحين=ارخص عمري فدوت ٍ كل شيا
ولا انتظرت منه يرد لي الدين=قولة حبايب وقول دنيا دنيا
القلب ابيض مشرع البابين=وصدق مرزاح مايرده قويا
هذي جزات اللي صدوق اللسانين=اللي بقلبه ينقله نقل حيا
ياسعود انا بوصي مع الموصين=اسرار عمرك خلها دوم ٍخفيا
لتظهره لقرب قريب البعيدين=يشمت قريبك قبل من هو بغيا
الحقيقة في بعض الاحيان تخليك تكره = لكن الله خلقني متميز بعقل ٍ رفيع
الزعل منها محال حتى لو انها حقره = بضل ذاك الشمالي ابو صدرٍ وسيع
دامني واثق الخطوه ماعلي من الحكره=بشق طريقي اللي ما اضنه يضيع
اشب ضوي للورد و للمصادير دهره = نوماسي كذا اشري الناس ما ابيع
طبعي ما عامل الناس بما امقت واكره = الشيمة تلزم ابن الطليق من الوضيع
يا فلان تبغى العسل ولا اعطيك مره = ترى ما تفرق معي لو مذاقه فضيع
ان كان ميداني بيتعبك كره وفره = السانك احصانك ولا تورده لسيفٍ قطيع
يا فلان سامحني و لكن الحقيقة مره = طحت من عيني اقولها بالفم الوسيع