بالعكس أخوووي الهدار والله موضوعك هذا من أجمل المواضيع اللي بالقسم ,,, لأنه فيه تنوع وفيه الظاهر فوق الــ 40 موقف مضحك ,,, يعني يغنيك عن نص مواضيع القسم ,,, وبعدين معقووولة أنا أحذف موضوع لأستاذي الهدار ,,, فال الله ولا فالك
وعشان ما تزعل بأقول لكم موقف مضحك صار معي أيام المدرسة ,,, هذا يا طويلين العمر أيام كنت بثالث متوسط جتني فترة عربجة ,,, صرت عربجي وأجلس بآخر الفصل وأقعد أسولف وآكل ولا أهتم بالمدرس ولاشي ,,, المهم طبعا أنا كنت دافور وكانوا كل المدرسين مقهورين مني ليه أسوي هالحركات مع إني مفروض أكون أحسن من كذه بكثير ,,,
المهم احنا متعودين أنا وخويي اللي جنبي بالحصة الأخيرة من يوم تخلص ربع ساعة من الحصة نوضب شنطنا ونستعد للطلعة ,,, ولا علينا بالمدرس وش يكتب ووش يقول ,,, وفي يوم من الأيام كالعادة وضبنا الشنط وجالسين نسولف وننتظر الجرس يدق عشان نمشي ,,, ولا أحد الطلاب اللي جالسين بالصف الأخير ينادي المدرس يبي منه شغلة ,,, والمدرس يجيه ويناظر علينا ولا يلقى كتبنا على طاولاتنا !!!!
سألنا وين كتبكم ؟؟؟
طبعا واحنا مالنا وجه نرد ,,, بعدين أنا تجرأت وقلتله بالشنطة
وأنا قلتها وليتني ما قلتها ,,, وعينك ما تشوف إلا النووور ,,, ما غير ضرب فينا وتسطير ,,, وشال شنطنا وصقعنا فيها ,,, وخلانا نطلع الكتب بالغصب ,,, ومن يومها واحنا عقلنا وصرنا ما نوضب شنطنا إلا بعد ما يرن الجرس ونشوف كل الطلاب طلعوا
و أنا على طريق الرياض رايح الباحة شفت مطعم تقريبا بحلبان و فيه تفتيش آمن الطرق ماشفته المهم ماشي بمسار الشاحنات و فيه رجل آمن يفتش و أنا عيني عند محطات البنزين أطالع مطاعم بغيت أدعس رجل الأمن بعدين انتبهت قاعد وراي لين ظلم و هو يلحق وراي يكشح و أروح المسار الثاني ما دريت أنه يطاردني !!!!!!!!!
انا اليوم تذكرت موقف مضحك صار مع اخوي قلت لازم احطه بموضوع الفارس
المهم هذا يا طويلين العمر اخوي اكبر مني ,,, معروف عندنا بالبيت بانه دب نووم ,,, برمضان اللي قبل 3 سنين كان عنده اختبارات وضغطوه حبة ,,, كان عنده اختبارين ورا بعض ,,, والله هو الرجال شد حيله وقام يدرس ,,, وما نام الا ساعتين ولا ثلاثة طول اليومين .
بس طبعا لما طلع من اختباره الثاني ,,, كان توه العصر او الظهر المهم يعني كان صايم ,,, رجع البيت الاخو ونام ,,, ويسحبها نومة 24 ساعة ,,, قام ثاني يوم الساعة 7 الصباح ,,, ويسألني يقولي افطرتوا
انا يوم قال لي كذه وافقع من الضحك ,,, قلتله اي افطرنا احنا افطرنا وتعشينا وتسحرنا وننتظر الفطور الثاني
والله مسكين يوم شاف كذه ,,, وهو خلقة جايع ,,, رجع نام وسحبها الى المغرب وافطر مرة وحدة ,,, يعني صام يومين متواصلين
ههههههههههههههههههههههههههههههههههههه
الله يرجك ميشو مسكين اخوك صام يومين احنا من الظهر وبنموت
انا بعد حبيت اشارككم بعالموقف اللي من جد مغااااااااااااامرة
(( وربي صار لي وما اكذب))
هذا الله يسلمكم انا وواحد من اعمامي ما كأنه عمي انواااااع
الميانة معاه زحححف على كيف كيفكم
جا عندنا مرة وما كان احد في البيت الا انا كلهم طلعوا شوي الا يقول لي الاخ ما ودك نطلع قلت وين؟؟ قال الراشد
كان يوم خميس وبعد العشا يعني ما تدري وين تحط رجلك بالراشد زحححمة من قلب..
قلت يلله <<<< جاهزة
بس اللي ما يستحي تحداني البس ثوب وشماغ واروح معاه هناك
طبعا اختكم في الله لو احد تحدااها ما ترتاح الين تطيح وجهه
وربي ما اكذب عليكم لبست ثوب اخوي وسيع شوي لكن مضبوط عشان ما انفضح ((اكيد فاهمين)) وانطلقنا الى هذه المغامرة
بالراشد كل شوي يعطيني ذيك السطرة على ظهري يقول لي امشي زي الرجال <<<<< يحليلها بنوووتة
واول ما دخلنا يووووووه يالزحححمة المهم مالكم بالطويل
طبعا ولد ملامحه بنوتية وش تتوقعون بيصير؟؟؟
اييييييه عليكم نووووور والله ما تصدقوني لو اقول لكم سححبت في البنات تسحييييب والله انهم وراي احزاب وانا انواع الجحدة..<----<< اخس يا الثقيلة
طلعا اخوياء عمي شفناهم هناك وقدمني على اساس اني ولد عمه
واخوياءه ما ينادوني الا الحليوة يا حليوة تعال يا حليوة روح
ويووووووم جينا عند الخروج والله تمنيت الارض تنشق وتبلعني ولا مريت بهالموقف
يوم وصلنا عند الباب الا واحد من الشباب كان وراي وشوي الا يسحب شماغي ((سحبوا راسه))
ويطيح شعري واسمع الصراااااااااخ البنات ياصرخون والشباب ميتين ضحك وماهم مصدقين ... وانا اول ما طاح شماغي الحمد لله اني كنت عند الباب واحط رجولي ما تشوف الا غباري وركبنا السيارة انا وعمي وسوينا فلم اكشن تفحيط عند اللفات عشان نضيع الي لحقونا ما رجعنا البيت الا الساعة 3 الفجر.. وطبعا انواع الضحك وما علمنا احد من العيلة عشان ما ننفرش .. وتوتة توتة وخلصت الحتوتة..
صحيت من النوم ورحت صليت الجمعة اليوم ورجعت البيت أبي ألبس بدلة وأطلع العمل ,,, مو بدلة وكرفتة ,,, بدلة = بنطلون جينز وتيشيرت ,,, المهم غسلت ولبست البنطلون وأخذت بوكي وأغراضي كلها والجوالات <<< أهم شي جوالاتي لا أنساها
المهم ويوم أوصل عند باب البيت اكتشفت اني ما لبست التيشيرت
وربي فطست من الضحك على شكلي وأنا طالع بدون تيشيرت وناسي نفسي ,,, تخيلت نفسي وأنا بالعمل ببنطلون وبتوب لس ((topless))
أدري إنه موقف بايخ ,,, بس المهم إنه موقف صار معي وخلاص
وعلى فكرة ترى أنا ما أروح الدوام ببدلة دايم ,,, بس اليوم جمعة ومافي أحد مداوم غير كم واحد فعشان كذه قلت أروح بالبدلة أريح ,,, ولا العادة أنا أروح بالزي الرسمي الكامل
العرض العادي
