قلبي همومه كثيرة...
ياناس قلبي هومه كثيرة
وهموم قلبي ما تسعها الجزيرة
العلم والتعليم ما عاد أديرة
عقلي مع التفحيط في كل الأوقات
شريتلي موتر جديد المكينه
من عند أبوي جعله طالت سنينه
أدعس على البنزين توحي حنينه
وهوايتي يا ناس قطع الاشارات
جوني الناس قدمولي النصيحه
قالوا الدراسه قلت ماهي مريحه
مابالمدرس بالعبارة الصريحه
الي يجيب لي علوم دايم صعيبات
****
مدرس جاني يشتال فرجار
يرسم دوايرها على كيف ما صار
مره بالمثلث ومره بالقطار
قالي تشابه قلت له عشر مرات
مدرس جاني يشتال عقرب
قال العلوم.. قلت ما ابي أتدرب
خلي العقارب والحنشان للرب
الله أعلم بطوار الانبات
مدرس جاني يرطن عليه
ستاندب قف قلت له وش بك عليه
هواريو ولكم وش هالبليه
قدمورننق بليز بليز وش ذات
مدرس جاني يقول الارض تدور
قلت يا استاذ بالعقل ماجور
لو انها تدور مابقى في بيتنا قدور
راحت قدور الناس مليانه أقوات
ومدرسين الدين لا باس لا باس
يدرسون الدين والهرج بقياس
وانا اشهد ان الدين والديانه لنا اساس
مدرسين الدين للهرج ثقات
ومدرس جاني يبي نقودي
الفين عد من ريال سعودي
ويشرط علي ما تباح السدودي
وقهرك يا الانسان عد الريالات
وانتها عامي وجيت ابغا الشهاده
لقيتني صاقط وبلي استفاده
كل نجح وحقق مراده
الا انا دموعي على خدي غزيرات
وسلامتكم
أخــــــــــــوكم سبرايز
العرض العادي
