مسابقه حلوه منافسه بين البعض

[عاشقه الغروب]

هلا فيكم شباب


المسابقه تقول : إن كل واحد يقول قصه محزنه ومأثره تكسر القلوب

ونشوف من اللي راح تكون قصته مؤثره اكثر من الثاني وبشرط إ ن

تكون القصه واقعيه علشان صحيح تأثر في النفوس وحادثه في زمنا

هذا وانشاءلله تفيدنا هالمسابقه وانشاءلله تعجبكم ...الافكار تجي وننفذ

على طول لنفيد ونستفيد ويالله خلونا نشوووف انواع القصص ونشوف

مين اللي راح نتأثر بقصته وعلى فكره انتوا اللي راح تنتخبون مين

احزن قصه ومين اللي راح يفوز ويالله ابتدوا................

*q
كنتم مع
عاشقة الغروووب -عشوقه الحلوه

[هـــــــــــزاز]

هلا أختى عشووقه

,

,

,


من هالناحيه :(

مريت في قووصص بالهبل محزنه

ومن اللي أثرت فيني وصار عندي أنفصام نفساني

:(

لما شديت حيلي في ماده وقدمت الاختبار على أتمم وجه

:(:( <~~ بيموت من الحزن خخخ

بعدها وقبل النتايج

؛
؛
؛
سمعت أن الدكتور اللي يدرسني في الكليه

فقد الذااكرة :( في حادث

وأوراق الاختبارات محد يدل وين مكانها لانه مدري وين يخبي أغراضه

:(

<~~ أنا أقترحت عليهم في مغارة على بابا #k

<<~~ أنطم :@ <~ زين :(

وراح على الاختبار

وأضطريت أني أعيده مرتــ(ــن) ثانيه



بالله مو محزنه

<~~ دكتوري فقد الذااكرة

و

<~~ أنكرفت مره ثانيه على شان أختبار جديد


قهر وحزن

و

حوووسه

خخخ





سالميـــــن

هوت #l شوكلت

[عاشقه الغروب]

محزنه بالنسبه للطلاب وانا اقدر ذلك لاني طالبه ايه ولله شي محزن اني ارجع مره ثانيه اذاكرهههههههههههههههه ولله ويش اقولك هذا قصه محزنه ولا مضحكه اكرفوك مرتــ(ـن)
ثانيه وخلوك تذاكر ياحرام ولله دكتورك كسر خاطري مسكين الله يعينا على ما بلاه الله يشافيه ولا يبلينا بس شكلك تعبت من المذاكره طيب اللي ذاكرته ما حفظته وقدمت مره ثانيه ولا قدمت الاختبار منه وخريته من الجهه الثانيه ولا فتره طويله مرت على الاختبار احس انك مت من الزهق على هالسالفه.لا لا القصه محزنه

[هـــــــــــزاز]

8
8

يعني فزت صووح #k

هاه وش الجائزة

:D

أدري من كثر ما ضاق خلقك من القصه قمتي تبكين

:D:D

يعني بووة جوايز ولا بلووشي

:D

؛
؛
؛




سالميـــــن

هوت #l شوكلت

[عاشقه الغروب]

ايه قمت ابكي ولا بعد امي وابوي قعدوا من النوم وجاوا يسكتوني والمناديل اللي في بيتنا خلصوا من الدموع وبعدين على طول تبي الجائزه ما تصبر ونشوف اذا قصه محزنه غير قصتك ....... ما اظن فيه قصه محزنه احزن من قصتك مو يا اخ هوت شو كلت.

[عاشقه الغروب]

ويش رايك شنو تبغي الجائزه الجائزه الشباب يهنوا لك انك فزت وبس ههههههههه يعني شنو اعطيك جائزه اذا تدل بيتنا خلاص تعال واعطيك اللي تبي من الجوائز ولا اقول للشباب يعطونك بوسات من عندهم علشلن ترضى ويش رايك اختار وجواب بعد ويش تبي

[هـــــــــــزاز]

8
8
عثوووقووه

*2

طاحت براسك

يلا محد عنده مشاكل وقصص حزينه غيري

*6

هاه وش الجائزة

خخخخخخخخخخخخخخخخخخ

أن ما جبتي لي جائزن

أبآآ أجلدك يا الدووباااه

:D

؛
؛
؛


سالميـــــن

هوت #l شوكلت

[عاشقه الغروب]

الله ماحد عنده مشاكل الا انت اجل الدنيا بخير على كذا ايه اللي يدري يدري واللي ما يدري مايدري خلاص قول شنو تبي جائزتك انا الحين بقولك قصه حزينه وبتأثر في نفسك وهي قصتك ولد خالي وعمره سنتين.

[عاشقه الغروب]

شووف كان عند خالي ولد عمره سنتين وفي هاذيك الفتره كان يبني له بيت خالي عند ه 6 اولاد بنت وحيده وسابعهم هذا اللي بتكلم لك عنه خالي متعود ان يأخذ اولاده وحتى اولاد خواته واخوانه ويروح ابهم في بيته وينظفون فيه كل اسبوع تقربيآ كل يوم جمعه وفي بعض الاوقات يأخذ ولده معاه في البيت علشان يسليه لانه يبكي اذا مشى عنه خالي وخلاص تعود اهو على كذا نه يأخذه كل مره بيروح يأخذه معاه اسم الولد (مصطفى )وامه في بداية الامر مو راضيه ان ابوه يأخذه لانه تخاف يصيبه شي من المعدات الموجوده هناك وكان خالي يطمنها عليه وبعد فتره خلاص تطمن شافت ان خالي ينتبه له وخلاص اخذت راحتها ايه يحق لها انها تطمن لانه خالي صحيح يعتمد عليه ونعم الخال لحد الحين وهو يعتمد عليه في اشياء كثيره المهم ان خالي عنده زوجتين الزوجه الاولى عندها 4 اولاد والثانيه 3اولاد 1 بنت وحده و(مصطفى) من الزوجه الثانيه المهم جاه يوم من الايام وراحوا في البيت وكان مع خالي كل اولاده وكان معاه نسيبه اخو زوجته الثانيه واللي اهو خال (مصطفى) وموقع بيت خالي جنب بيت اخته اللي اصغر منه وهم كانوا ينظفون البيت وكلن لاهي في شغله لانه مقسم الشغل على كل واحد موجود هناك يعني بيت خالي ما بقى على بيتهم الا القليل يعني الصبغ والكهرباء والشياء الاخف من الثقيله وهناك في البيت اهوزه للبنايه اللي دائمآ يستخدمونه بس ما اعرف حق ايش يستخدمونه اهم اهوزه برتقاليه والمهم (مصطفى ) يحب هذا الاهوزه وخالي ماخذ له واحد مخصصه حق (مصطفى )خصوصي دائمآ يلعب به وهو من النوع المرح خالي حيييل من النوع اللي يحب التجمع يحب المعات ويحب يسوي المسابقات والحفلات والمفاجاءات حتى في وقت الضيق يحاول ينسيهم اهمومهم محبوب بين الاهل كثير وولده (مصطفى ) مثله من النوع المرح وله السانين وجميل ماشاءلله عليه وفي ذاك اليوم افقدوه وضلوا يدورون عنه في كل مكان وخالي خاف عليه وطرش كل واحد في مكان واحد في البيت وواحد يدور في البيت الجديد نفسه وواحد في الشارع وفي كل مكان واتصلات قايمه والحاله حاله انزين في هاليوم في الصباح تذكر خالي ان هاليوم تجي سيارة المياه وتعبي الخزان في البيت الجديد وعلى طول راح خالي يشوف ولمن راح هناك شاف الهوز اللي يحبه (مصطفي ) بجنب هذا الجزان وخلاص من هذيك الساعه وقلبه طاير من الفزع عليه وناده لنسيبه شوف هذا الهوز اللي يلعب فيه ولدي اكيد طاح فيه وهو يقول(خلاص راح فيها ولدي مات ولدي راح من ايدي) وقاله هد اعصابك وراحوا بسرعه يطلون اثنينهم ولا شافوا شي وفرح خالي وبسرعه راحوا يدورون هنا وهناك وانتشرت السالفه بين الاهل ولا لقوه طول العصريه وهم يدورون خالي ما بغى له عقل خلاص تعب من انشغال به خايف عليه وفكر في الخزان مره ثانيه ورجع وطل في الخزان الا............ شاف (مصطفى )ميت في الخزان وهو يعوم فيه مات (مصطفى )بعد ما تعب من كثر ما شرب الماي وهو ينادي حق امه وابوه مات الولد المسكين اللي ماله ذنب صغير ويصير له هالشي استغفرلله( ما يصيبنا الا ما كتب الله لنا ) مات (مصطفى) وامه ما تدري عنه والاهالي كلهم تدري وهي ماتدري اخذه خالي ولا قادر يتصرف واخذه خاله ووداه الى المستشفى وخوانه كل واحد يبكي وخالتي اللي ساكنه بجنبه في جنب بيتهم الجديد سمعت الخبر ودموعها ما وقفت وحتى الصغار يبكون عليه لانه شفوه قدام عيونهم شافوا واحد ميت وهذا المستشفى كان فيها ممرض يصير زوج خالتي والمهم يدقون عليه ويسألون فيه امل ولا لا وهو يقول اتصلوا بعد اشوي وهو ميت من اساس بس مو قادر يقول لهم اهو متوتو وهم متوترين اكثر ما يدرون ويش يسوون ولمن درت امه بكت بكاه حنون بكت عليه بكاه حنون وبكل رقه ما صرخت ولا سوت شي كانت صبوره حيييل كانت تعور القلب لو تشوفون اللي تسويه تتكلم بشكل حنون وتبكينا معاها وخلاص تلع القرار مات (مصطفى ) وحالة ابوه اول مره يبكي على واحد كذا صحيح بكى على ابوه لمن مات على بعض احبابه بس ولده تقربيآ اول مره في العائله يحدث كذا اخته تبكي عليه من غير ما احد يحس ابها ولا ترضى احد يدخل عليها الغرفه حتى احنا اصدقاها واعيال عمتها ماكانت ترضى تكلمنا وتقول لنا عن اللي في قلبها والحمدلله رب العالمين تعدت هذا المحنه وصاروا احسن وحملت الزوجه الثانيه وجابت (مصطفى )ثاني ولحد الحين تقول مصطفى الاول اعز ومرت على هذا الحادثه تقريبآ اربع سنين بس اثلات حييييل على نفوس اخوانه حتى الحين اذا سألنها عن الاحداث اللي صارت ما ترضى تقول اي شي وحنا نحاول ان ما نذكر امه وفي نفس الوقت اهي ما تنسى واذا زاره خاي في المقبره اذكر مره من المرات انا كنت هناك وسمعت خالي يكلم زوجته ويقول رحت حق صطوفي وهو يسلم عليك كان يواسيها بس يعجبني فيهم صبرهم والحمدلله رب العالمين وهذا حال الدنيا ...
هاااه ويش رايك بهذا القصه مو محزنه قولي طولنا عليك ومع اني يمكن وفي بعض المواقف يمكن نقصت ما ادري مو مركزه بس هذا يكفي اذا قريتها عطني رايك فيها.

معك عاشقة الغروب