ياما بكـــــــيت/ صوتيه

[عمر عبدالمحسن]

بسم الله الرحمن الرحيم


عـزي لـمـن قلـبـه علـيـلٍ ومـجـروح....وعـزي لمـن همـه سـرى بـه وعـنّـاه


ياجرح تكفى وش بقى راحت الـروح....ياجـرح غابـت فرحـتـي ويــن ابلـقـاه


يامـا بكيـت وطـال ليلـي مــع الـنـوح....ويامـا مـن التعذيـب عشـت المعـانـاه


أرفق علي ياجـرح ياجـرح مطـروح....من لـي زمـان بيـاس عايـش مـع الآه


أمشـي بهالدنيـا علـى غيـر مصـلـوح....وقلـبـي يلـوفـه زايـــد الـهــم ويـــلاه


همي عشيري صاحبي وين مـا اروح....مـا بـه طبـيـب معـالـجٍ غـيـر رحـنـاه


قالـوا قـدر مقسـوم لازي مـع الـروح....قلت ارحموا هاتوه وش هو وش دواه


قالوا تعـذب طـول عمـرك ومسمـوح....لـو نحـت لـو عانـيـت عـمـرك بلـيّـاه

عمر عبدالمحسن

[ملكة الخواطر]

هنا في ابياتها تشدني بسحر الحروف وعطر الكلماتها
وتجذبني نحو الابحار من وصفها النادروالمتميز

القصيده صياغتها متناغمه منسجمه
فجرة المفردات تفجير
استطاع ان يروض المفردات في هذه القصيده
ويوضح لنا ويترجم بما يحول في مشاعره
انك شاعررائع
سجل ذروة اعجابي فيها
لك جل تقدير والاحترام

[؟ فلسفة شاعر ؟]

عمر عبد المحسن / ياهلا ومسهلا فيك في منتديات الود


يالله حيه في همس القوافي


وصح اللساااااااانك ولاهنت وسلمت ودمت


لاعدمتك

[شمس القوايل]

عمر عبد المحسن

مرحبا الساع وحياك الله في منتديات الود

صح السانك واعتلي شانك ولاهنت

دمت ودام نزف قلمك

نرقب جديدك القادم

شمس القوايل

[مــــــدى]

اول شي حياك الله بمنتدى الود كعضو جديد بينّا
وثاني شي اشكرك على الحضور البماغت والمميّز باول مشاركه يتشرف بها همس القوافي :)
وثالث شي انا والله مدري امدح اول شي صوتك والقائك الذي فيه شبه كبير من صوت مهندس الكلمه الامير بدر بن عبدالمحسن ولاّ امدح القصيده بالاول ..!
يامهندس قلوب الود ... تسميتي لك فاسمح لي بها :)
صح لسانك يااخ عمر ونتمنا ماتكون هاالمشاركه عابره ...
متابعه لجديدك ...

احترامي وتقديري


المــــدى ,,,

[فوق الغيوم]

ياهلا فيك اخوي عمر وحيااك ربي بيننا

صح لسانك على الابيات الرائعه واهنيك على روعة القاءك زادت القصيده جمالآ على جمالها

بانتظار جديدك

تقديري واحترامي لك

[عمر عبدالمحسن]

ملكة الخواطر..

فهد الفريدي..

شمس القوايل..

مدى..

فوق الغيوم..


أشكركم جميعاً على كرم الحضور وعذب الثناء

كما احيي فيكم جدية التصفح والشمولية

التي يفتقدها الكثير من المنتديات

وانا اعتبر نفسي مقصر بالنسبة للتفاعل مع الاخرين

ولكن يعلم الله تبعدني عنكم ظروف لاتحكى وتشكى


تقبلوا تحياتي،،

[صدق النوايا]

حياك الرحمن يا عمر
اطلاله ولا اروع من شاعر متمكن يعتبر اضافه لاي منتدى ينتسب له ننتظر جديدك

[العسجديھ]

جميل يآ عمر , تتعدآ حدود السماءْ وأكثر
وَ تقبلني مرتين ولكن هذه المره الأولى

وَدِ لكَ

[عمر عبدالمحسن]

اقتباس المشاركة الأصلية كتبت بواسطة ثَرْثَرَة غَ ـيْمَه~ جميل يآ عمر , تتعدآ حدود السماءْ وأكثر وَ تقبلني مرتين ولكن هذه المره الأولى وَدِ لكَ

اشكرك على عطر الثناء


واحييك حضورك