السلام عليكم ورحمة الله وبركاته
ذي قصيده لي هل اصلح شاعر ولا اكبر المخده وانام
ثورة وفاء عنوانها يارياجيل=ما للأصيله غير راع الاصيله
اللي حياته بين حكمه وتهليل=وكتاب ربه فالمواقف دليله
نرفع له البيضاء ونسرج له الخيل=ومكانته في كل عليا طويله
ونسوق له فنجال غير الفناجيل=فيه الوفاء من باب رد الجميله
ولا غير أبو متعب فرض له مداهيل=فقلوب شعبه بالفعول الجزيله
معدّل الميلات ومرجّح الكيل=والمستحيله تحت رجله ذليله
(النادر) اللي جاوز الجدي وسهيل=( القايد ) اللي ماندور بديله
(الصارم) بعزمه ولا عنه تحويل=(الفيصل) برايه ولا فيه حيله
(الهيصر) اللي خصمه يصارع الويل=(الماضي) بفعله لدرب الفضيله
(غضنفر) الامه و ( همهام) هالجيل=عنده يخفّن الحمول الثقيله
أكرم من الهمّال وأعذب من النيل=وأصدق من شعور الخليل لخليله
نعلن وفانا له محبه وتبجيل=وعلى الولاء نبقى قبيله قبيله
انتظر ردودكم
العرض الشجري
