قلب الرجل صندوق و لسانه اقفال
و يا سِعد من هو حافظٍ سر قلبه
قم يا قصيدي و ابدع القاف لا جال
في خاطر اللي اتعب الفكر جلبه
ما هو على شان السوالف و الامثال
و لا هو على شان الهوى زان طلبه
جبته و انا خابر مقادير الاحوال
ما فيه يومٍ وقفت دون قَلبه
طوّح عمود البيت من جر موال
نكث به الجرح القديم و بحلبه
لحظة ذكر زول البخت بين الازوال
و حيلت هنوف الريع في زود سلبه
امسى و هو ضايق و دمع القهر سال
كن المدامع من سحابٍ يحلبه
طوّل عليه الهم .. ليل السهر طال
حتى قضى طول السهر قو صلبه
راحت عليه ايام .. ما عاد يحتال
مدري غلب جرحه او انه يغلبه
لو هي على باسٍ شديد و مكيال
حط المحبه بالغضي و سط حلبه
لكن بقى صمته شهيدٍ على حال
من يحفر براس القلم قاع صلب
العرض المتطور
