مواقفكم المضحكة والمحرجة هنااااا

[عطر ملكي]

{ مدخل }
كح كح كح
هذا موقف طلعته مغبر من الأدراج القديمه اللي مكتوب عليها (( أيام الإبتدائيه )) , طبعاً هذه الأدراج في مخي ومن زمان ما فتحتها
[ أهلييييييين يا من تتابعون المواقف المحرجه هنا ]
وأنا أرجع بشريط الذكريااااااااات إلى أيام الإبتدائيه كانت أيام حلوه وبها الكثير من المواقف ومنها هذا الموقف ......
........... يتبع

[عطر ملكي]

مره معزومين على عشاء ورحت أنا وإخواني على السياره , مو مصدقين يوم حنا صغار نمووووووووووت في العزايم , وبعدين وقفنا عند بيت صاحب العزيمه وكانت الناس زحمه لأنه عشاء كبير , نزلوا إخواني كلهم ودخلوا على الرجال وبقيت أنا لوحدي أشخص على المرايه على بالي أنيق يا حليلي كان عمري 10 سنوات , ويوم خلصت من الترسيم , قفلت زر باب السياره وصكيت الباب , وإنصك الباب لسوء الحظ على رأس واحد من أصابعي بما فيه نص الإظفر صراحه موقف مؤلم والله العظيم تخيلته وأنا أكتب هذه الحروف , وقعدت أصيح قلت بفك الباب لقيتني مقفل الزر , وقعدت أصيح ما عندي أحد لأننا جايين متأخرين يعني كل العالم جالسين يحترون العشاء , إلين بالصدفه جاني ولد أنا متهاوش معاه , شافني وحنّ عليه , وراح يعلم إخواني , الله يستر عليه ذكرته إنطلق مثل الصاروخ , وجاء أخوي الكبير وهو مفجوع شكل الولد ( فجعه ) , مو شكله إلا أكييييييييد , وفك السياره بالمفتاح وبعدين فك الزر حق الباب , وأنا على طول فكيت الباب وطلعت إصبعي المسكين , وإلا إصبعي ينزف والإظفر مكسور وأنواع الألوان " كستنائي على أحمر على بنفسجي " أحس كل هالألوان صايره لون واحد , وعلى طول على المستشفى لإجراء اللأزم , وطولنا ولا خلصنا إلا بعد العشاء والناس قِد تعشوا , عاد تصدقون هذيك الليله من أحلى العشيات اللي تعشيتها وأنا صغير لأني أنا وأخوي تعشينا في مطعم كبير , على حساب أخوي يبي يجبر بخاطري , وكان الإصبع في يدي اليسار قبل الصغير , يعني اليمين ما عندك مشكله هههههههه ,
ضربت في الأكل إلين شبعت , ( إخواني أخواتي ) الأعضاء الولد نسيتوه هههههه الولد صار صديقي من بعد ذيك الفزعه .
.......... يتبع

[عطر ملكي]

{ مخرج }
( أسف طولت عليكم بالحكي لكن هذا من المواقف الكثيره التي لا أنساها )
أكرر شكراً عزيزتي على الموضوع . وتذكري لي عوده في حال تذكرت شي من مواقفي لأجل موضوعك يتفاعل معه الأعضاء .
......... إنتهى