السلآم عليكم
جيت من جور السنين الماضيه بأقتل عناهـا
------------------بعد ماكلي تضايق وأشتكى نفسي عليه
بعد ماناظر صغير ويرضع من العين ماهــا
----------------ظل به حسرة سؤال ودمعةٍ ظلت عصيه
ليه نسكت والليالي مارحمتنا من شــقاهــا
---------------ليه طيب النفـس فينا مالقينا له بقيـــــه
ليه فينا الطيب كلمه؟..ليه نكره من بغاها
-------------والردي اااهٍ ياحسره صار يفخـر بالرديـه
ليه حتى الفرح فينا ضاق بالنفس وجفاها
------------ليه عشنا بعصر ثاني منه تشكي الجاهليه
جيت أبنثر هالمواجع دمع والخافق بكاها
-----------تهت والدمعه تنادي وين راسك يالحميــه
وين نجرك وين هيلك ليه فنجالك عصاها
----------كيف نشرب للمعزه والخـوي خان بخويــه
كيف ننسى والدقايق تجرح الروح بمناها
---------كيف نكتب والحروف تمــوت فيها الابجديـه
ليه ننطق وألف لاءٍ تقتل الكلمه بــفاهـــا
-------والسكوت أن طال دربه ينقلب صبحه عشيـه
ليه هو؟ومين يسأل؟ ضاق بالشكوى سماها
--------والسؤال إن مات تبقى دمعته اخر وصيــه
في أمان الله
منقول لعيونكم