خـمـس بـيـضـات بـراس مـن تـحـطهـا - الصفحة 3

~الرصاصي~ · 19-12-2002, 10:27 AM

Re : معنى كلامك انك ماتسمح لي اني اقول هذا الكلام

وماتسمح بعد انها تدخل المنتدى !!!

عجيب ؟؟؟

اذا كيف تسمح لنفسك تقول هذا الكلام ؟

----------------------------------------------------

ابو طارق بعد عمري انت ,, ترى هذا موب اسلوب ترش على الاعضاااء توجيهات واوامر

اذا برااسك شي قوله على رساله خاصه وبلااش القاااء الاوااامر

اما اذا عضويتي مزعجتك

فانا اهديكيها منى لك كهديه !!!!!!!!!!!!!!!!

أبو طارق · 19-12-2002, 10:40 AM

أعتقد ان في لائحه طويله عريضه بقسم الفرفشه

أتمنى تكون قريتها ؟؟

وأعتقد ان مو انت اللي تعلمني الاسلوب اللي اتكلم فيه

بس احتمال تكون مالقيت جواب على سؤالي ؟؟؟

واذا كنت حابب الرسائل الخاصه كان من الاول ترسل لي

لكن كان في نقاش جاد ومؤدب وانت اللي فتحته وهذا سبب

اول خلاني اتكلم علني والسبب الثاني وجودك في المنتدى من

ايام المشكلة القديمه اللي خلتنا نلغي قسم الفرفشه .

وبالنسبة لأشتراكك ؟ محد يقدر يحرمك المشاركه لطالما

كنت متقيد بقوانين المنتدى ,, واذا الوضع هنا مو مريحك فهذا

شي راجعلك ممكن تختار اي مكان يعجبك .

~الرصاصي~ · 19-12-2002, 10:56 AM

شوف يا ابو طارق
انا ما تسببت في اي مشكله في المنتدى وانت عارف هالشي هذا عدل ( بس ليش تبي تتصيد لي ؟ )
ومن هالناحيه انا قابلت صاحب الشان الاكبر وهو ( مازن ) على الماسنجر
وانا وقتها كنت غايب ( رايح في الاجازه عند الاهل )

ولما دخلت بعد فترة لقيت المشكله قابه وان المنتدى صااااااااار فاضي ويصفررررررر
بصرااحه اندهشت ,,, ولما فتحت الماسنجر لقيت الاضاافااات والايميلات بشكل غريب على ايميلي يبوني منى اتبعهم واترك المنتدى ,,,, وهذا الشي حصل معي ............... وحاولت والحمد الله اني ارجع ما استطعت اني ارجعه من اعضااااء ( وهذول هم يقرووون مشاركتي هذي )
(((((((((((((((((( هذا عن اتهامك لي بالمشكله ))))))))))))))))))))

وانا ما كنت الا معين والحكم اخوي مازن هو اللي يشهد بكل شي

واما عن موضووع تهذيبك انت وتعليمك كيفيه الرد والمحاوره فهذا شي راجعك انت ( انا شكو فيك ) انت حر بنفسك محترم الله يحيك واذا غير هالكلام فهذا يرجع لشخصك

وانا لما سالت مازن ايش سبب المشكله اللي خلتك تلغي المنتدى قالي لالسباب وشفت الدواعي والشغلات اللي مصوره يعني ما يحتااااااج تكون اشطر من مازن

جااااااااااي اليوم وتقوووول انا سبب المشكله القديم

افا والله ما كان هذا العشم

وربي اول ما شفتك رديت على كلمه ( يا بعد جبدي ) وانا ادري انك قاعد تترصد لي ترصد وتبي تتصيد على تصيد ( انا قلت عضويتي بيدين مازن تقدر تروح تقوله ما نبيه اوكي حبيبي )

بس والله ما اقول الا حسااافاااا على اللي كنت اسويه

لما كنت الحق الشباب في منتدى ,,,,,, << اللي راحو له

كنت اسمع كلام عنكم موب طيب

واسكتهم غصب واقول هالناس غالين علينا اذا كانت لكم مشااكل معاهم فقدروهم على الاقل على شاننا

ابو طارق لا تكثر كلامك وتتهمنى اني سبب مشاكل انت عارف اكثر منى فيها واذا انت ناسي روح لمازن يذكر بالصور اللي عنده

لا تقعد تتصيد لي اوكي

دبه تسوي رجيم · 19-12-2002, 11:11 AM

الله يخليكم انهو المشكله واذا تبون تتناقشون فاياليت تتناقشون بعيد

عن موضوع وانتم مهما كان اخوان

][متعب الشوق ][ · 19-12-2002, 11:13 AM

السلام عليكم ورحمه الله وبركاته
شباب مايصير ها الكلام
انتم اكبر من كذا بكثير وربي
ولكم اسمكم وسمعتكم الطيبه
مو بالاخير نشوف زي الاكلام
وانتم اعرف وادرا مني
بالكلام
واحنا بمنتدى الظحك والفرفشه
ليس لمناقشت الامور
واذا لابد من هاذا فيه شي اسمه (( رسائل خاصه ))
واذا مو من شانا من شان الزور الله يخليكم
ماياخذون عنا سمعه مو طيبه
وممهما كان انشاء الله ترانا اخوان
وعيال منتدى واحد
ومابيننا مشاكل
والي صار يتصلح
ابو (( طارق )) (( الرصاصي ))
خلاص من شاني انا طيب
شيلو ها السيره
ويالله نبي نفرفش ونضحك وننسا الي صار
محبكم متعب الشوق
تحياتي

دبه تسوي رجيم · 19-12-2002, 11:18 AM

يله وانا من عندي بحط الخمس بيضات براس متعب *3

~الرصاصي~ · 19-12-2002, 11:19 AM

متعب فهمه هالكلااام

انا من اول ما دخلت على المنتدى وانا ارددها ( يا بعد جبدي )
وحتى انت متعب قلتها في بعض ردودك لبعض الاعضااااء ( يا بعد جبدي << على قوله الرصاصي )

بس اللحين مسكت غلــــــــــــــــــــط صارت فيها عيوب وعيوب وحتى اني قلتها لــ ( ابو طارق ) في موضووع زارني فيه على احد مواضيعي وقلت له يا بعد جبدي

اللحين سماها ذب وكلام قبيح

ولا هذا يصيد وترصد لي

متعب بالله فهمه

ترى انا من اول على الرسايل الخاصه

بس شكله بيلجا حق اقفال الموضوع

والوجه من الوجه ابيض

ودمتم على الف خير

دبه تسوي رجيم · 19-12-2002, 11:21 AM

والله خليتوني اتندم اني كتبت هذا الموضوع قلبتوه نكد الله يسامحكم

أبو طارق · 19-12-2002, 11:51 AM

عموماً انا ماقصدت اتهمك ولكن قصدت افكرك بأن سبب

الغاء قسم الفرفشه لأسباب مشابها لأسلوبك ,, وهروبك من الاجابة على

سؤالي اكبر دليل على وعيك لمعنى الكلمه التي تقولها (( بعد جبدي ))

عمومأ أخي الكريم اذا كنت ترا بأنك على صواب وانا على خطأ فأنا

أقبل التصويت من رواد المنتدى المحترمين ,, واذا تبين بأنني الغلطان

وعلى خطأ فسوف اكتب موضوعين الأول أعتذار لك والثاني أعتذار عن

الأشراف لأنني غير كفئ وغير محل ثقه لهذه المسؤوليه .

ملك الـــوٍد · 19-12-2002, 11:53 AM

السلام عليكم ورحمة الله وبركاته ..
النقاش جيد وقد يكون مفيد
بس العصبيه هي اساس المشكله ..
بالنسبه لكلمه (( بعد جبدي )) هذه من الكلمات اللي ما يقدر يحكم فيها شخص معين .. يعني فيه ناس يعتبرونها كلمه مو حلوة اذا قيلت لبنت .. وناس يعتبرونها عادي .. يعني فيه كلمات عادة تكون على لسان الانسان .. مثلا انا دائم اقول يالغالي او يالغاليه..
وبعضهم يقول احباب قلبي.. ومن هالكلمات اللي دراجه بينا وتكون على لسان الانسان بعفويه ..
فيه ناس يعتبرون لها معاني ثانيه وناس لا .. يعني تختلف.
وهذا ما يعني اننا نعطي انفسنا المجال كامل ونطلق السنا بدون حساب.. المفترض من الانسان انه يحسب حساب الكلمه بقدر ما يستطيع .. لانه قبل كل شي محاسب عليها من الله سبحانه وتعالي..
بالنسبه للرصاصي ..مالك علاقه طبعا بالمشكله السابقه ابدا .. والاخ ابو طارق ما كان يقصد انك اساس المشكله بس حب يوضح لك انه كان سببها كلمات وانا وريتك صور هالكلمات (( والكلمات هي = سروالك مشقوق .. ويدخل بين رجليها))
طبعا هالكلمات حتى لو كانت غير مقصوده ما فيه ثنين يختلفون على انها سئيه ..
وحنا نحاول قدر الامكان نتفاداها ونعاقب عليها حتى نقضي عليها..
واساس هالكلمات جت من كلمات عاديه وشوي شوي انفتح الباب وصار البعض يقول ولا يحاسب..
بالنسبه للي تقول اخوي الرصاصي انك رجعت بعض الاعضاء وو الخ ..ما انكر انك رجعت بعض الاعضاء بس ايضا حنا ما طردنا هاللي رجعتهم ولا سوينا لهم شي..صحيح منتدى الضحك والفرفشه فقط كان نائم بس مو ذات اهميه كبيره عندنا والله ..واذا راح 50 عضو .. كل يوم يسجل عدد قريب من هالعدد..طبعا ما اقصد اننا في غنى عنهم بالعكس كلهم والله بعيونا وعلى روسنا من فوق..
وما انكر حرصك واهتمامك على الموقع وهذا شي لمسناه منك ..
والاخ ابو طارق كان يقصد مجرد تنبيه .. خوفا من انه ينفتح الباب على مصراعيه وتصدر كلمات من اعضاء اخرين يعتبرون الدعوه عاديه ..
وبلاخير كلنا اخوان واحبه ..
وما نستغنى عن احد وكلنا نقضي مع بعض اكثر من الاوقات اللي نقضيها مع اهلنا ..
لذا.. اخوتنا هي اللي نبي نحافظ عليها وراح تستمر ان شاء الله .
(( اعذروني راح اقفل هالموضوع .. وان شاء الله القلوب من الجميع صافيه ))
وانتي اخت دبه اكتبي الموضوع من جديد اذا حبيتي..وان شاء الله ما ينكدون عليك
تحياتي لكم جميعا ..