اخواني الاعزاء اعود اليكم بعد الغيبه الطويله وان شاء الله تعجبكم ابياتي
اللي بهديها لكم ... |
عرفت اشلون تلعبها .. حبيبك تنتهز طيبه
تعال وشوف هالطيبة حبيبي وين ودتني
تماديت بخطال اكثر .. ادمر قلب وتصيبه
حقيقه غلطتي .. غلطة دموعك حيل غرتني
عطيتك قلب مامثله ولكن الوفا عيبه
جرحته لين حطمته .. وجات الدنيا هدتني
انا نفسي هذاك اللي لاجلك زاد تغريبه
انا من يمسح دموعك بكفه يوم نادتني
انا ذاك الحبيب اللي عشق همك وتعذيبه
انا من جيت له تشكي تقول الناس خانتني
انا من حطك بقلبه في وسط الدم تجريبه
انا من قال لعيونك يا اغلى عيون حبتني
ملكت القلب في كفك حبيبي .. طالبك جيبه
ابي قلبي وابي ترحل جروحي حيل ملتني
تبعثر شوقي الدافي وصعب اليوم ترتيبه
تعال وشوف اشواقي حبيبي وين ودتني ؟ |
اخوكم امير الحب
عبدالرحمن المرشد ..
كل عام وانتم بخير ... |