مقاطع من تميلح الاولاد ونصبهم على البنات

[ملتاع]

بنات اهلين قلت والله خل احسن صورتي عندكم بعد مشاركتي الاخيره اللي كتبتها وشكل بسببها حقدوا علي نص اللي بالمنتدى من البنات وقلت خل اعطيكم بعض حركات الشباب عشان تدرون اني ديمقراطي ماعندي فرق بين البنات والاولاد (يسمع بالديمقراطيه ولا يدري وش تصير)
هذي بعض .. صواريخ الشباب والألآآآآعيب المكشوفه

1...في اول المكالمه " الووو حبيبتي تدرين انا نايم ..... بس اول ماشفت رقمك طار النوم من عيوني ....

<< العن ابو الفقشه بس ساعتين نوم والباقي هياته >>


2... "حبيبتي انا كنت سهران ماعرفت انام كلا افكر فيك واسرح في جمالك

<< كنت سهران تلعب بالوت مع ربعك .... ولا جبت خبر لها


3... " حبيبتي انا احب البنت اذا جات تطلع تستأذن مني ....موخوفي عليك لازم يخليني اعرف وين تروحين وين تجين!!!!!

<<اللللللله يالصواريخ .... حق الملاحق وشوفوها يابعدي>>>


4..."حبيبتي يابعد عمري انتي

<<< اذا كل وحده بعد عمرك...... اجل مجموع عمرك كم يطلع!!!!!؟؟؟؟؟ >>>


5..." حبيبتي تدرين انا ودي اغير سيارتي مليت من الفياقرا ودي اجيب نوع جديد ومحتار ...

<< وانت اللي خبرك بالفياقرا بالافلام والانتر نت والا انت مامعك الا ددسن ويخب عليك >>>


6..." حبيبتي متى ودك اجي عشان اطلب ايدك من ابوك ....

<<< هذا وجهي .... اذا شفتيه وصل عتبة باب بيتكم >>>

7..." حبيبتي ودي اخلص من دراستي بالجامعه .. وبعدين بتفرغ للشغل مع الوالد في شركاته

<<<الله ابوه بياع بسطه خلاها شركات ؟؟؟؟؟؟!!!!!! اجل لو ابوه عنده بقاله ايش قال >>>>>


8..." حبيبتي انا استأذن ودي اروح اجيب الاهل من المطار ... مثلك عارف ان السواقين كلهم مشغولين والباقي اجازه

<<< عادي ندري انك رايح تجيب امك من سوق الحريم خلصت من تصريف باقي البسطه >>>>>


9..." حبيبتي الباب يدق اكيد هذا راعي المغسله جايب ملابسي ... لاني ماحب غسال البيت

<< اللي يدق الباب الديانه يبون فلوسهم منك >>>>


10..." حبيبتي انتي اول وحده تملك احساسي وقلبي وكل مشاعري , غيرتي كياني وبدلتي حياتي ...

<<< شوفو النصاااب ... من اي فيلم حافظ ذا المقطع >>>


11..." حبيبتي جبت لك هديه حلوه مره اكيد راح تعجب ذوقك لاني جايبها لك من ... مانجو ..

<<<سارقها من بسطة امه !!!! ويقول مانجو >>>


12... " حبيبتي انتي اول بنت حبيتها بصدق واخلاص ,, وراح تثبت لك الايام

<<< اكيد راح تثبت الايام ..... بس بالعكس...>>>


13..." حبيبتي تدرين وش حلمت فيه وانا نايم ؟؟؟؟؟ انك جايه لين عندي .وبقميص ابيض .. كنك ملاك ..... الخ .<<الباقي مشفر >> .

وكنت طاير من الفرح <<< الصاروخ واضح ..... وبدون تعليق >>>


14..." حبيبتي اشتقت لك تدرين اني كنت ماسك موبايلي بتصل عليك .. بس سبقتيني

<<< يا سبحان الله ,, يا محاسن الصدف .. والبنت حبيبه وتصدق >>>


15..." حبيبتي ياحبي لك كان من قبل ماشوفك لان قلبي كان يقولي عن جمالك ..

<< صح صح صح !!!!! والله انك بتقزز عليها لين تلاقي لك غيرها >>>


16..." حبيبتي .. انا بروح اصلي لانه اذن خليني الحق على المسجد قبل ما يقيم....

<<< عمرك ماركعتها . يعني الحين بتسوي فيها مطوع !!!!>>>


17..." حبيبتي .. تعودت كل سنه اصيف في سويسرا ,, بس السنه ودي اغير مليت ...

<<< يعني وين بتروح كل سنه مزروع بديرك .. مخلص علينا الاكسجين >>>


18..." حبيبتي .. لحظه اشوي عندي ويتنج .. انتظار .. شاسوي دايما تجيني ازعاجات ...
البنات مايخلوني ؟!؟!؟!؟!

<<< ماشالله صاير جون ترافولتا على زمانه >>>


19..." حبيبتي ودي اغير طقم الغرفه حقي ايش رايك اي لون اختار ؟؟؟ !!!! ....

<<< عن الكذب ولارانب ... حدك سرير ملزق عليه ستكرات العلوك ... وثيابك على العلاقات بالنافذه >>>

20..." حبيبتي ناديني كثير احب اسمع اسمي على السانك .. لسانك يحليه ..

<<< لايكون سيفونه ... ولا عاد من زين اسمك >


هذي بعض فقشات الاولاد وقلت خل اجيبها خل احسن صورتي شوي وتدرون اني ديموقراطي(طايح بهالكلمه ولا يدري وش معناها) وطبعا الموضوع ملطوش كالعاده

ان شاء الله المره الجايه بكتب فيه موقف عن نفسي انا خل اصير ديموقراطي صدق :biggrin