[مدخل ] ... وتكسرت سفينتهم على امواج المحيط الهندي ( أروح وطي مع اللي علمك الاثارة )) -____________- انا التمساح الخفيف .. شاب مستقيم ساكن في بيت الوالد .. ومقيم مع الأهل من 22 سنه بصراحه اغلب وقتي في الاستراحه مع الشباب .. متقاطين 7 شباب في استرااحه .. والأجار له 3 شهوور مطوف وكل يومين متلاقطين مع الكفيل ( تراااني سعوودي ) اقصد مع راعي الاسترااحه .. سميناهاا استرااحة الانس .. تقع خلف الطريق العاام .. خلف البقالة الي ماتبيع تتن .. يحدها جنوباً هايلكس موديل77 منقلب ..( الوصف أعتقد واضح .. سيروا يالبايخين ) الاستراااحه هذي عزيزه علي .. 23 ساعة ونصف يومياً فيهاا .. لا طفشت من دنياي عسكرت فيها واذا حدتني ظروف الحياة وبغيت انقلب .. لجأت لها بعد الله وزال همي ياعمي خلوني بداايةً اعطيكم نبذه عن ربع الاستراحه مع تعريف صغير لكل وااحد : سطاام ( رومانسي ويسمع عتاااب ) سعد (( ولد نعمة ويتروش يومياً ) ابوفهيد (( اعزهم على قلبي والأقرب لي في هالعالم كله )) ابو خدره (( مسوي عربجي وهو مافي راس امه ) ) عبدالغني ((اسمراني نلقبه كرنتينا ..أحياان يتقبلهاا واحييان ينصرع ويطنقر )) حمووود (( قروي ابرز هواياته جمع الطوابع والعملات النادره والحش في خلق الله )) والسابع محسووبكم .. التمساح الخفيف.. زعيم الجلسه كلنا أعماارنا حول الــ20 ماعدا ابو 26 سعد هو الوحيد اللي عمره 21 سنه كل ماسبق توطئة قبل مانتوطىى في ام الحكاية اللي راح اسردها لكم .. _______________ ذاك اليوم لا بارك الله في ذاك اليوم .. رجعت البيت الساعه 3 الفجر ..لقيت الباب مفتووح ..استغربت من اللي فاتحه هالوقت دزيت الباب ودخلت .. وتوني جااي ( أديوور )) وأصك الباب : هجم علي الوالد من خلف النخله .. وبحركه من بتووع جاكي شان .. سدد لي وحده بالصدر .. خلتني ألصق في الباب .. وأصكه بظهري .. وقف قداامي .. ومعه معصااد الجريش .. وقال: جاي بانصاف الليالي وريحتك بلوت !! قلت: روووقنا الله يجزااك خير لا تفضحناا .. فك و أفك ... قال: شايفني بيبسي ام نص ريال ((يذب سمااحة الوالد )) مسكني من شعري وتلني وخلاني أوقف قداامه زي الألف أ أ أ .. قال: هماني قايل لك احلق شعرك .. أنا اوريك .. وحط رااسي بين سيقاانه .. ومسكني من بطني ورفعني فوووق فووق عالي السحب .. متأثر باندرتيكر وهالمصارعه في دبي الرياضيه ثم جيتك أمشي مليوون وعلى الأرض وآآه يا ظهري قمت القط وجهي وبوكي ووجوالي وسبحتي الهلاليه .. وقلت : الشرهه ماهيب عليكم .. الشرهه على اللي جاي يشوفكم .. وطلعت زهقاااان .. وعلى وين يالتمساح الخفيف على وين .. ما بدهااش .. مالك الا هيفااء .. الاسترااحه طبعاً ______________________________ جيت الاسترااحه .. ولقيت حموود وابو خدره يشخروون قمت افرفر في القنوات واناظر رسايل هالمرااهقين وأتحمد ربي : ** محمد وحشتني افتح جوالك ودق تررى بامووت .. حبيبتك لمااا ** سعود الرياض.. ابي اتعرف على وحده رومانسه وتسكن شرق سكاكا ** ميسوون الخبر: ارجع ياكل الحب ارجع ياخلوودي طفشت منهم .. فريت على الفضائيات الحكووميه .. وأثر البرامج الدينيه تدهر بهالفجريه!! لا صحوا الناس .. حطوا افلام واغاني ... واذا نامواا.. حطوا برناامج فتااوي واحاديث !!!! بيني وبينكم الدش مو صافي .. يقطع .. والشاشه ترووح وتجي.. أشرت لها عيت توقف صكيته وأخذت لي غفوة .. جاني الهندي لقماان حق الاسترااحه معه كيس صاامولي يصحي فيني: بابا سحليه بابا يمساح ... قووم "سئوور يجي " .. رفعت الكااب عن وجهي .. صكيته طرااق .. قلت اطلع من سمااي مانقصتك قال: والله سئوور يجي .. ناظرت الدريشه : النور بدا يشقشق والدجاج يبقبق ( ياهوه يانزار بن هذال ) قلت له من هاللي جاي هالحزة !! قال: سئوور كبير اسود قلت: تكلم زين وش بك كأنك ملحووق .. عااد علي نفس الجمله .. قلت في نفسي : الله يرجه .. أكيد هالأسمراني جارنا منصور الدب .. جاي يبي زي العاده: سلف ملح .. مااجي صلصه .. وانا طالع .. صكيت باب الاسترااحه عشان مايدخل هالنشبه منصور وانا ابي انوم .. يمين .. يساار .. مالقيته .. وين راح منصور؟!! قلت: أكيد ابطيت عليه ورجع استراحتهم .. باروح له قبل يرجع ويصحيني وانا خرماان نوومه.. وهنا بدأت الحكاايه (( بدري يالشيخ )) مشيت !! مشيت !! وفجأة .. وقفت .. ثم مشيت (( أخ يا اثارة هوليوود يا انا )) والله وانا في الطريق سألت النفس : وش جايبه منصور هالصبحيه .. هو وربعه يجون المغرب ويمشوون وحده الليل .. غريبه .. وصلت استراحتهم لقيتهاا مقفله ولا فيه اي سيارة عند الباب .. قلت .. الله يرجك يا لقماانووه ماعمرك جبت العلم صح .. ورجعت اعقاابي لأني نعساان وانا مديووور .. لمحت زووول اسود كبييير !!!! والله صاادق لقمااان !! وبديت اجمع حبل غسيل افكااري وأتذكر الكلام اللي سمعته من يومين : (( يقولون فيه كلب اسود مسعور "سئوور" يدووج بهالحواري الصااده ويعض وياكل خلق الله )) بلعت ريقي اللي نشف .. وأمعنت النظر .. والنتيجه: فعلاً .. أخوكم التمساح الخفيف أمام الكلب المسعوور وجهاً لوجه !! ** يقول الفيلسوف اليوناني مرطاخووف : أسوا شيء أن يدااهمك الموت وانت لم تكتب وصيتك . . الكلب قداامي .. والأرض خلااا مابها احد .. وعزرائيل مابيني وبنيه الا ثوااني لا اكثر!! قلت لنفسي : يالتمساح حط رجلك !! " بس المشكله اني صكيت باب الاسترااحه .. ولما انحااش واقعد اطق الباب واحتري هالخيشه حموود وخويه العربجي يصحوون ثم يفتحون .. اكون وقتهاا نقانق بالمتبل الصيني في بطن ابو الشباب قصدي ابو الكلاب أقترب الكلب المسعوور مني !! صار وجهي بوجهه .. وعيني بعينه .. ودمعت عيني ودمعت عينه كفاناا من زود الفرح هلت دمووع للأسف .. من قراادة حظي .. ومن حسن حظ المستر مسعوور .. أني لما قررت الهرب .. لمحت الدلخ حموود وابو خدره فوق سطح الملحق يوازنون الدش !! يبوون يلحقوون على برناامج المملكه هذا الصباح لما شافوني وجهاً لوجه امام الكلب .. قاموا يصفروون ويشجعوون .. وصاار ابو خدره يطق في صحن الدش زي ابو هلال مع الطبل التركي في مدرج الهلال وحموود يقول:حيوا التمساح اذكره انه استنزل على طق ابو خدره !! ..... عااد انا زعيمهم واقوااهم .. فـمن العاار أهرب أمامهم .. وقررت المواجهه ( أخس يا بتال ) قلت في نفسي : الله واكبريالتمساح.. وش الكلب يعني ؟ مجرد قطو حجم عائلي! وش قطو .. الا فاار بس ( مورم حبتين ) اهجم عليه وخلك حيادي (( الله من الهلوسه )) بنفس الوقت .. سمعت لقماان الهندي هو وربعه .. مسوين راابطه ويغنوون لي : تمساح .. ياكلك هبه هبه .. ياكلك ... مع وااهد فلفل .. هم همممم والسيارات على الطريق العام تتفرج .. والمرور كثف الزحمه ( الله من زين الوصف )) والهلكوبتراات فوقي تبااشر النتائج .. وانا والمسعوور قباال بعض وكل وااحد محترم خصمه قبل ان اهجم .. حاانت مني التفااته عااجله واثر ابو فهيد ينزل من الكراسيدا حقته .. ويجي مسرع نااصي مكاان المعركه ويصرخ : كله الا التمساح( قايل لكم اعز وااحد على قلبي )) .. وتذكرت عدناان لما جااء مسرع لـ جنود القلعه وأنقذ (...) ابو سارة هههههههه جااء ابو فهيد مااشي ألفين نااصي الكلب .. الكلب مطنش وببروودة دم لما وصله ابو فهيد سوى حركه هيدروكربتراديه خاطفه .... وألين ابو فهيد قداامي يخررر دم ( ياسفااب الحماس) قام الكب يحك ظفووره .. ويصفر وقذلته فوق عينه اليسرى : قال لي: هااه يالاطخم اسدحك جنب خويك .. ولا آكلك وأحط عضامك فوقه ؟! أختر .. قلت : احذف الاجابتين بعدين هذا ما قد شفته ولا هوب خويي ( جحدت ابو فهيد مسكين بس الضرورة )) قامت اسنانه تصرصر من الحمااس .. رحت مسووي زيه .. ومن قوة الدوس على اسناني .. نط النااب حقي قداامه في ارض المعركه !! قعد ينااظره مستغرب .. استغليت الفرصه .. وبحركه نابعه من تأنيب الضمير الانسيابي : طمرت عليه وتشعبطت فوق ظهره .. وصفق الحضووور قعدت اخنق فيه بحمااس .. التفت علي ببرود .. وقال : يالحبيب .. حمار عندك انا .. راكب ضهري!! لا خل أوديك استراحتكم احسن .. أنزل وتطاااق زي الآواادم .. أستحيت وانا ناازل ومتولم للنحشه .. انقلبت الأرض وصاارت سمااء .. وصاارت رجلينه ويدينه في بطني وصدري .. ووجهي بوجهي .. خشته بكشرتي تذكرت بهالموقف رشدي اباضه ومديحه يسري . قلت له .. الله يستر من رومانسيتك وفتح فمه وشفت انيابه .. على فكرة .. اقصر أنياابه أطول من أصبع رجل ابو جيراننا وأنقض على رقبتي .. و ............. و ............. ________________ فاصل اعلاني دن دن دن فااصل ميوزيك مع دقة خطر .............. طبيت على ابو فهيد وخميته من الخوف .. سمعته يسب ويلعن !! أيضاً سمعت صووت بوووري معلق .. لا أخفيكم سراً أيضاً سمعت صووت فراامل عنيف جداً .. دفني ابو فهيد .. وهدأ السرعه .. ووقف يمين الخط .. والتفت علي وعيوونه حمراء معصب : عسى ما شر يالثور .. بغيت تخلينا نجيب العيد في هالتريله اللي من شوي .. فركت عيوني .. قلت : سلامات عسى ما شر يالحبيب .. قال : انت مدري وش سالفتك .. من مسكنا خط مهد الذهب وانت حلووووم : رد الكلب .. هات الكلب ... قلت بسرعه مسوي انفي التهمه : وش كلبه .. وش مسعوور لا عضني ولا شي قال: انا قايل عضك .. انا قايل مسعوور !! تورطت .. قلت : ايه بس من الربشه يمكن انك نسيت . . ________ وصلنا المهد واسفهيلناا .. ورجعنا للحياه .. والحمدلله صاار سيناريو حلم مرعب .. لا كلب ولا هم يحزنوون .. ________- يالربع .. لا ينط لي وااحد منكم ويسأل اسئله بايخه ويقول : اصلاً يانصاب الكلب مايتكلم .. ترى القصه تعليق في تعليق وبلاش اسئلة رابع جـ والابتدائي أووكي حقوق الطبع والنشر والتأليف محفووضه لتمساح الخفيف جميع شخصيات الروايه حقيقيين .. فقط السيناريو خراافي ذبواا عليهم ترااهم مايزعلوون .. ربعي ويحبوون اللي أحبهم ** عادي لو دحدرتوا بي للماصله.. هذي المحاولة الأولى لاستظرافي الثقيل اوي ويمكن الاخيره
صح الكلب مايتكلم ليش تنصب علينا <<< ترى كانت مصدقه ( هجم علي الوالد من خلف النخله .. وبحركه من بتووع جاكي شان .. سدد لي وحده بالصدر .. خلتني ألصق في الباب .. وأصكه بظهري ...... ) 7 7 7 عجبني الوالد الله يخليه لكم بس عندي سؤال يطرح حاله الحين يوم حط راسك بين سيقانه حلق شعرك او السالفه عربجه و السلام من هذا المنطلق رايي تضمونه الإستراحه <<< يدفع عنكم اقووول سلملي عالوالد بعد اذن الوالده ( جاني الهندي لقماان حق الاسترااحه معه كيس صاامولي يصحي فيني: بابا سحليه بابا يمساح ... قووم "سئوور يجي ...... ) 7 7 7 وووووعند لقمان الخبر اليقين لا عاد تشوته (تمساح .. ياكلك هبه هبه .. ياكلك ... مع وااهد فلفل .. هم همممم ) <<< حتى هي تشجع <<<< الأخت مشاركه بالحلم الحمدلله السالفه حلم في حلم و هلوسه في هلوسه مجهود تشكر عليه وقصه جميله تستاهل التثبيت و بانتظار جديدك لا تقطعنا
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه وياكلك حبه حبه حبه وياكلك هبه هبه ههههههههههههههههههههههه قصه في قمة الروووووووعه مشكوور اخوي التمساح الخفيف تحياتي
مشكووووووووووور اخووووي التمسااااااااااااااح0
مشكوررين على المرور ويعطيكم ألف عافيه
هههههههههههههههههههههههه هههههههههههههههههههههههه هههههههههههههههههههههههه حلووووووووووووووة بش حركة التشجيع حقة الهنوووود ,,, الله يرجك ويرجهم بس ما علمتنا وش عندكم بمهد الذهب ؟؟؟ <<<< لقاافة زايدة نابعة من تأنيب الضمير الانسيابي خخخخخخخخخخخخخخخخخخخخخخخخخخ موضووووع جدا جميل وظريف ,,, واتمنى انه ما يكون آخر موضوع لك ,,, مشكووور أخوي التمساح على هالقصة الحلوة ,,, وننتظر المزيد من القصة المتميزة منك ,,,
هههههههههههههههههههههههههههههههههه هههههههههههههههههههههههههههههههههه قصه حلوه ويعيطك الف عافيه اخوي عالموضوع الحلو
هههههههههههههههههههههههههههههههههههه يعطيك العافيه أخوي على الموضووووع بإنتظار ما هو أروع تحياتي لك أخوك الشاطر.
ههههههههههههههههههه هههههههههههههههههههههه ههههههههههههههههههههههههههههههه قصه حلوووه يعطيك العافيه
ههههههههههههههههههههههههههههه حلوه مشكووور
قصتي مع الكلب المنسم؟؟؟؟
اقووول سلملي عالوالد بعد اذن الوالده 
و بانتظار جديدك لا تقطعنا 
العرض العادي
