ما ادري لييش نفسياتنا زفت اليومين هدي يمكن عشان الاختبارات مو شرط
انا من جد عايش في معاناة تصدقو انو اغلب الشباب اللي عندنا في جامعة البترول وساكنين في السكن (الله يفكنا منو بس) نفسياتهم زفت
(ايش تبغى انت بالزبط؟؟؟)
يا جماعة المعاناة اللي انا بعاني منها انو ازا مسلا (بثبوت السين) انو انا ابغى اتكلم مع اي واحد اعرفو غالبا واحد مننا مالو نفس يتكلم يعني النفسيات ما تكوون اوكاي في نفس الوقت
(طيب هدا شيء طبيعي وموجود كل مكان)
لا يا حبايبي انا عشت وشفت بس النفسيات طين هنا في جامعة البترول
وترى هدا الكلام مو منطبق عليا انا تحديدا منطبق على اغلب طلاب الجامعة اللي ساكنين حتقولولي طيب غير السكن اقولكم مو بالبساطة هدي الحل الله اعلم
ان شاء الله تكون الرسالة وصلت لامخاخكم وتتفهمو الموضوع وتحسو بيا وبي الطلاب المساكين دولا
يلا في امان الله
انت اش تقووول؟؟؟؟؟؟
كل اللي فهمته ومتاكده منه انك في الجامعه قسم بتروووول
تراك ذبجتنا كل موضوع مدخلي فيه جامعتك وبترولك.......خلاص فهمنا...
غيروا؟؟؟؟؟؟؟
بعدين اش اللي عشت وشفت!!!!!!!!!!!
عمرك لسه 24 اجل اللي عاشوا اكتر اش يقولوا؟؟؟
انت اشتبغ بالزبط؟؟؟؟؟؟
بعدين حاول تخفف من اللهجه الجداويه !!!!!
ولي عوده لمناقشة الموضوع
رضيت ولا مارضيت........
يلا في امان الله......
هــــــــــيفاء.......المنتقده.....
بس بدون زعل.........وحده بوحده.....
أخي الكريم الورور الله يعينكم إن شاء الله...
أعتقد ان الوحده هي السبب..بالرغم من وجودكم مع بعض الا ان النفس تحن في مثل هذه الأيام للعائلة,,
أشياء تعودتم عليها مع الاهل ربما..
يمكن يكون كلامي صح ويمكن لا ..
ولكني اتمنى تعدي أيامكم هذي على خير وربنا يوفقكم ..
وبالتوفيق أخي الكريم...
تقبل تحياتي...
الله يسلمك اختي عذبة المطر على احساسك المرهف مو زي بعض الناس (بدون ذكر اسماء طيعا) واتمنى انو ربنا يعيننا على الايام هدي ودعواتك ليا لاني في ايام صعبة (اختبارات نهائية)
يلا في امان الله
وي
حزنتني
المهم الله يعينكم اخوي
ولو انا عندي مبدا من زمان اقوله بس شكلي حغيره
انو اي شاب في الدنيا ماله حق يطفش
احنا البنات اللي نطفش لانوه يااخوي الكريم احنا البنات حياتنا اضيق شوي من حياتكم
ولاالله مو شويه كتير
المهم انا ماببغى ازود عليك
بس ابغى اقولك انك بخير حتى ولو انك في جامعه البترول مادري ايش هيه اللي بتقول عنها دي
الله يعينك ويعين اللي معاك
ويعينااااااااااااااااااااااااااااااا
مدرسة الحياة
التعامل مع الآخرين
الدين المعاملة
اخى الكريم
وفقك الله وايانا الى صالح العمل
وليست جامعة البترول وحدها التى تعانى تلك المشاكل .
نفوس البشر تحمل الكثير
الا من نفسه مطمئنة
فالحل هو
كيف تكون النفوس مطمئنة ؟
الورور من اصعب لحظات الحياه الوحده وجمع معها الغربه وهموم المذاكره اعانك الله عليه جميع مع جميع زملائك ولكن عليك بالصديق الصالح ومرافقته واخذ الامور ببساطه اكثر ,,,, تحياتي لك وتمنياتي لك بالنجاح والتوفيق
العرض العادي
