~*¤®§(*§ حتى العمر عفته §*)§®¤*~ˆ°

[عاشق القلوب]

هم قهروني والمصيبه مايدرون
داسو على جرحي وانا شوف والله
هم يحسبوني بزعل دوم مفتون
وانا في قلبي هم ومليون عله
ياناس اشكي شي بالجوف مكنون
اشكي الم قلبي ياناس من له
لاصرت من اهلي في الصدر مطعون
وش عاد لو سيفك بوجهي تسله
موت البشر مره وانا موت مليون
غرتكم الضحكه والهرج كله
صار لي زمان اضحك والدمع مدفون
مير البلا عيت عيوني تهله
ياهوه وش فيكم عاد تبغون
حتى العمر عفته ماأبيه والله
صرت احسد اللي فاقد العقل مجنون
والله مريح البال محدٍ يعله
وانا ادور شخص في العسر لي عون
تعبت ماحصلت في الكون كله
واحد يواسيني ويمد لي العون
حتى الحبيب اللي فؤادي ستحله
اقفى وخلاني مبلي ومحزون
واصبح بعد قلي متعمد يذله
الله يبيحه لو جرحني ترى يمون
غالي ولا غيره يحل بمحله
هو عزوتي هو منوتي هو سيد الكون
أنا أشهد أني يالملا قدوةٍ له