أخطيت
أنا مدري وش احساسك ومدري وش تظنيني
أنا الصادق في عينك كنت وصرت الكاذب الخوان
أنا أخطيت مأنكر ولافي عذر يكفيني
سوى أني أحبك حيل وأني دايم انسان
أنا أدري بمدى جرحك وأدري الحظ جافيني
يطول الوقت ماأخطي واذا أخطيت كل شي بان
أنا شفت الزهر مايل وظنيته يناديني
قطفته يوم ظميته لقيته للأسف ذبلان
عرفت انك زهر عمري عرفت انك بساتيني
وغيرك قيظ مايروي سراب يشقي العطشان
أنا لو ماحصل ماكان وش هو اللي يدريني
بأنك ماسواك انتي سكنتي القلب والوجدان؟
انا اّسف على اعذاري عجزت القى عذر فيني
يليق بغلطتي في حقك ويرجع كل شي كان
أحبك كثر أخطائي وأدري انك تحبيني
وأدري لو تفارقنا فلا نقدر على النسيان
اذا تقوى على فراقي وبعدي عنك خليني
أنا مليت من دور الكرامه ولعبة الغفران
قليل العمرياللي انتي دموعك ماتساويني
حرام انه يضيع فراق هي من قلها الأحزان
العرض الشجري
