ماهي بداية الامنيات ولا نهاية الامنيات
العزم ماضيع دليله في متاهات الطموح
صحيح صبر دون جدوى صبر ما منه طرات
لكن مشاريه العتب ما تزعل القلب السموح
اقول جات وهي حقيقه مابعد للحين جات
مصدق اطيافن تجيني مره ومره تروح
الحظ يغزي والغنايم لو تجمل بي فتات
ياكود زود عالجروح الداميه فيني جروح
مابقي عندي لا ادلهم الهم والضيقه سوات
ولا يدله خاطري هجسن بمكنوني تبوح
ياطير هقواتي تلقتك الهبوب العاتيات
عود مدامه ماتذريك النوايف و الطفوح
وياجفن ليه تعذب عيوني تعيي ماتبات
ادري تحرا غيمة الفرحه وشحت لا تلوح
الشف يشري والورق من دورة الايــــــــــــــــــــــــــــــــــــــام زات
واضحك من اوضاعي كما ضحكة محبين المزوح
مالي على حكم الدهر قاله ولا فعل وجرات
مومن واعرف ان الولي كاتب مقاسيمي بلوح
ياعاذلي هات الملامه زانت لعيناك هات
لاتحسب اني باتردد لو طفا عشرين ضوح
مادمت فارس هيبته ساقة الاصايل عاديات
الشرد صخرها وروض من معانيه الجمـــوح
وما دامت هروجي ورودن مزهره بين النبات
جذابة الاسماع ميزتها واصالتها تفــــــــوح
شره علي الد شبحي واتمنى شي فات
مارجع الميت مطر عينن من الفرقاء تنوح
رجواي في اللي له موحد بالاسامي والصفات
يعدل الميله ويجعل للعنا ساعة نــــــــزوح
العرض الشجري
