انا ودي

[اسير ذكرى]

أنا ودي..
أبـ اعرف وشهو معنى الحب
حلاوة روح ولا غلب
صراحة شوق .. فن وذوق .. ولا كذب
أبـ اعرف هو عذاب الحب ولا عذب
أنا ودي..

أبـ اعرف ليه ماضينا تغيّر
وليه يا ناس حاضرنا تكدر
صدوق الحب من حاله تحسر
وكاس الشوق من هجره تكسّر
وقلب العاشق الولهان من خله تدمّر
أنا ودي..

أبـ اعرف من هو اللي يروي الأزهار أحلى ري
وابي اختار من بستـانه احلى شي
ابيها تكون شمس وفيّ
ابيها تنور الدنيا وتضوي لي حياتي ضي
عرفتم ياترى من هي؟..
أنا ودي..

أناجي الريم واسعد في هواها
وتسمحلي ارفرف في سماها
لها مني غلاوتها ورضاها
عيون الكل تنظر في حلاها
وانا لله ماودي سواها
أنا ودي..

نعيش الفرح وايامه السعيده
دروب الشوك خلوها بعيده
ودرب الخير خلونا نزيده
ابي رجواي من دنيا عنيده
اريد الحب يادنياي اريده
أنـــــــــــــــا ودي .....