السلام عليكم ورحمة الله وبركاته
اولاً مساء الخير لكل من راح يمر على الصفحه
ثانياً كل عام وانتم بالف خير
والله يعيده علينا وعليكم وعلى ساير المسلمين آجمعين
قصيده تناجي الذائقه
عل وعسى ان تجد لها مكاناً بين ذائقتكم
سلسلة أحداث غدرك
.
.
.
عقب جرحك للمشاعر / عقب تنصيب الكمين=أنت ظنك أنخدع بـك فـي زمـان الزايفـات
جيت من بعد المفارق شخص واثق مستهيـن=لا وربي أبتعد ماخلـف قربـك لـي حيـات
قل بربك من عشانـه يـوم خلفـي تلعبيـن=أسالـك بالله ربـك قـل بـرب العـاديـات
لاتعذر في ظروفك كافـي أرخصـت الحنيـن=أنت تدري ذبلـت أوراق الحنـان الحانيـات
مابناك إلا قصيدي ، يـوم عنـدي ترتجيـن=وقاويٍ أجرح شعورك لـو أذكـرك الصفـات
أنعميتي في قصيـدي عنـدك العلـم اليقيـن=من تكوني لولا شعري / لا جمال / ولا حلات
كهف لا / لا ، لا وربي إلا سمينـي عريـن=أحتظن عـرش المحبـه وأستفزيتـي بنـات
تدري ويش اللي ذبحني خنجر بكـفٍ لعيـن=يتم جروحٍ يتامى خلـف ظلعـي فـي سبـات
ماقهرني غيـر طعنـة كـف نفذهـا يميـن=دام هذي من يمينك !! وش يسارك صانعـات
قلي كيف الورد يجرح كيف جـرح الياسميـن=كيف أزوال الخناجـر فـي يديـن الآنسـات
تدري وش أثمر غيابك غير نوحي / والونين=أنكسار / و أنتحار / و أحتقـار / الشاهقـات
أختلال / وأغتيال / وأحتلال / الأرض طيـن=وأنتصار / و أختصار / و أعتذار / النايفـات
وأنبعاث الجرح / والحرمان / والماضي الدفين=وأحتقار الشمس للنجمه في عنق الأمسيـات
والحزن / والضيم / والغربال / والحمل المتين=والقهر / والفين صرخه خلف حلقي ذايبـات
وأغتصاب الطيب صدمة ظن مجرمهـا أميـن=فضت أبكار الهقاوي من طمـوح / وأمنيـات
وأنتثر دم الكرامه وأنتصـر حـزن السنيـن=وأرتكز بيرق ضياعـي مـع بقايـا ذكريـات
مابقالي غير جرح / وفكرة الحـرف الحزيـن=وطعنتين / وجرح دامي أثمرت هم / و شتـات
سلسلة أحداث غدرك داخـل الفكـر الرزيـن=لملمتها فلسفة شاعـر عقـب ماهـي فتـات
شيء طبيعي لو سؤالك مات في مخ الفطيـن=الغريب / مولد سؤالٍ صادفه موعـد ممـات
.
.
.
فهد خلف الشمري
العرض الشجري
