تكفين خالتي نوره خلي ريم تنام عندنا

[راعي الفورد]

من بدت الإجازه كم مره سمعتوا مثل هالكلمه؟؟؟

السلام عليكم ورحمة الله وبركاته

[size="5"]اليوم حبيت أطرح عليكم موضوع شبه حساس لكن في الوقت الحالي صار حساس بزيادة


اللي أشوفه وصارلي طبعاً ان بعض العوائل وليس الكل يسيرون على أقاربهم يعني الأم تسير على أهلها والا بيت أخوانها أو خواتها ولاننسى الأعمام


المهم اذا جاء وقت الرجعه للبيت تلقين بنت الخاله او بنت العمه تبوس رجول العمه أو الخاله طبعا تكفين خلي فلانه تنام عندنا اليوم وبكرة تجيكم وتقعد تحاول فيها وأحيانا تلقين أم الثانية تترجى مع بنتها انهم يقنعون أم فلانه توافق


خليها يابنت الحلال وش انتي خايفه منه يسهرون مع بعض ويستانسون وعطله ماوراهم شيء

وتلقين المسيكنه الأم ماتقدر تردلهم طلب يقالها استحت منهم ورحمت البنات توافق بسهوله


ويالله يبدون السهره مع بعض ورقص ووناسه وسواليف على قولتهم وكيرم وبلاي ستيشن واونوا

ووجبات ماك وكنتاكي رايحه جايه

اذا كان البيت خالي من عيال اووب محارم لها


الوضع نوعا ما عادي....لاحظوا قلت نوعا ما لان الافضل ان البنت ماتتعود تنام برا


لكن الأدهى اذا كان البيت فيه عيال ياترى وش يصير؟؟؟؟؟؟؟؟
أنا اووب قصدي هنا الإساءه لأحد لكن نقول الشيطان شاطر لأن الولد لمايسمع صوت المسجل وصراخ البنات وضحكهم بيقول والله فلانه فله والله هذا فيه خطر كبير للي مايدري لأنها فتنه لأهل البيت
حتى لوقلتوا مايرقصون ولايصارخون ولا ولا ولا


وكل هذا والله من بعد ماصرنا نسمع سوالف كثيرة
وياما سمعنا بنات اللي تحب ولد عمها والاولد خالها وبينهم رسايل ومكالمات وخرابيط وسوالها مصيبة

بنتي تقول يمه تعرفين فلانه تدرس معي بالفصل...طبعا هم ثاني متوسط

قلت ايه وش فيها

قالت ذاك اليوم فرحاانه ومبسوطه تقول زوجة ولد عمي ماتجيب عيال

قلت وليش فرحانه

قالت لانها تحبه وزعلت وصاحت يوم تزوج وهي تحبه لانها تبيه

عاد اللحين تقول يستاهل زوجته ماتجيب عيال

قلت طيب هو مايحبها ومايبيها ووشلون تبينه ياخذها هي صغيره

قالت لا بينها وبينه رسائل>>>وين اهلها؟؟؟

القصه الثانيه

بنتي مزعجتني تبي جوال وانا رافضه تماما...جوالي عندك وخذي راحتك فيه

قالت انتي اكيد تقولين لا عشان تخافين اصير مثل البنات

قلت اي بنات...قالت


البنات اللي معهم جوالات في فصلي يكلمون شباب

قلت مثل مين

هيا وشهد قالت لا مامعهم جوالات

ورانيا؟؟

قالت رانيا تكلم عيال خالاتها عندنا في المدرسه وهي جالسه وهم عادي اساسا

لاحظوا البنت ثاني متوسط

وكانوا يخططون على اول اسبوع في الإجازه ويحددون وين ينامون فيه

بحيث يجتمعون ينامون كل يوم في بيت احد منهم

طبعا ايام الاختبارات مافيه مراقبه على الجوالات

وين اهلهم هذولي....برضوا مدري

وش رايكم بنوم البنت في بيت غير بيت اهلها؟؟؟؟

بالنسبه لي في بيت خالاتها مافيه امل ولا حصه ولا جواهر ولا ليلى

ولا في الاحلام

الا في حالة اني معهم للضروره والاضطرار فقط فقط فقط

اما عند عمانها فيختلفون

اللي ماعنده عيال ابد وكل اللي عنده بنات عادي اخليهم ينامون العم والد

اما اللي عندهم عيال حتى لو زياره مااخليها تروح معي

لاني مااضمن وين بتجلس فيه والبيت مليان عيال

نجي عاد للصديقات اللي مدري من وين طلعوا

مااذكر في يوم من الايام قلت يمه ابروح لبيت صديقتي ابد ابد

لكن حاليا كل يوم طالعه لنا صديقه

بس من بديت اسمح لها وانا لازم وضروري اروح معها مااخليها تروح بروحها

واعطيها تحذيرات قبل مانطلع من البيت انه ماتطلع من المجلس اللي حنا فيه

والحمد لله اكتشفت ان حتى صديقاتها امهاتهم مثلي والحمد لله

يعني يجلسون البنات في نفس المجلس بس حنا الامهات زاويه والبنات الزاويه الثانيه

والحمد لله

انتم رايكم؟؟؟؟وهل تسمحون لبناتكم ولالا؟؟

منقول

[مـ الشوق ـلاك]

راعي الفورد

احيك اخي بتحية الاسلام

موضوع جدآ جدأ جدأ ولأبعد حد حساس

الوقت هذا الأخوان صآروو ينخاف منهم عبعض الشيطان والأعلام غرز السموم
في الأفكار

ياحلوو حياة من أول والله انها الف مره احسن مو أسب بالحياه

اسب بالناس اللي تغيروو

لأن الزمن عمره مايتغير الناس هي اللي تتغير


على سالفة بنت خالي تنام عندنا أزودك من الشعر بيت

تصدق اعرف صديقات ينامون بيت صديقاتهم
والبيت اغلبه شباب

يعني الأهل لهدرجه ثقتهم عميا
طيب انا واثق بالبنت واهل البنت واعرف الرجال والأم تعرف الام

بس الشيطان مهما كان حي

حتى عيال العم ماينتركوون مع بعض

لأن الحين معاد فيه بزرآن والله حتى الصغار يقوولوون شي انا كنت استحي من اول افكر فيه

لا لا عادي حتى البزر اللي عمره 6 سبع سنوات

تلاقيه جالس عند mbc4

وين الأهل حرآم والله هذوول امانه برقآبكم

انتهبووو تفرطووون


يعطيك العافيه

مـ الشوق ـلاك

[خاااااالد]

في الحقيقة .. أهنيك على هذا العقل في التربية .. كلامك عين العقل ..

و لو إني أختلف معك في نقطة ألا و هي حتى لو البيت كله بنات و مضبوطات و ما ينخاف عليهم ..

يردني إني ما أسمح لهم مبدأ إن البنت ما تنام برا بيت أهلها و لكن الأمر يكون أسهل إذا كانوا صغار يعني من 8

سنوات و تحت و لا يزعجون أهل

البيت و أهل البيت أيضاً يرغبون بجلوسهم ..

لكن من تقرب البنت من سن البلوغ أو بالأصح من تصير عمرها حول العشر و الله لو تبكي دم ما تنام إلا في غرفتها ..

لا أحد يقول معقد أنا أقصد النوم فقط أما غيره أوديهم و أجيبهم و أخليهم يروحون ملاهي جميع .. لكن النوم لا و ألف لا ..

و لا ننس اجتماع العيال مع البعض حتى لو كان البيت أيضاً ما فيه بنات ..

ولدك اللي ما يطلع البقاله إلا بإذنك و ما عندك أحسن منه إذا اجتمع مع عيال عمه و عيال خاله أصبحت عندهم جرأة و

شجاعة غريبة يطلعون و يروحون و يجون ..

تلقى أهل البيت نايمين و هم يسهرون و مدري وش يسهرون عليه و بعد الفجر فطور و بوفيه و دوران بالشارع .. و أنت

ما عندك استعداد تهدم ما بنيت أنت تربي منا و هم يهدمون منا ..

والأمر في هذا نسبي و لا بد من المرونة و لنستشعر " كلكم راع و كلكم مسؤول عن رعيته "



انتهينا

[سام 6]

الله يصلح الحال

يعطيك العافيه


تحياتي

ودي وتقديري

[راعي الفورد]

يعطيكم العافيه واشكركم على المرور