هلابك يا صباحات الغلا والنور زاده نور
حضورك والقصيد وكلٍ يعبر عن شعوره
هلا من قلب وافي والمحبة عطرها منثور
على ذوق وادب والنفس منهيه وما موره
تعالي مابقي شيٍ نخسره والزمان يدور
وسنين العمر تمضي واكثر الايام محضوره
تعالي نرسم البسمه على شفاه وربيع صدور
خذا منها الزمان وما عطاها غير با كوره
تعالي نحلم ونبني على دروب الغرام جسور
ونغني للمساء والصبح يا خذنا على نوره
تعالي واهرجي والصبح نوره للقلوب عطور
يموت اللي يموت من الحسد والناس مخبوره
تعالي ماسرق قلبي وخلاني بدون شعور
سوى شوق ليا غبتي لعبي لعبة الكوره
تعالي في حضورك للشعر معنى وله دستور
خضعلك واعترف لك من سماه لقاعة بحوره
تعالي ونسيني واشعلي ليل العيون الحور
امانه لاتخليني ترى منتي بمعذوره
تعالي وانثريني واجمعيني عاشقٍ مسحور
شتاته في مهب الريح والصوره هي الصوره
عشق فيك الشموخ وكبريائك واصلك المخبور
اعرفك بنت اصول وعاقله منتي بمغروره
انا همي وتفكيري سعادة خاطرٍ مكسور
اعيش بجرحي وتبقين مرتاحه ومسروره
العرض الشجري
