قصيدة رثاء

[%إحساس شاعر%]

بسم الله الرحمن الرحيم
هذه قصيده كتبتها بعد وفاة ولد عمي رحمة الله عليه
قبل شهرين في حادث
وكان يعني لي الشي الكثير
القصيده/
اشهد انه راح من جنبي عضيد
اشهد انه طاح من وسطي حزام
والله انه جرح في قلبي شديد
موت أخوي الفارس الشهم الهمام
لكن إن الموت بغته هو يصيد
مايعرف الوقت ولا يقيده النظام
بسكب له الدمع لكن دمعي ما يفيد
لو يفيد الدمع والله ياعيني ماتنام
لو دموع العين قد ردت لغيري فقيد
كان ردت عبد الرحمن من دمع العظام
دمع ابوي ودمع عمي هل الرأي السديد
ودمع جد يوم همل محبه واحترام
ونوح ثكلى تسقي خدودها دمع مديد
ودمع في عيون العذارى بحسره وانهزام
ودمع من ناس تحبه وحبه في الوريد
أصدقاء واحباب وأقارب وجيران وعمام
حبه بقلبي بناله بيت أصلب من الحديد
ماتغيره اليالي والاحداث الجسام
بعد موته زاد حبه بقلبي من جديد
طار فوق السحب علّا مع طير الحمام
مايوصل منزله لاقريب ولا بيعد
ولايسكنه شخص في صحوتي ولامنام
كان رجل لانخيته وقف ماهو يحيد
مايحب التفرقه والشتات والانقسام
يالله إنك تنزله مثل منزلة الشهيد
وتجعله جار النبي وجار الابرار الكرام
وفي الختام أطلبك يا واحد فرد مجيد
ترحم الدحمي وتجعله في أعلى مقام


اتمنى من كل من يقرا القصيده ان يدعو له بالرحمه
ويعوضه في شبابه بالجنه
لانه توفي وعمره24سنه الله يرحمه
ودمتم بود