قلت ابكتب ومدري ويش اقول= غاب الوزن عني ولا طاوعني القاف
ادري همي كبير وشرحه يطول =وادري اني شاعر وماعلي اختلاف
جمعت حروفي ورتببتها حسب الاصول= للي وصل قلبي بعشقها حد الاسراف
مافارقت بالي وحبها بصدري يجول = اشهد اني غرقت وكلا دري وشاف
افترقنا بقدر ومحد عن القدر مسوؤل =تمنيت اكسر التقاليد لاجلها والاعراف
تمنيت وماكل شخص تمنى ينول=بعيش على ذكرها وهاجس الاطياف
عندي لها ورق اصبح من الدمع مبلول=وبقايا شعر من حول اسورتها لاف
بسهر مع الذكرى واصبر قلبي المشغول =ويحرم غيرها لو تكاملت فيه الاوصاف
ياملهمه حرفي عجزت ألقى حلول= بكتب اخر قصيده وبخط فيها اعتراف
انك حلم لايمكن يصير وصعب الحصول=انك اجمل ماشفت بحياتي من عفاف
انك أغلى ماعشقت عشق غير معقول = ان حبك بقلي سافر واحرم وطاف
وسعى واعتلى فوق وما وده بالنزول =وان الهوى بعدك صار ينكره وينعاف
وان الحياه بوداعك صابها ذبول= ورب الناس والنور والاحزاب والاحقاف
غيرك ماله بخاطري عشق وميول =يارب ياللي متميز بالعدل والانصاف
ياللي ترزق العبد وتخفف عنه الحمول =توفقها وتنصرها على اللي مايخاف
وأهل الحقد والكره ناقصين العقول = وتعينها بالدنيا وتبعد المشاكل والخلاف
ربي يسعدها وكل هم بقلبها يزول = وهذا كلامي لها بعد حفلة الزفاف
اتمنى ان تحوز على رضاكم وتقبلوااا تحياااتي
العرض الشجري
