وش اخباركم يا حلوووين ولكم وحشه
من زمااااااااان ماكتبت لكم قصه <<< <<<< جدتهم انت ولا شي (احترم نفسك انا رجال)
<< هع هع
و يا جماعه هذي قصتن صارت معي وانا مااعرف متى لكن الوكاد انها صارت!! خذو العلم مني . الشاهد من الكلام هو ا ني دخلت بيتنا ذاك اليوم وانا الي احصل اخوي الصغير (9سنين)مسنتر عند سبيس تون الله لايجزاهم خير خلو بثها 24 ساعه وهاااتك يا فله البزرا ن في بيتنا انا يوم حطوها 24ساعه تحمدة الله اني مانيب دش؟؟؟ صار! دشنا مايطفى تقول محلات (ميد)مهوب دش<<هع هع
والله وانا الي القا الحبيب نايم عند التلفزيون واقوم واشيل ه واوديه لفر اشه <==تحسون ان الرقه ماتصلح لي خخخخخخخخخ
لا الصحيح اني مزعته لين قام وقلت ظف وجهك لفراشك يا قليل الادب (ايه هذا فطنقع الي انا اعرف) وانا الي ارجع عند الدش والله وينسجم خويكم مع ذا الكراتين ومافيه الا قوه بوكيمونات ومدري وشو والله وانا اقوم اشجع و انا الي اغير من جلستي واتحمس جداً .ويوم ركزت مع الصوره وهو الي ينفتح التلفزيون ويشفطني وافتح عيوني عقب الشفطه واذا بي!!!!!
قاعدن في غابه ولا ادري وين الغنم سارحه(يعني ماادري وش السالفه) المهم تعوذت من بليس وبيني وبينكم ترى انا تشققت من الفرح ولو جوالي مهوب استقبال دقيت على الزكرت <<<اخوياه
نكشت في ذيك الغابه يوم تلفتت حولي ولا ذيك البنت الي تقول طلقه (حلوه) يوم انا كمشت براطمي من حماسه الموقف وهي الي تنصاني (تناديني) واجيها قلت وش العلم يا بنت الناس وش الحاصل وراك كنك ملحوقه قالت وخر تكفى انت وذا الوجه الي تقول طابع بريدي!! خخخخخخخخ
حقيقتاً يا جماعه انا جاني ذبات اشكال والوان بس ذي الذبه جديده<<< (خذ حقك ياغبي)
والله وانا الي ارفع راسي والنيه قشر عشان بسدد لها ذبه اغير اسم عايلتهم فيها (احس اني قوي) يوم رفعت راسي ولا البنت تقول للقمر ظف وجهك وانا الي انحرج وش اقول لها ذي و اسكت والفقها واقول في نفسي يحق لك يابنت الكلب يوم تمقلت فيها زين ولينها لابسه وزار ابيض وزنوبه شفافه لا والزنوبه اليمنى ضايعه (هع هع ) قلت اقول من انتي يا الشيخه قالت انا عمتك سندريلا ...انا يوم قالت عمتك انعميت و لولا اني ماامد يدي على حرمه ولا كان عطيتها المقسوم قلت اسمعي انتي يا سنو وايت مدري توم وجيري انتي وقوا رير هالببسي الي في رجليك (اسمع في القصه ان جزمتها قزاز) ترى ان ماذكرتي الله بيجيك علم مهوب الي انتي تبين ولا اعقلي وخلك رجال <== حلوه
اثر البنت قلبها رقيق وانا متعود على التماسيح يوم هشت عليها<<(ماعرف ترجمتها)
وهي تخنقها العبره بيني وبينكم ترى انا شديد بس مع دموع البنات اخور ماني خويكم الاول والله وانا الي اعفط ما استطعت تعفيطه من براطمي وبغيت اطق الدمعه بس اني ماني معتذر لو تموت مهوب بس تصيح ولكن لقيت حل افضل قلت اسمعي روحي لذيك البقاله واشتري الي تبين وقولي الحساب على فطنقع <==مامعي الا ربع ريال ههههههاااااي
وهي الي تطس عن وجهي(على فكره ترى رقمتها!!! ولا فطنقع وبنت في الغابه ولا يرقم؟ (معليييش )قويه.... لابعد واحمدو ربكم الي وقفت على ترقيم هاه)
المهم اني رحت والنيه ابي اطلع من ذا المكان الي مدري وين الله رماني فيه . يوم ابعدت شوي وانا الي القى بنك بنثر(ترم ترم ترم ترم ترم تريييييييييم ترم) والحقه وينحاش والحقه وينحاش والحقه وينحاش (خلاص يا ابو وصلت الفكره) يوم جا الاخير وانا الي اطلع سنارتي واصيده (سمكه يالحبيب) هع هع
يوم وقف وانا الي احطه في قفص (كذاب من وبن جبت القفص)واقعد انغزه ابيه يتكلم. وانغز! ابي!! يا ابن الحلال!!! طيب كلمه ولو جبر خاطر طيب حرف طيب أي شي ولا فيه امل وانا الي احقره واروح ادور شي اتعيش به في ذا الغابه يوم قعدت شو ي وهو الي يطلع مساحه من مخباه (جيبه)ويمسح القفص الي هو قاعد فيه ويطلع علي(خيال واسع) قال اقول الشرهه مهيب عليك الشرهه على الي يخليك تصيده . الحقيقه يا ناس انا داري انه مايتكلم بس قلت بحرجره يمكن يتكلم بس يوم تكلم انا عورني بطني من الخوف صوته تقول تغره بعير الله يغربله هههههههههههههههه حلوه
االمهم اني تعشيت ورحت ديره قريبه اشوف نورها واثرها مهيب ديره اثرها الملعب الي يصورون فيه مسلسل الكبتن ماجد يوم بغت تشقق خشتي من الوناسه وانا الي ا تحزم وانطل نعالي (تكرمون) واجي واشوف بفرق معهم يوم وصلت لينهم تاكين على جنب والكبتن ماجد معلق بخيوط في الهوى والله وتخف ابتسامتي وتنقلب تكشيره قلت وش الحاصل يا الزكرت مافي لعب ولا وشلون؟ و لا ماتلعبون الي ما جاب تكميله
<==هع هع هع
قالو لا الحلقه ذي كلها والحلقتين الي عقبها بيسوي فيها الكبتن ماجد دبل كيييك ..قلت انا يؤيؤ الله يعين المشاهدين بس عاد الصراحه اني ا تمنيت ان التلفزيون كمل جميله وانه شفط الهايلوكس حقي عشان اركب ياسين خوي ماجد ذاك الزين اخذ به فرتين نكشخ به بس ما حصل
<==ترى على فكره عطيت ياسين رقمي خفت يحتاج شي ولا شي (علينا)
المهم مالكم في الطويله والله وتتلني(تاخذني) رجلي لين الجبل وانا الي ارقاه وانواع التعلق والتغريز(ليش الاخو راكب سياره) يوم وصلت فوق الا هذي هايدي الصغيره وبيتر يرعون الغنم وهو مسوي نفسه ذيب يقول لها تعالي اعلمك وشلون تحلبين يا هايدي على باله محترف بس على مين طاح في يد ملكع (اللي هو انا)وانا الي اتله مع علباه(علباه=قفى راسه) قلت اسمع يا الدلخ ترى تدور الصيده والصيده بظهرك لاتقعد تميلح على ذا الضعيفه ع شانها يتيمه مدري اهلها ناطلينها هو صح اني ماشفت الحلقه الاخيره بس اعرف انك نجس يوم انلخم ولا وده انه انصاد في ذا الموقف ولا عاد سمعت له حس واتل البنت وارورح اوديها لجدها شيخ الطعوس مدري الجبل المهم انه شيخ على مدري مين.
واددف الباب وادخل قلت انت يا هيه البنت مأمنينك عليها يا شايب بليس وانت مهملها مع ذا الداج بيتروه (من عيال حارتهم على غفله) قال انا مدري وشو.... قلت اقول درجها ولا يكثر بعدين لبسها بنطلون مهوب كل ماتمرجحت في ذيك المرجيحه طلع شسمه الداخلي يا قليل الادب<< كل واحد عينه في ورقته
والله وانا الي احس ان الموقف بحاجه لكف ولا يثنيها ابو عبد العزيز وانا الي ارنه بكفين لين ابترمت خدوده يوم ناظرت الا هو ماخذن المحش حقه والنيه بينحرني كما تونحر الشاة << اسمع فيها دايم
قلت افا يا ذا العلم مهيب هي يا ابو عزيز تكفى العمر غالي والله وانا الي اركض ركضاً مبرحا يحلفون اني شطفت ذاك الي يقول (بيب بيب) من زود سرعتي<<< كذاااب
والتفت اناظر الشايب ولا خدوده تقو ل اسطبات كدلك مديل 2000 وضاربه الفرامل (يلعن ام الوصف البليغ) وفيما انا اركض ولا القى باب صغير وانا الي اندعس فيه ولا دريت الا انا في صاله بيتنا
واتعوذ من بليس واطفي الدش الله لايعيده وافقع عند اخواني في الملحق قلت في نفسي انكانه بايع عمره ذا الشايب يجي ني عند اخواني سبعه ثيران في ذا الملحق مالهم فايده خلهم يفزعون!! الموضوع قده خرب فيها ذبح الدعوى مير اشوى ماطلع علي من التلفزيون احد
--------------------------
في النهايه اسف على الاطاله وانشالله تجوز لكم القوصه
مللطوووووووووووووووووووش
تحياتي نديم الطيف
فـــــــطــــــنقـــــــــــــع وسبااااااااااااايس تووووووووووون(هع )
العرض العادي
