لا لا تقول أبعتذر منك بــــــــــــــــــــــــاروح
وش له تساومني ترى الأمر عـــــــــــادي
هذا الطريق ووين مارحت مسمـــــــــــوح
خلك بكيفك منت شــــــــــــــــربي وزادي
مهوب أنا اللي يقضي الليل بالنــــــــــــوح
وإلا أتذكر صورتك ثم أنــــــــــــــــــــــــادي
والله لوك تسكن القلب والــــــــــــــــــروح
ماجيت أبرجى رجعتك وأنت غـــــــــــادي
مثلك مثل غيرك ترى الدرب مفتـــــــــــوح
ماهيب تسكني هموم البعــــــــــــــــادي
ماهوب أنا اللي يشتكي قلب مجـــــــروح
قلبي بكيفي بالرخا والشـــــــــــــــــدادي
وش عاد لو أنك جميل وممـــــــــــــــــلوح
وش عاد لو زينك على الـــــــــــناس زادي
زينك على غيري يجي منه مصـــــــــــلوح
أنا أنا مالي بزينك مـــــــــــــــــــــــــــرادي
أنا بقلبي أعظم آمال وطمــــــــــــــــــــوح
عسفت همي يوم غيري رقــــــــــــــــادي
نصيحتي خذها معك وأنت بتـــــــــــــــروح
خسران يمعاند بحر لوه هـــــــــــــــــــادي
***** (( قصيده مختاره لكم )) ******
العرض الشجري
