مساء الخير
ومساء ................ بالفرآغ شي قلته اوب لازم تعرفونه
^_^
بكل مكان صارو يقولون مغروره ومتكبره
وفي نآس على قولت جدتي شآبتن نارهم منتس اسفهيهم وانا امتس ^_^
<<فآصل ونوآصل
نشاغــــــــب
نزعــــــــــج
ونضحــــــگ
ولگن" قلبنا (عصفور)
نسامـــــــح
غلطـہ الثانے لجل {خاطر براءتنا}
<<<< رجعنآ ^_^
كثيرين ناس يسعون لتحطيمك بس تبون رأي ماعليكم منهم
لمن يقولون انت مغرور انت شايف نفسك نصيحه مني
قولو هذي حياتي وانا مبسوط فيها خلوني اغتر الدنيا فانيه اذا ماأغتريت
الحين متى اغتر
بس لكم مني عاد اوب غرور غرور
لا يعني خليكم ثقل شوي ولمن احد يتكلم نآظرووه بنظرآتي <<< ^_^
عاد ماحد يعرف نظراتي بعلمكم بعدين المهم بتكلم بصراحه
لمن الحين شخص يحاجك عن نفسك ويتكلم معاك عن نفسك
وش تضطر تظطر انك تتكلم عن نفسك وتدافع عن نفسك
موب صح <<< صح ياملاك اسلمي
ولمن تحجر للشخص ويحاول يمين يسار انو يبي يمسك عليك ممسك ومالقى
يبدا يصرف ويقول وماأدري ايش الا يهز ثقتك بنفسك انت او انتي او انا يعني
وش بنسوي بظل مصره انو انا نفس ماأنا حتى لو كان الي كان
ونزل من السما صدام <<< ملاك برآآآ
اخر شي لمن هالشخص تبدا عليه علامات الضعف
وماقدر يكسر لك راسك لأن رآسك كسر راسه
يقلب عليك ويتهرب ويصفك بالتكبر والغرور
وانك انسان شايف نفسك
وان تتكلم عشان بس الناس يلتفتون لك
وانو وانو وانو ... الخ^_^
هنا وش رآيكم هالشخص موب مريض
انا عن نفسي مريض ويمكن مريضه ليش لا المهم ماعلينا
لأني انا واجهة مريضين بحياتي كثير
بس مريضين على انفسهم مو علي
ومدام انو امتلك شهادة ثقه موثقه من المجلس الأعلى لمنزلنا
خلاص مايهمني اي نفر بالدنيا كلها
عموماً بعد هالمقدمه الطويله وعشان تعرفون اني
مو مغروره ولا متكبره بقولكم سالفة الونيت الأحمر ^_^
طبعاً من فتره مو طويله
كان ايام اختبارات
والوالد مسافر
والوقت صبح
ومتعودين ننزل والسياره عند الباب والسواق مجهزها
ومعنا عيال عمي ثنين هم بنت عمي وولد عمي
فلما طلعنا برآ الا السياره مو مشغله
والسواق مو عند الباب
والأختبار باقي عليه شوي
طلع السواق من غرفته وقال
السوآق: خالد سياره عيي يشتغل
خالد: ليش وش السالفه
السوآق : مافي معلوم
يناظرنا خالد وش نسوي وبيتنا مو على الشارع
ولو نركب لوميزين نعرف الوالد والله ان يزعل
مايواطن ابد
شوي الا جنبنا واحد كبير بالسن جارنا
المهم هو بيودي عياله للمدرسه
ويسلم على اخوي وش فيكم وش السالفه
قال خلاص خذ مفتاح الونيت وروحو فيه 
اخذ خالد المفتاح وجا عندنا
وقال الي يبي يروح يركب بالونيت الأحمر
انا بروح انام
انا اناظر هي وش تنام انت والأختبار
عاد خيو مايحب ابد وهو شوي يعني مغرور ويمكن كثير بس
انو قال لو ماأختبر تبين اروح لمدرستي كان وقتها بثالث ثانوي
بذآ الونيت انتي شفتي شكله
يالله سلام
حاولت خالد وبابا وياويلك منه
وعيا مره ورجع البيت ونام
اناظر بنت عمي وولد عمي وأقول لهدرجه الونيت يفشل
ولد عمي قال تعالي شوفيه
ونطلع نشوووفه الا انا ابلم واقول خير بنروح للبر احنا
واناظر بنت عمي واقولها وش رايك
قالت ملاك تستهبلين وصاحباتي وش يقولون
يقولون هديل ..... جايه بونيت احمر لا ومهوب اي ونيت
غمآره وحده بعد ومع السواق قدآم
لا لا موب رايحه
انا اناظرها اقول اركبي بس ومعنا اخوك وش بيضر
والأختبار والله حرام يروح علينا
وهي الي تعيي بلأول واحاول اقنع فيها وولد عمي ساكت يناظر
قلت لمه لو ركبنا بتركب
قال مادري بس احسه يفشل
قلت لاحوووول اهم شي سياره توصلنا لاتصيري مثل خالد
وبالموت اقنعتهم وقلنا لم السواق يشغل السياره
وكان صوتها شوي مزعج وعاليه شوي
ويآرب بنت عمي تقول ملاك ترآ بصيح وشو ذآ
والسوآق ميت ضحك يقول
هذآ سياره وآجد كويس
ولد عمي يناظره ويقول اقول سقها وامش
احس ودي اصورنا وقتها وبنت عمي تقول
ياليت ماطعت شوورك والله خلاص رجعوني البيت
اخر شي قلت لها وش بتس خلاص اذا جينا ننزل دخلي شنطتك بعباتك
قالت لا بيعرفوني
قلت واذا عرفوك يعني وشو
قالت ملاك مافي خلاص برجع ياليت طعت شور خالد وجلست
اخر شي قال ولد عمي
تعرفون تطقونها رجليه
انا وبنت عمي سكتنا
فجاءه قلت وش قصدك
قال اوقفكم بعيد عن مدرستكم شوي وكملوو مشوار انا بسويها
كذا ^_^
اول شي خفت عشان لو الوصل وذآ العلم وصل لأبوي
بيزعل بس قلنا لم السوآق ماتعلم بابا قال لا خلاص مافي علم
ونزلنا انا وبنت عمي ولمن الحين تقول انا وشلون طاوعتك
وركبت ذآك الونيت الأحمر عاد انا اقولها عادي والله انه مغامره
واحس وناسه وخلينا نتعود تخيلي ننحد مره ثانيه وتصير دينه مثلآ
الا هي تهوشني وتقول اركبي لحالك انا اوب راكبه
وش رايكم الحين صرت مغروره ومتكبره وشايفه نفسي
وانا راكبه ونيت احمر ^_^
برب بروح اتغدآ
مـ الشوق ـلاك
العرض العادي
