مصابيح السهر ذابت قبل لاتذبل النظرات
قبل لا أسال عيوني وش اللي حاصل ٍ فينا
هقيت ان السمع يقدر يغادر رحلة الاموات
وانا ياحسرة اللقيى عجزت القى منافينا
وقفت ولامعي الا بقايا من شتات الذات
على رجوى مراكبنا تجي تحضن شواطينا
انا ياجوهرة عمري على حرفك غديت اقتات
وانا جوع الورق مثله اذا غابت امانينا
تعالي مابقى عندي سواك ومن بقى الحسرات
تعالي ماقدرت اسال من اللي لك يودينا
تعالي والعمر كله يغيب وتمطر الهفوات
وانا كلي فدا صوتك وهو حزنه يقدينا
زرعنا صرخة البعد وحصدنا بالانين سكات
سقيته دمعي الحارق وهو لليوم يروينا
جمعت اللي كتبته لك وجاني هالوداع وفات
وانا لاصرت اصوتله تعاندنا خطاوينا
فهقتك بالظلوع اللي تضمك واجهر الونات
على بيت الحزن شفني قدرت اكتب اسامينا
قدرت ولابقى حيل ٍ يعاوني على التنهات
وش العبرة اذا ليل المواجع مايشكينا ؟
العرض العادي
