انا مره مايهزني رجال - الصفحة 6

نــــونــــا · 08-11-2009, 04:52 AM

الجزء الخامس والثلاثون:

احس ان حيلي مهدود .... وعظامي خرمها البرد .... للأسف دائماً خبله .... وماآخذ معي غطاء كامل .... لازم تنقص اغراضي .... والا معقوله مافيه احد يدري ان جو الطايف برد .... مشيت وانا يالله اتحرك لسريري .... مسكت الغطاء وفردته .... وحطيت عبايتي فوقه .... في بالي انها بتدفيني .... ودخلت تحت الغطاء وانا ارجف .... واول ماحسيت بالدفاء على طول داعب جفوني النوم ..... ونمت ..............................................!!!

من يوم جينا ودخلوا داخل ماعاد طلعوا .... لايكونون مهب طالعين..!!!!!!!!!!!!! سلامات محمد اكيد مهب طالعين .... كيف تبي مزنه تطلع .... مهب عشانك خطبتها تسدح الميانه .... بس هذا لو كنت غريب .... انا محمد ..... الله ومن محمد .... اقول يازينك ساكت بس .... مستحيل البنت تطلع وخصوصاً بعد إحراجاتك اليوم .... الا وتطلع نوره من عند باب الشاليه رايحه لبيت الشعر .... تحسبنا فيه .... صوّت لها زيد وهو يضحك عليها .... ويقول شكلي بعرس صدقت .... انتي خلاص ماعاد تشوفين ..... !!!! جات نوره وواضح انا عصبت من كلامه حذفت الجوري في حظنه وهي تقول:قواك الله .... اشر واخطبها لك .... ابتسمت في داخلي وانا اقول .... خليني يامزنه بس ادخل عليس .... قسم بالله اني لأسحب على كل جنس النساء .... وفي حياتس كلها ماتسمعين مني كلمة ترى بعرس .... اللي صاج زيد بها مرته في الرايحه والراجعه .... تنهدت بصوت مسموع .... وانا انتبه على نوره اللي ردت على امي تقول:لا ياعمه تقول تعبانه وتبي ترتاح .... التفت بلا شعور على نوره وقلت:وش فيها .... ومسكت لساني لأني حسيت نفسي غلط .... كلهم قاموا يطالعوني .... ردت نوره بهدوء عشان تهدي النظرات اللي طاحت علي ... وقالت:سلامتك مافيها الا العافيه .... بس قايمة من بدري .... حسيت ان مزنه جزء مني ... وماتهمني نظراتهم لي وتعليقاتهم .... ابتسمت وانا ارفع عيني لنوره واقول:نوم العوافي ... ورفعت صوتي وانا اقول :بس هي ماتعشت.............!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!

اول مادخلنا المطعم .... طلب سعد عصير فراوله .... وقعدنا يمكن عشر دقايق ساكتين ... جاء العصير وكل واحد اخذ من رشفه .... بنفس الصمت والهدوء .... ثم شفت سعد يرفع عينه ويناظر فيني .... انا بصراحه في هالحاله مااقدر احط عينه بعيني .... مدري اخاف او استحي .... مدري بصراحه وش المشكله ..... رجع نزل عينه .... ثم رفعها بسرعه ..... وناظر الرواق اللي مغطين فيه الطاوله حقتنا .... قام وسحبه وغطاء المكان صح .... ورجع قال:ارفعي نقابس .... ابي اتكلم وانا اشوف عيونس ..... !!!!!!!!!!!!!
انا بصراحه خفت من طريقة الطلب .... بس رفعت يدي عشان افك النقاب ..... بغى قلبي يروح ماء .... لما جاء سعد جنبي وفصخ هو بنفسه النقاب ..... ورجع لمحله بكل هدوء .... عكس طريقته يوم جاء لمي ..... بلعت عبرتي اللي وصلت لحلقي .... وانا اقول في بالي السالفه مهب سالفة إعترافات وفتح ملفات .... السالفه شكلها اكبر ..... رفع سعد عينه في عيني وقال:كل شي بختصره في كلمة احبس من اليوم احاول ارتب الكلام وماعرفت هند انا احبس ومهب من اليوم من زمان ومن زمان كثير بعد..... ماحسيت بنفسي لما نزلت دموعي ..... نزلت بشكل غريب .... ماكانت دموع خوف .... دموع جديده ..... اول مره احس بها تنزل بها الشكل .... وتداخلت مع الدموع ابتسامه شقيه ظهرت على ملامحي ..... ولا حظت الأثر الكبير اللي خلفته على سعد .... اللي ابتسم ابتسامة ارتياح .... وهو يقول: عمري ليه تبكين ....؟؟؟؟؟؟؟؟؟؟؟؟؟؟
انا ماقلت لس عشان تبكين .... توقعت بتفرحين ......... رفعت عيني فيه بعد ماحاولت قد مااقدر اجمع دموعي فيها ومااخليها تنزل وقلت:سعد انا .... انا موب زعلانه ولاشي .... بس انت فاجئتني بهالكلمه .... عمري ماتوقعت انك ممكن تقولها لي .... مافي حياتي تخيلت انك ... انك تكن لي أي مشاعر .... ابتسم سعد ومد يده على يدي اللي كنت اشرح بها وهي على الطاوله ..... وقال:ماكنت ابي اتعلق فيس زود .... ولا اعلقس .... وانا مدري وش ممكن يحصل في المستقبل .... كنت ابي اقولها لس وحنا مع بعض .... عشان ماتبعدنا المسافات ..... ويبقى طيف هالكلمه بس هو اللي موجود ..... آسف هند يمكن خرعتس .... وقلتها بطريقه غبيه ..... ويمكن تعاملي معس ماكان زين ..... بس صدقيني انا خفت افقدس ..... خفت ان الحلم اللي عشت عشان احققه يطير مني وهو في يدي .... شعور صعب توصفينه .... هند انا كنت اتعب كثير لما اشوف صدس وعدم قبولس لي دايم ..... كنت اشتاق اجي عندس كل ماطلعت ..... ولما اجي مشتاق .... اتذكر اسلوبس .... واتذكر اللي يصير بينا .... واتردد .... واحيان كثير ارجع لوين ماكنت .... بس انا تعبت من هالهروب ..... ابي استقر ..... وابيس تقولين لي كل اللي تحسين فيه تجاهي .... وصدقيني مهب زعلان عليس في شي .... واللي تبينه بيصير ..... حتى لو بغيتينا ننفصل .... انا مستعد .... سعادتس عندي اهم من كل شي ..... حتى لو كانت على حسب تعاستي ..... والحين ابيس تقولين كل شي .... كل شي ياهند وماتخبين علي شي .... وإذا مستحيه ..... اعتبريني مهب موجود .... وان اللي قبالس هو صورتس في المرايه .... انا بطلع اطلب العشاء .... ابيس تفكرين في الكم دقيقه اللي بغيبهم وتقولين لي وش قررتي .....

اول مادخلنا المطعم قعدت افكر .... ياربي كيف ابدأ ....ووش اقولها ؟؟؟؟؟؟؟ احس اني ضيعت كل شي ... مخي ماعاد يجمع ..... كل ماناظرتها اشوفها من ورى النقاب .... طرى على بالي اني ممكن افقدها بعد هالجلسه .... مدري وش التفكير الغبي اللي قالي اشبع من شوفة وجهها قبل لاتروح .... ماحسيت بنفسي الا وانا اقولها افصخي النقاب .... وياليتني بعد خليتها تفصخه .... من شدة الخوف قمت وفصخته لها .... مخي ضارب .... مدري وش فيني .... جسمي عرّق ..... ويديني قامت ترجف .... خصوصاً وانا اشوف عيونها اللي هبلت بي ..... بلا شعور خريت كل اللي في قلبي بكلمه وحده ..... مدري كيف جاتني الجرأه اقولها احبس ..... بس بصراحه .... احس ان هموم قد الجبال طاحت من ظهري ..... بس ركبني هم جديد لما شفت دموعها .... ياكثر ماتبكي هالبنت ..... ماتهون علي دموعها والله .... بس هي ابتسمت لي وهي تبكي .... ابتسامتها كانت مريحه .... وبارده بعد الحر اللي حسيت به .... احس اني ارتحت كثير بعد ماتكلمت وفرغت كل اللي في نفسي .... قمت عشان اعطيها مجال تفكروتجمع وانا اتحجج بأني بروح اطلب العشاء بنفسي .... كنت واقف عند الباب .... مسحت وجهي بالكلينكس اللي في يدي .... وانا اتنهد .... هويت بيدي على وجهي ..... احس بالحر بالرغم ان الجو كان كثير بارد ...... ناديت النادل ..... وطلبت منه العشاء .... ولفيت بدخل ..... بس رجعت ارتبك .... اللحظه الجايه ممكن تقتلني وممكن تحييني ..... انا ماخليت لهند أي ذكرى حلوه تخليها تتمسك فيني .... بس انا عندي امل .... ودخلت بسرعه لقيتها .... ماسكه حبة كلينكس وتهوي به نفسها .... الحين بس اطمنيت زياده .... لأنها لو ماحست بالحراره بتكون ماحست فيني ..... جلست وانا اقول:شوي ويجي العشاء .................................................. .............................

انا متأكده اني اسمع صوت نوره تقومني .... فتحت عيوني .... الا وانا اشوف ابتسامة نوره الحنونه ..... تناظر فيني وهي تقول:مزون حبيبتي ... قومي تعشي .... ناظرتها بطرف عيني .... وقلت :سلامات نوره .... تقوميني من النوم عشان تقولين لي تعشي ..... لا حبيبتي عليكم بالعافيه .... انا بس ابي انام .... مسكت يدي وهي تجلسني وتقول:لاحبيبتي حنا قد تعشينا .... هذا عين السيح .... جايب لس عشاء ومأمني اقومس من النوم عشان تتعشين ..... ويل حالي عليه حتى وهو مريض يفكر فيس .... ورايح يجيب لس عشاء .... ابتسمت وانا اعدل نفسي .... واقول خلاص خلي العشاء هنا .... بقوم اغسل وجهي واتعشى ..... قمت ودخلت الحمام وغسلت وجههي وانا قلبي يرقص من الفرحه .... يابعد عمري يامحمد .... الله لايحرمني منك يارب ..... شقد ظلمتك .... وقسيت عليك ..... طلعت وانا افكر فيه .... لقيت نوره طلعت من الغرفه وسكرت الباب وراها ..... سميت بالله وقربت من العشاء مسكت جوالي عشان اشوف الساعه .... الا الساعه ثنتين الليل .... قلت:ياعمري صاحي لهالحزه .... ورجعت الجوال لمحله وبديت آكل الا وصلني مسج ..... رفعته وان مستغربه من اللي ممكن يرسل لي هالوقت .... هذا اكيد واحد غلطان .... ولا هند او سعد اللي ماكلمني مررررررره ..... فتحت المسج .... وشفت المرسل لقيته رقم .... ناظرت على طول آخر رقم لقيته ثلاث خمسات معناها هذا محمد .... على طول نزلت عيني للرساله اشوف وش فيها .... ابتسمت بقوه لما شفته مرسل

(((صح النوم يالغاليه ... ارسلت لك عشاء مع نوره .... ماهان علي تنامين وانتي ماتعشيتي ... بالهناء والعافيه على قلبك .... "خطيبك محمد"))) .... مسكت الجوال وضميته لصدري .... صار يتهيأ لي اني اضمه هو مو الجوال .... رجعت رفعت الجوال وفتحت إنشاء رساله جديده .... وبديت اكتب .... بدون مااحس بنفسي .....!!!!!!!!!!!!!!!!!!!!!!!!!!!!!!!!!!!!!!!!!!

حسيت بنظراته علي وانا آكل ..... الضعيف واضح انه ينتظرني اقوله .... بس وش بيظره
لو انتظر لحد مانرجع للشقه ..... قعدنا حوالي ساعه في المطعم وحنا ساكتين ...... تعشينا وطلعنا من المطعم .... وانا ساكته ..... وهو واضح من ملامحه انه معصب عشاني ماتكلمت ..... بس والله انا موب ساكته عشان احرق اعصابه .... انا خايفه من ردة فعله لو قلت له شي في المطعم ..... شقتنا ازين لنا واستر .... بصرااااااااااحه هو ماعنده فرامل ..... اللي في باله بيسويه ..... طول لطريق وهو ساكت .... بس يزفر بقوه ..... وفجأه وقف عند كون زون ..... شكله يبي يشتري ايس كريم ..... نزل وسكر الباب بقوه ..... وانا تنفست بقوه وكأني مكتومه طول الطريق ..... بس ماامداني اطلع نفسي .... الا والباب راجع ينفتح .... وسعد يرمي علي كلمتين ناشفات ..... ويرجع يسكر الباب .... وانا احط يدي على صدري دليل الروعه ..... والإستغراب من حركاته في نفس الوقت ..... شكله فهم السالفه غلط ..... ياربي الحين شلون افهمه .... انا متأكده انه الحين مستحيل يسمعني ..... بيتوقع هالشي شفقه مني ..... عشان انا رفضت وجوده رغم كل اللي قاله ..... بس ليته مافهم اللي فهمه من سكوتي .... ليته فهمني صح ..... .......................!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!

احرقت اعصابي .... قسم بالله بغيت اضربها في المطعم .... ماعاد حسيت بنفسي .... كل شي كان واضح ..... واضح انها مااقتنعت باللي قلته لها .... وشكله ابد مااثر .... رغم ان مشاعري كانت صريحه ..... ورغم اني قلت لها بصريح العباره انا احبس ...... اشوا اني قلت لها قومي خلينا نمشي ..... والا بصراحه بعدها مهب مسئول عن اللي بيصير ...... طول الطريق ساكته ..... وانا سكّت إحتراماً لصمتها ..... كان عندي امل انها بتتكلم بتقول شي .... عالأقل تبرر ..... مو تسكت وكأن كل كلامي اللي قلته رمته في عرض الحائط ...... ولفت نظري محل كون زون ..... احس ان كبدي شابة ضو .... شكلي بوقف اشتري لي ايس كريم ..... يبرد عليها ..... لأني اخاف لو مابردت كبدي انفجر في وجهها في الشقه .... ربطت فرامل بقوه لأني تقريباً عديت المحل بشوي .... ونزلت بسرعه وسكرت الباب بقوه وكأني قاعد انتقم من الباب اللي ماله دخل ..... وفجأه تذكرت ان فيه وحده كانت معي بالسياره .... حتى ماقلت لها وين بروح .... ولا قفلت السياره .... رجعت بسرعه وفتحت الباب بنفس القوه اللي سكرت بها الباب وقلت لها:مهب مطول لاتخافين ................!!!!!!!!!!!!!!!!!!!!!!!!!!!!!!!!!! !!!!!!!!!!!
ورجعت سكرت الباب بعد بقوه .... وكأني اتعمد اعاند نفسي .... لأني من العناد تركت السياره ماقفلتها متعمد ..... بدون مااحسب حساب لأي شي ممكن يصير ..... ودخلت المحل ....!!!!!!!

بعد ماانتهت إجازتي .... وخلاص بمشي للرياض .... التفت لزيد عشان ينادي امي ومرته بسلم عليهم ..... ولكن فاجأتني مزنه اللي شفتها جايه مع نوره وامي للخيمه .... وسمعت امي تقول:البرد ذبحنا وجيناكم هاجين ..... نبي ضوّ الخيمه .... والله ان مزنه عيت لكن انا حلفت عليها ..... وكأنها تفسر شي كان ود مزنه انها تفسره .... بس امي ريحتها .... ابتسمت لأمي وانا ازحف لها عشان تقرب من الضو ويقربون البنات .... وانا اقول :والله انكم بنات حلال .... توني بقول لزيد يناديكم .... عشان اسلم عليكم لأني بمشي للرياض .... ولاحظت إلتفاتة مزنه اللي كانت باقي واقفه عند باب الخيمه .... وواضح انها منحرجه .... رفعت راسي لها وانا اقول: حياس مزنه ادخلي عن البرد .... كنت معزم اني مااحرجها اكثر .... لأني اكتشفت اني لما احرجها .... ماعاد اقدر اشوفها .... فتعمدت اني اكون جدي معها .... قمت من محلي ورحت لآخر الخيمه عشان تقرب وتدخل .... وفعلاً نفس ماتوقعت دخلت وجات وقعدت على طرف نوره اللي كانت في اقصى الخيمه ..... جات مزنه وقعدت هي في الزاويه ..... قمت انا وشلت وحده من المفارش .... ومديتها لنوره وقلت تدفوا .... ودفوا الجوري معكم لاتبرد .... مع العلم اني كنت قاصد مزنه بالضبط .... ورجعت لمحلي .... التفت على زيد اللي قام يقرصني في رجلي ويقول:هاااااااااااه شكلك هونت ومنتب رايح ..... التفت له وابتسمت لأني فاهم قصده .... فعلاً انا من شفتها نسيت اني ابي امشي .... قمت من محلي واتجهت لأمي اسلم عليها .... وانا اقول:لامانسيت .... هذاني قمت .... دنقت على امي اللي بدت تطلع دموعها .... واللي ذكرتني بدموعها يوم دخلت الدوره .... ابتسمت وانا اناظرها بحنان .... وقلت:يمه الله يهديس .... ترى كلها اسبوع وانتم وراي .... وش له البكاء ....؟؟؟؟؟؟؟؟؟؟؟ وبعد ماشفت هدت التفت لنوره وقلت:يالله نوره تامرين على شي ...؟؟؟؟؟؟؟؟؟؟؟؟؟؟
ناظرتني نوره نظرة اخو لأخوها وهي تقول بكل اخوه:سلامتك الله يحفظك توصل بالسلامه هذا اللي نبيه ..... وطلعت من الخيمه وكلهم تبعوني الا مزنه اللي كانت واقفه على باب الخيمه .... ونوره اللي دخلت تجيب شنطتي من الشاليه وامي اللي وقفت جنبي وزيد وفايز عند السياره .... وابوي يوصيني .... من الطريق .... ومن السرعه .... وامي تأيده .... فكري طول الوقت ماكان معهم كان مع اللي واقفه عند الخيمه .... ضيعت ابوي وامي وقلت لهم :دقايق نسيت شماغي في الخيمه وبروح اجيبه .... ولو كان سمعني زيد ولا فايز كان قالوا شماغك في السياره .... بس الحمدلله انهم ماسمعوني .... قربوا ابوي وامي من سيارتي .... وانا رحت للخيمه في غفله عن عين العيال .... اول ماقربت ودخلت الخيمه لقيت مزنه تشيل الفناجيل والبيالات المرميه في الخيمه .... قلت وبدون أي تردد:كم مره قلت لك يدك لاتشيل شي .... رفعت نفسها وهي تقول بسم الله انت مارحت؟؟؟؟؟؟؟؟؟؟؟؟؟؟ انا شفت عيونها والا ماشفتها ..... بغيت اطيح من طولي .... قربت منها ناسي نفسي وقلت:خير مزون عيونس وش فيها ؟؟؟؟؟؟؟ ضحكت ضحكه خفيفه وهي تلف راسها عني عشان ماتطيح عيوني بعيونها وقالت:ولا شي سلامتك ... بس عشان البرد ..... ومشت بالفناجيل اللي معها ووقفت لما جات عند باب الخيمه والتفتت علي وهي منزله راسها وقالت:تبي الصراحه ..... ثم رفعت عينها في عيني وقالت بكل خجل:عيني بنفسها تودعك بدموعها .... انتبه لنفسك محمد ... وطلعت وتركتني مفهي عالباب .... إلى ان جاء فايز وقام يدفني مع كتفي وهو يقول:ابو الشباب ترى وراك سفر ...... ناظرته ثم ابتسمت .... مهب من اللي قاله .... لا من الفرحه اللي حسيت بها لما سمعت كلام قلبي ووش قالت .... ودعته وانا اعطيه بوسه قويه .... وقلت له :انتبه لمرتي يافايز لااوصيك ..... ضحك علي فايز وقال:اهااا .... اثر الدعوه فيها مرتك .... روّح الله يستر عليك ..... روّح .... وقعد يدفني لين طلعني من الخيمه .................................................. ...

كنت سرحانه ابد ماانتبهت للي كانوا يدورون على السياره .... وكأنهم يتفحصونها الا بعد فتره قصيره ..... لما شفتهم خفت بصراحه .... حركاتهم بصراحه مخيفه .... وغمزاتهم لي .... كانوا طوال وعراض ..... وملامحهم مرررررره مخيفه .... هذا غير النوافير اللي فوق روسهم ..... عليهم شعور ولا اقدع حلاق يضبطها .... وواضح انها ملامح شباب فاسدين ابداً موب ملامح شباب عاديين ..... على طول مسكت جوالي واتصلت على سعد ..... واللي صرعني في محلي .... هو جواله اللي دق على الكرسي حقه ..... بدون مااحس ضغطت زرار القفل في السياره .... كردة فعل سريعه مني ..... ولما لاحظ واحد منهم حركتي قرب من السياره وقعد يدق على الشباك اللي في جهتي .... ويحاول يفتح الباب ..... وانا من الخوف تمسكت في الباب مع اني مقفلته .... بس مااستبعد لو جاء واحد منهم وكسر الشباك .... وقعدت دموعي تنزل وانا اسمعه يقول:هيييييييييييييييييه افتحي احسن لك ...............!!!!!!!!!!!!!!!!!!!!!!!!!!!!!!!!!!! !!!!

طولت شوي في المحل .... كان قدامي كم واحد .... والغبي اللي كان يشتغل في المحل بطيئ جداً .... يالله خلصني .... تصدقون اني ماكنت ناوي آخذ لها شي .... بس مدري ليه طلبت علبتين .... بعد ماحاسبت وطلعت من المحل وانا احط بوكي في جيبي .... رفعت راسي للسياره اللي ماكانت قريبه من المحل .... وشفت الحاله اللي عليها ..... ركضت بكل قوتي بعد مارميت الأيس كريم عند باب المحل ..... وانا اقول:ياكلب ..... وليتني ماقلته لأنهم كلهم انحاشوا ..... عن السياره ..... لأني شفتهم متجمعين حتى ان اثنين منهم كانوا يحاولون يدفون باب السياره عشان ينفتح والحمدلله اني جيت ..... ماامداني الحقهم .... وبصراحه خفت عاللي في السياره لايكون صار فيها شي ..... حاولت افتح الباب من شدة الخوف ولقيته مقفل ..... المفتاح كان في السياره .... دقيت بهدوء على السياره .... وشفت هند انكمشت على نفسها تحسبني منهم .... ولما ركزت فيني بسرعه قامت تلفت على السياره وبعدين فتحت القفل وهي تبكي ..... ومهب أي بكاء ..... بكاء وحده مرعوووووووووووووووبه من قلب ............................!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!

نــــونــــا · 08-11-2009, 05:00 AM

الجزء السادس والثلاثون:

اول مادخلت للسياره صرخت عليها .... لأني كنت اعاقب نفسي على اللي سويته فيها ...... التفت لها وانا اسكر باب السياره واقول من شدة الخوف عليها:مهب منس من ذا النقاب اللي انتي لابسته ..... اكيد شافوا عيونس ماعليها غطاء .... قالوا اكيد ذي من اياهم .... ضربت بكل قوتي على حافة المرتبه وانا الف واطلع من المكان اللي وقفت السياره فيه .... بعد ماسكت لأني شفتها زادت في البكي .... وتحول لمشاهق .... قلت من شدة قهري من الحيوانات اللي شفتهم شلون يتهجمون على الناس بكل بساطه .... هذا هم البنات اللي مثلهم مايعجبونهم يعجبونهم البنات اللي عارفين حق الله عليهم .... ماتعجبهم اللي تعرض نفسها عليهم .... لا يبون وحده هم اللي يعلمونها شلون تعرض نفسها ..... الله يعافينا مما ابلاتهم بس ..... التفت بعد ماصكني راس بذاك الصداع اللي مااحبه .... التفت لها بدون شعور وقلت:خلاااااااااص .... اسكتي ترى مهب ناقص .... اللي فيني يكفيني .... قلتها بكل علو صوتي .... يمكن لو كانت السياره مفتوحه كان طلع صداه .... بس حسيتها قطمت مررررره وحده ...... كل تخطيطي لها الليله .... طار ..... حسبي الله ونعم الوكيل ..... وصلنا للفندق وتوني بس صفيت السياره في المواقف .... الا وهي فاتحه الباب .... وسكرته بكل هدوء .... ومشت لبوابة الفندق بدون ماتنتظرني إلى ان اسكر السياره واقفلها ..... لحقتها وحاولت اني اجي قريب منها ...... مدري ليه حسيت اني ودي اكون جنبها ..... مع اني انا اللي مزعلها ..... وزعلان منها .... بس هي كانت اسرع ... ودخلت الأصنصير وتسكر قبل لااجي .... انا هنا طارت كل الشياطين في وجهي .... طلبت الثاني وجلست انتظر .... وشوي فتح واطلع عليه .........................................

هذا عمره ماراح يحس ..... اكيد اللي يشتغل شغلته .... يلغي كل الأحاسيس والمشاعر .... ويلغي كل شي .... اهم شي عنده ان اوامره تلبى بدون أي معارضه ..... يحسبني واحد من الجنود اللي هو ضابط عليهم .... دخلت الشقه وسكرت الباب وقفلته ..... رميت شنطتي الورديه على الكرسي اللي عند المدخل .... وفصخت العبايه وتمنيت اني اقدر افصخ اللي مضايقني الحين مثل أي ثوب ..... مشيت بسرعه ودخلت المطبخ اشرب لي ماء .... لأن ريقي نشف من الخوف .... ومن الصراخ من زوجي المصون .... اللي كان قبل ساعه بس يقول ترى انا احبس .... أي حب يابوي اللي يخليك تشك فيني ..... انا شافوا عيوني وجوا ..... انا ياسعد ..... حليلك بس .... ماعرفتني والله .... والله لأخليك تندم على كل كلمه قلتها .... الحين صرت انا الغلطانه .... انا اللي نزلت وخليتك في السياره .... بدون حتى مااقولك وين اروح .... انا اللي تركت باب السياره مفتوح ومو مقفل .... انا اللي كنت السبب في كل هذا .... هين ياسعد ... هين .... من بدايتها ياتعتدل معي .... ولا يفتح الله .... قلتها بصوت عالي وانا في المطبخ .... ثم نزلت الكاس بعد ماشربت كل اللي فيه وطلعت ..... وانا احس اني بكاس الماء هذا شحنت نفسي حتى آخر حد .... ................................!!!!!!!!!!!!!!!!!! !!!!!!!!!!!!!!!!!!!!!!!

من يوم طلع وانا احس بفراغ .... مدري احس صدري ضاق .... صح انه في اربعة ايام مايمديني اتعود عليه .... بس والله له فقده ..... خذت الجوري من جدتها اللي قامت تصلي العشاء .... وقعدت احاول انيمها .... بس البنت مرررره عنيده .... اسدحها وتقوم .... وبصراحه انا ماااتحمل هالنوع من الأطفال .... ناديت بصوتي على نوره اللي كانت تجهز ملابس لرجلها .... اللي يبي يذبح ذبيحه في حوش الشاليه .... يقول مشتهي مقلقل عشاء .... وكبده فطور لليوم الثاني .... وبيني وبينكم ملينا من اكل المطاعم .... ابي آكل اكل بيتي .... طلعت لي نوره وهي ماسكه في يدها بنطلون زيتي وهي تقول :دقيقه بس مزون ... اعطي ذا... وترفع البنطلون .... لزيد .... واجي ... اشرت لها براسي يعني اوك .... وحاولت امسك هالبنيه الملقوفه .... اقسم بالله انها طالعه على عمتها هند ..... تذكرت هند .... وتذكرت سعد .... افا ياسعد والله ماتوقعتها منك لك ستة ايام من يوم رحت ولاحتى كلمتني فيها ولو نص دقيقه ..... لها الدرجه الزواج يغير الإنسان .... حتى على اهله .... وتذكرت قول الرسول عليه الصلاة والسلام لما قال:"التمس لأخيك ولو سبعين عذراً" ..... وقلت في خاطري .... اكيد انه انشغل ولا سعد ماينسى اهله .... ولاخواته نظر عينه .... بعدين التفت بقوه ناحية الباب وانا اشوف هالفصعونه الصغيره تقاومني وتبي الفكه .... وانا اقول هذي الدقيقه يانوره ...............!!!!!

طلعت اودي بنطلون زيد له .... كان عند الباب .... بسم الله هذا وين اختفى .... صوّت له يمكن يسمعني .... لكن ماحولك احد .... مشيت ناحية بيت الشعر وبعد مالقيت احد لاعمي ولافايز ..... مشيت ناحية حمام الرجال(وانتم بكرامه).... الا وانا اسمع صوت الماء .... هذا اكيد يتسبح بس من؟؟؟؟؟؟؟؟؟؟؟؟ قربت من الحمام وحطيت اذني عالباب يمكن اسمع صوت زيد .... صعبه انادي واقول من اللي هنا ويطلع عمي ولافايز ..... قسم بالله يطيح وجهي .... شوي ووقف صوت الماء .... وانا باقي اذني عالباب .... ومامداني ارفع نفسي الا وراسي طايح على صدر اللي كان في الحمام ..... من الخوف ماقدرت ارفع راسي ..... فجأه حسيت بهالشخص يسحبني لزواية في الشاليه بدون مااشوفه .... خصوصاً لما حط منشفته على فمي عشان مااصرخ .... كل شي طرى في بالي إبتدءاً بزيد وإنتهاء ببنتي ..... اللي لوشافوني بهالحاله وش ممكن يصير ..... طاحت دموعي على خدي وانا اشوف هالشخص .... يقرب وجهه من رقبتي بدون مااشوفه .... طلع من آخر الضياع صوتي وهو مخنوق .... بسس قلت كلمه وحده ... زيـ....ــــــد وينك ...؟؟؟؟؟؟؟؟؟؟؟؟؟؟؟؟؟؟؟ ؟؟؟؟!!!!!!!!!!!!!!!!!!!!!!!!!!!!!!!!!!!!!!!!

بيني وبينكم ارتعت من هالمره اللي واقفة لي عالباب .... بس لما عرفتها حاولت العب في حسبتها شوي .... عشان تتوب .... فرضاً مهب انا ..... مسكتها بكل قوتي .... بدون مااخليها تشوف وجهي ..... ولفيت على فمها عشان ماتصرخ منشفة فايز البيضاء ... اللي ينشف بها شعره .... وسحبتها لزاويه في الشاليه وخليت وجهها عالجدار .... وبديت اجننها .... مع اني بردااااااااااااااااان ... وماكان علي غير المنشفه اللي لاف بها خصري .... بس لازم اسوي كذا عشان ماعاد تتعودها .... قربت وجهي من رقبتها ...... وحسيت بقشعريرتها من الموضوع كله .... مو بس من الحركه .... رفعت راسي وحاولت بيدي اسحب نقابها بس ضربتني برجولها على ركبتي ..... وبصراحه عورتني .... وقدرت تفلت مني .... وراحت تركض متوجهه لشاليه ...... وانا قعدت اقول لها وصوتي فيه الضحكه وشوي من الوجع عشان ركبتي:نــــــــــــــــــــــــــــــــــوره ...... ذبحني البرد .... وابتسمت وانا اأشر لها بعد مالتفتت تطالع فيني ...... وبعدها طاحت على ركبتها وجيتها اركض ......!!!!!!!!!!!!!!!!!!!!!!!!!!!

وقفت عند باب الشقه بعد مااخذت نفس طووووووووويل .... وطلعت المفتاح من جيبي .... وفتحت الباب .... اول مادخلت لقيت العبايه مرميه قدامي عالأرض .... والشنطه عالكرسي ..... رفعت العبايه والطرحه ... وانا ارفع الطرحه لخشمي .... واشمــها ..... كنت اشم فيها ريحة عطرها ..... وريحتها ..... نزلت العبايه والطرحه على الكرسي جنب الشنطه .... وانا ادخل للشقه ادور على هند فيها ..... الوضع ماينسكت عليه .... اللي سويته اليوم يكسر الظهر .... وإعتذار بسيط مهب ممكن يهدي من الموضوع .... او يغير فيه .... فتحت اول غرفتين قدامي ومالقيت فيها احد .... التفت عالغرفه اللي ننام فيها .... مالقيتها فيها .... ماعاد بقى الا الغرفه اللي فيها ملابسنا .... قربت منها وانا اشوف باب الحمام مردود .... يعني اكيد مهب فيه .... رفعت عيني في باب الغرفه الا وهذا هو مسّكر .... اهاااا .... معناها المعزبه في هالغرفه .... حاولت افتح الباب بدون ماتحس .... عشان لو طلع مقفل مايطيح وجهي .... وللأسف طلع مقفل .... كنت ابي اطمنها بس .... وكيف بتطمنها ان شاء الله وانت اساس رعبها .... بس انا ماكنت قاصد .... قاصد ولا مهب قاصد ..... احسن شي تخليها اليوم ترتاح .... وبكره يحلها الف حلال .... بس كيف اخليها تنام في الغرفه في هالجو البارد .... بكيفها هي لو بردت بتطلع تاخذ لها دفى .... وطلعت من الممر .... وانا ادخل المطبخ ابي اشرب لي ماء .... كنت ناوي آخذ لي كاس من الدرج .... بس لفت نظري كاسها اللي كان جنب الثلاجه .... مسكته حسيته لازال بارد .... بدون مااغسله مسكت الكاس وصبيت فيه ماء من الثلاجه .... وانا اشربه كله مره وحده ....واقول:احلى كاس ماء شربته في حياتي .... .......!!!!!!!!!!!!!!!!!!!!!!!!!

من الخوف هربت .... كنت ناويه ادخل الشاليه واقفل الباب علينا وادق عالعيال يجون .... بس فاجأني صوت زيد .... والمشكله كان في نفس الموقع ... التفت وانا احس اعصابي بااااااااااارده .... وكل شي فيني تلفاااااان .... وليتني ماالتفت لأني شفت زيد .... هو اللي كان ماسكني ..... ومروعني .... ولأني تطمنت طحت من طولي عند باب الشاليه ..... وبعدها ماحسيت بنفسي .................................................. .........................................

بعد ماشفتها طاحت جيتها ركض وشلتها بين يديني ودخلتها الشاليه .... وانا اصوت على امي ولا مزنه يجيبون ماء عشان ارشه عليها .... بس ماحولك احد .... حسيت ان الوقت طوووويل .... واني لازم اتصرف ..... نزلتها من يدي اللي كنت مركيها عليها .... وتلفت في الغرفه اشوف فيها كاس من هنا ولا من هنا .... مالقيت شي .... بدون شعور مسكت شعري اللي كان جداً مبلول .... وعصرته على وجهها .... صحيح ماكان الماء كثير .... بس يعبر .... وعطيتها كم كف خفيفه على خدها يمكن تقوم ..... والتفت لمزنه اللي جاتني بكاس ماء وهي تقول:خير زيد وش فيها نوره ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
خذيت الكاس منها وانا اقول:مدري طاحت عند الباب .... واصب من الماء في يدي .... واغسل به وجهها .... حسيت بها خذت نفس قوي وفتحت عيونها على خفيف .... واول ماطاحت عينها في عيني .... بما ان صدري كان قريب منها حيل ..... رفعت يدها وقعدت تضربني عليه .... وهي تقول بصوت يقطع القلب:ليــــه كذبت علي ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سحبتها مع ان يدها كانت شديده على صدري وضميتها لصدري العاري ..... وانا اقول:آسف والله ماقصدت .... خلاص حبيبتي هدي .... وجلست امسح على راسها .... وناظرت مزنه اللي حسيتها طلعت بس ماكانت تمشي .... احسها كانت تركض ... مااهتميت في إحراجها كل همي كان على اللي في حضني ... على اللي تسببت عليها بخوف .... انا وهي في غنى عنه .... وكملت امسح على راسها وانا اقول:هدي انتي الحين .... إذا هديتي نتكلم .... بس والله ماكان قصدي ياعمري .... لو ادري بيصير لس كذا والله مااسوي شي ..... كنت امسح على راسها ..... إلين حسيت صوتها هدى وتنفسها انتظم .... عرفت انها نامت .... نزلتها على السرير .... وفتحت الدولاب اطلع لي لبس .... لأن البرد ذبحني .... بس تركت الملابس والتفت على نوره اللي نايمه .... ومسكت المفرش وغطيتها فيه .... وقلت في نفسي:ابرد ولاتبردين ..... طبعت بوسه خفيفه على جبهتها .... اعتبرها إعتذار بسيط على اللي سويته .... واللي مستحيل اسامح نفسي عليه .... ورجعت آخذ لي ملابس البسها ..................................................

والله مااطلع آخذ من عنده دفى لو اموت من البرد .... كانت تقول هالكلام .... وهي تطلع كل ملابسها اللي في الشنطه وتلبسها ..... إلى ان حست انها ثقيله ويالله تتحرك ..... مسكت وحده من بلايزها ذات الكم الطويل .... ودخلت الأكمام في رجولها .... لأنها تؤمن بالمقوله اللي تقول .... اهم شي الرجلين تدفى ..... خذت شنطه بعد مافضت اللي فيها .... وخلتها مخده ..... ونامت ..... دق منبه جوالها على آذان الفجر قامت مفزوعه .... اول مره تحط عالمنبه .... عمرها ماسمعت صوته .... كانت الفتره اللي راحت متعوده على سعد يقومها تصلي الفجر ..... بس اليوم غير .... من اليوم وطالع لازم تعتمد على نفسها قامت بسرعه يوم سمعت الناس يصلون تبي تلحق تتوضى قبل لايجي سعد .... بس ماكانت منتبهه للدولاب اللي لابسته فطاحت .... من الثقل .... رفعت نفسها وهي تتألم .... جرحت ركبتها زاوية الباب .... تأففت وهي تبكي بهدوء .... ماكان بكاء كثر ماكان تفريغ للي كانت تحس فيه من الم .... فتحت الباب بشويش تحسباً لايكون الشيخ سعيدان موجود .... ابتسمت على الأسم اللي اطلقته عليه من زمااااااااان ... ولكن من فتره بسيطه ماعاد صارت تقوله ..... طلعت بخفه لما تأكدت ان سعد موب فيه .... توضت ورجعت للغرفه انتبهت انها طولت في الحمام .... ركضت بسرعه .... بعد ماحذفت زبيرية الحمام .... ولكن الصدمه لما طاحت عينها على سعد اللي كان واقف يناظر في الغرفه اللي في ليله وحده بس قلبتها بهالشكل .... التفت بعد ماحس بحركتها وشافها وليته ماشافها لأنه ماااااااااااااااااااااات ضحك على شكلها .... اللي كان يأشر عليه ويقول:انتي ليش مسوية بنفسس كذا ..... ورجع يكمل وصلة الضحك ................................................!! !!!!!!!

نــــونــــا · 08-11-2009, 05:11 AM

الجزء السابع والثلاثون:

بيني وبينكم انحرجت من قلب توني بس حسيت ان شكلي غلط .... وبقوه بعد .... بغيت اضحك معه بس بالقوه مسكت نفسي ..... ابيه يعرف حجمه ..... كردة فعل مفتعله رفعت واحد من حواجبي ..... وانا الف عنه .... وانا بمووووووت من الإحراج على شكلي ....... كنت لابسه تقريباً ثلاث بيجامات .... وفوقهم تيورين ..... على البلايز ..... لفيت وجهي عنه وانا آخذ جلال الصلاه .... وافرش السجاده وابدأ اصلي .... مع العلم اني حاسه بنظراته تخترق ظهري ..... وبعد تدخل لداخل جسمي ..... وتحرقه .... كنت اصلي وتوقعته بيطلع ..... بس إحساسي يقول انه باقي موجود ..... استغفر الله ياربي ..... مدري كيف كان شكل صلاتي .... الله يعفو عني يارب ..... خلصت صلاه وطويت السجاده .... واخذت الجلا ل اللي كنت يازعم متدفيه به وانا نايمه ..... ورجعت لمحلي اللي كان سعد واقف جنبها ..... ومثل ماتوقعت ماطلع .... جلست وضبطت وضعية الشنطه عشان انسدح ..... بس وقفت يدي عن الحركه لما سمعت سعد يقول لي:قوووووووووووووومي .... !!!!!!!!! رفعت عيني له بسخريه وقلت:موب قايمه .... ولو سمحت اطلع ابي انام ......... حسيته عصّب وخفت من حركته لما لف وعطاني ظهره وهو حاط يده على راسه ...... بس خفت صدق لما شفته جايني مسرررررررررع ..... ومنزل نفسه لي وفي غمضة عين رفعني من محلي ..... بدون اقاوم .... وذاك لأني خفت وتوقعته يضربني ..... مااستوعبت الا بعد ماطلعت مع الباب .... صحت بصوتي كله وانا اقول:سعد بلاثقالة دم نزلني ..... ..........!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!

بصراحه رفعت ضغطي .... اكلمها وتعاملني ولا كأني موجود .... صح اني غلطت .... بس خلاص زودتها حبتين .... لاهي اللي خلتني اعتذر .... ولاهي اللي قالت اللي عندها .... صحيح بتقولون وين كرامتك .... لما اعترفت لها وهي رمت إعترافك ورى الباب .... بقولكم ..... اهم شي اني قلت لها عشان تعرف بمعزتها .... ولو هي ماتحبني .... مع الوقت بتحبني .... وهالشي اكيد ..... ولا كان ماتزوجتني ..... لسانها لاعصبت يجيب المرض ..... لما قالت لي موب قايمه .... وانا متعود ان كلمة لا مااسمعها في قاموسي ..... طلعت من الغرفه بس رجعت بعد مااخذت قرار سريع وعساه يكون صائب ..... لما قررت اغير سياستي .... وابدأ في سياسه جديده .... وهي سياسة الفعل بدون القول ..... على طول نزلت لمستواها ..... وشلتها وهي قاعده ..... كنت اسمع هواشها ..... وكلامها اللي صاير يسم البدن ..... خلاص من اليوم ورايح ...... مهب متكلم معها كل شي راح يكون فعل ...... وصلت لغرفة النوم .... ونزلتها على السرير ..... وانا اقول لها:لعب البزران مااحبه ..... من اليوم ورايح .... هذي غرفتس اللي تنامين فيها .... وإذا مسوية نفسس ماتبيني ..... اوعدس مااضايقس ..... ورجعت جلست جنبها على السرير ..... وانا اشوفها لافه للجهه الثانيه ياذاك ماتبي تشوفني ..... وكملت وانا امسك اصابع يدها والعب فيها وانا اقول:انـا آسف بخصوص اللي صار البارح .... الظاهر من شدة خوفي عليس .... خربتها في الكلام ..... بس انا ماتحملت الحيوانات .... اللي كانوا يحومون حولس .... كانهم ذيابه وانتي النعجه .... ابتسمت تلقائي وانا اشوفها تلف علي بعصبيه على التشبيه الغبي اللي جبته .... وحاولت اعدل من لساني الأعوج وقلت:امزح معس .... اقصد مثل النحل على الورده ..... ورفعت يدها لفمي ابوسه وانا اقول:ياوردتـــــــي ..... بس فاجأتني لما سحبت يدها من يدي .... وقالت وانا متأكد اني اثرت فيها وإذا ماكان بكلامي .... بفعلي:اصبح اصبح الله يصلحك ..... وانا بعد مااحب لعب البزران .... وحركاتك .................!!!!!!!!!!!!!
قمت من السرير وانا ساكت ولاعصبت .... لأني متأكد ان كلامي دخل راسها ..... ومصدقته .... بس يبي لها شوي وتصير تمام ........ شفتها انسدحت سحبت المفرش وغطيتها فيه وانا اقول :تصبحين على سعد .................................................. ....................!!!!!!!!!!!!!!!!

البارحه .... مدري وش صار لنوره .... طاحت علينا فجأه .... بصراحه خفت عليها .... بس باين ان سبب طيحتها عشان مشكله بينها وبين زوجها .... وعرفت هالشي لما طاح وجهي من زيد ... اللي كان يضم نوره قدامي .... شكله سوا لها شي .... وعشان كذا هي اغمى عليها .... احس اني زهقت الحالي البارحه ماتعشت نوره معنا .... والحين الساعه 8 الصبح ولا احد قام .... جهزت الفطور .... قطعت الكبده .... بس ماسويتها .... خفت اسويها وتبرد ماقاموا .... زهقت ودي اطلع برى .... بس مااقدر لأن بوابة الشاليه حقنا مفتوحه ..... التفت على جوالي .... ودي ادق على سعد .... شور يقول لي دقي .... وشور يقول خليه لين يدق هو .... بس والله اشتقت له .... وهندوه الدبا .... اول يومياً تدق علي .... والحين خلاص نستني .... رفعت جوالي وقعدت اقلب فيه وفتحت الأستوديو .... وشفت الفيديو اللي صورته ..... يوم كان محمد موجود .... وحاولت قد مااقدر ماابين لهم اني اصورهم ..... ذاك اليوم .... كان محمد يقول للعيال .... ان جسمه انشد ..... وطلعت له عضلات .... واللي يبي يطارحه يقوم ..... قام فايز ..... وبدوا يتطارحون وطرح محمد فايز ..... وساعة شاف زيد فايز طاح قام بسرعه وقرب من محمد اللي كان اصغر من زيد في بنيته الجسميه .... وضحك بقوه لما قال محمد لزيد:لا انت لا......!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!

بيني وبينكم انبسطت على حركته .... حسيت بحبه لي فعلاً .... شديت المفرش علي وحاولت اكمل نومي .... بس ماقدرت .... احس بحركته في الغرفه ..... ومتأكده انه يدور فيها .... ضحكت في محلي .... وانا كاتمتها عشان مايتحرك جسمي ويوضح شكلي اني اضحك .... فجأه حسيت الحركه هدت ..... جلست يمكن عشر دقايق ساكنه .... بعدها شوي شوي رفعت المفرش عن وجهي ..... بس عطيت صرخه في حياتي ماانساها ..... لأني شفت وجه سعد قدامي على طول ..... لأنه كان جالس على ركبه ..... وحاط وجهه مقابل وجهي ومايفرق بينا الا المفرش ..... هنا صدقته لما قال تصبحين على سعد ..... !!!!! عدلت شكلي بسرعه وقعدت .... وانا حاطه يدي علىصدري واقول:بسم الله الرحمن الرحيم .... وانفخ ..... فتحت عيني وناظرته لقيته مبتسم .... عقدت حواجبي .... لكنه فاجأني لما قال:بسم الله على قلبس ياروحي..!!!!!!!

شفتها حطت راسها .... بيني وبينكم ارتحت .... لاتظنون اني زهقت من حركاتها وتصرفاتها .... لا انا ارتحت لأنها نايمه عندي .... في نفس المكان اللي انا فيه .... وعارف انه لو طاح الدفا عنها ..... غطيتها به ..... بس ماجاني نوم ..... احس فيه شي ناسيه لي كم يوم ..... قعدت ادور في الغرفه زي المضيع ..... بعدين التفت على هند لما حسيت بحركة المفرش ..... حسيتها تضحك .... شفت نفضه خفيفه صدرت من المفرش ..... بس الجواب اللي رجح عندي ان هالنفضه .... تسريب لآخر ذره من البرد اللي في عظامها ..... جيت وقعدت على ركبي عند راسها ..... ابي احس بنفسها .... بالرغم من اني عارف انها نايمه وان المفرش عازل بيني وبينها ..... طولت وانا اتأملها من ورى المفرش .... واتخيل ان عيني في عينها الحلوه ..... فجأه حسيت بها ترفع المفرش عن وجهها بيني وبينكم في لحظه بغيت اريحها وارفعه عنها ..... بس قلت لا خلها ترفعه وتلقاني قدامها واشوف ردة فعلها ..... وفعلاً رفعت المفرش عالخفيف ..... وطاحت عينها في عيني وصرخت صرخة مرتاع ..... بغيت اضحك .... بس جمدت ملامحي .... ولا قدرت اخفي إبتسامه قاومتني عشان تطلع ..... شفتها استقعدت وقعدت تسمي على نفسها ...... قلت لها:بسم الله على قلبس ياروحي ....... آسف عشاني روعتس .... وقمت وانا اعطيها ظهري ..... انا مااتحمل نظراتها ..... قسم بالله اخق .... وماودي اخق وحنا بهالحاله ..... اخاف تتأزم اكثر واقعد بها .... وجيت بطلع من الغرفه ..... لكن وقفتني هند لما قالت بصوت متردد:لحظه ...... وقفت بدون ماألتفت ..... وقلت بصوت جامد:نعم ..... وش امرتي ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

متابعيني الاعزاء لم يتبقى ع الروايه

الا 3 اجزاء وتنطوي هذه الروايه

بذكريات حلوه ومسليه : )

فاتمنى لكم قراءه مسليه وممتعه

مع فائق ودي واحترامي

noona
: )

●MŭhâMmāĐ● · 08-11-2009, 05:27 AM

:)

يعطيكِ العافيه نونا

وننتظر التكمله

(:

نــــونــــا · 11-11-2009, 01:12 PM

الجزء الثامن والثلاثون:

وقفتني هند لما قالت بصوت متردد:لحظه ...... وقفت بدون ماألتفت ..... وقلت بصوت جامد:نعم ..... وش امرتي ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هند وهي تسحب المفرش على وجهها: مايامر عليك ظالم ولا عدو .. طف النور معك!!!!!!!!

يااااااااااااااااااويلي هذي اللي بتجنني .... كنت مفكرها بتقول تعال .... عشان تعتذر لي عن اللي سوته ونتفاهم.... ومسوي فيها ثقيل ارد عليها بدون ماالتفت مادريت ان وجهي بيطيح ..... والله لو اني مامسكت نفسي وطفيت النور وطلعت .... كان رجعت وعلمتها ان الله حق ..... قهرتني ..... ماعندها إحساس ..... والله ماعندها إحساس .... طيب والله لأاخليها تندم على كل شي تسويه .... وان اخليها تخيس في الشقه لاطلعات ولاجيات .... عشان تعرف حجمها ..... اجل انا تتأمر علي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
نوره:.... خلها تتأمر عليك ياسعد ليش ماتتأمر .... حسسها انك تحبها مهب في كل لحظه دفاشه بدفاشه ..... هي ماراح تقعد معك يومين وترجع .... هذي بتقعد عمر .... يااخي خلك رومانسي ..... حسسها بالحياه .... حببها في الزواج ..... شي طبيعي اول سنة زواج يصير فيها مشاكل .... وعوار راس ..... بس الفطين هو اللي يضبط وضعه .... ويفهم مزاجه .... لاتصير زوجها وبس .... صير حبيبها ..... لاتكون اناني .... وتبي كل شي تحت طوعك ..... عطها حريتها معك .... بس اكيد بحدود ..... ولو تمادت من حقها ..... دلعها .... وحبها .... ايه حبها ياسعد ..... لاتقول انا احبها ..... انا ادري وش نوع حبك لها ..... انت تحبها إمتلاك ..... شي من خصوصياتك ..... هذي إنسانه ترى مو سياره ..... يالله ياخوي وسع صدرك ..... ماتوقعتك توصل لها الحد ..... ويتقفل مخك عن التفكير ..... هذا وانت الحكيم في نظري .... جاي تسألني انا ...؟؟؟؟؟؟؟؟!!!!!!!!!!!!!!!!!!!!!!!!!!!!!!!!
سعد وهو يحك راسه : والله ياخوس تسكرت في وجهي .... كل شي جربته ولا نفع .... كل مالي الا وخيتي تنقذني بما انس مره مثلها .................................

زيد:السلام عليكم ...... قالها زيد وهو داخل على امه ونوره في صالة الشاليه ...... ردت امه بشوق الام لولدها ..... اما نوره كان ردها عالسلام بارد ..... ردت وشالت بنتها في حظنها ..... ونزلت عينها ..... قرب زيد وسلم على راس امه ..... وجاء عند نوره وجلس .... وهو يقول : يسعد لي هالصباح والله ..... اللي اصبح به على هالوجيه السفره ..... وكان يناظر نوره بتركيز ..... ونوره ابد مهب معطته وجه .... شاف امه التهت بجوال جاها ..... قرب من نوره .... وهو يقول:حياتي وش فيس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
نوره تناظره بنص عين وترجع تنزل عينها ..... .............................
زيد: انتي باقي زعلانه عاللي صار البارح .... طيب والله ماكان قصدي ..... حبيت اسوي فيس مقلب .... آسف مادريت انس بتخافين هالكثر .... لايكون عشان هالشي رحتي نمتي عند مزنه وخليتيني الحالي ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!! !!!!!!!!!!
نوره مسكت الجوري وحطتها في حظن ابوها وقامت..... زيد لما شافها قامت قال نـــوره .... بنبره اشبه للعصبيه ...... التفتت له ببرود .... قال وهو يوقف: امسكي بنتس والحقيني عالغرفه ..... ومشى قدامها .... وهي ماكانت تقدر تسوي شي غير انها تتبعه ...!!!!!!!!!!!!!!

بيني وبينكم ..... خفت من نظرة زيد لي لما كان يكلمني وانا مطنشته ..... بصراحه رفع ضغطي باللي سواه ..... تخيلوا بغيت اموت من الروعه ..... وآخرتها يقول لي امزح ..... بصراحه هالمزح مايعجبني ..... هالمزح تبي تمزحه مع اخوك صديقك ..... رجال مثلك .... عادي .... لأنكم مثل بعض .... مزحكم ثقيل ..... مهب مع مره ضعيفه ..... لحقته وانا ساكته ودخلت لغرفتنا ..... ومشيت وراه لحد ماالتفت علي واشر اني اقعد عالسرير ..... ومشيت وقعدت محل ماهو قال لي .... وشفته يرجع يسكر الباب وراه ..... اول مره اشوفه جدي هالكثر ..... نزلت بنتي عالسرير .... وعطيتها دبدوب تلعب به ...... وسويت نفسي منشغله فيها ..... ماانتبهت الا عاللي فجأه رفعني من محلي ..... وضمني بقوووووووووووووووه ماتخيلتها ..... طلعت كل اللي عندي لما شفت ردة فعله ..... بكيت لين عورتني عيوني وصدّع راسي ...... استحضرت كل لحظة خوف جاتني هذاك اليوم الله لايعيده .... بكيت وبكيت .... ومن كثر ماكان بكاي مؤثر بكت بنتي معي ...........................!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!

من يوم شفتها تبعتني وانا شايف الخوف في عيونها ..... بيني وبينكم كنت مستعد لعتاااااب طويل .... بس شكلها اثر فيني ..... عورني قلبي عليها ..... حسيت انا شكثر كنت نذل وحقير ... لما ارعبتها بذيك الطريقه ..... فعلاً كنت نذل ..... معقوله فيه احد عاقل ممكن يؤذي انثى ... انثى رقيقه ..... كل اللي تملكه حنان وحب .... ومشاعر حلوه ..... انثى شفافه ..... كلها واضحه للي بيعرف لها ...... وين كان عقلي لما فكرت في اللي سويته لها ..... شفتها صدت لبنتها .... تحاول تلتهي فيها .... عرفت انها ماتبي تواجهني ..... او خلوني اقول ..... خايفه من التوابع ..... او مدري مدري بصراحه وش هي خايفة منه ........... ماحسيت بنفسي الا اني اضمها .... لصدري بقوووووووووه ..... تدرون ليش ..... كنت ابي احسسها بالأمان .... ولاشي غير الأمان ..... انا بالنسبه لها كل شي ..... تعرفون كيف كل شي ..... شلون لما تجيها لحظه لما تحس ان هالأمان هو سبب خوفها ..... قسم بالله صعبه ..... شديت على ضمتها اكثر .... لما شفتها فتحت باب للبكاء والدموع ..... بكاها كان ألم ... كان خوف .... كان حزن....
ماكنت اقدر اسوي شي غير اني اضمها لصدري ..... وامسح على راسها وانا اقول:والله العظيم آسف......... نوره تكفين سامحيني .... قسم بالله آخر مره .... عمرس يانوره ماتشوفين مني اللي يخوفس .... اوعدس وعد حر .... اني اشيل الخوف من قلبس ... واسكن بداله ..... ماحسيت الا بيدينها اللي طوقت بها ظهري تنفك ببطء شديد ..... نزلت عيني عليها وشفتها تبتسم ..... ابتسمت انا بدوري وقلت لها حليب ياقشطه ..... قالت هي:لا .......!!!!!!!!!!!
ولما رفعت حواجبي فيها دليل الإستنكار قالت: {حب بحب.... وحنان بقرب....} ...... بست راسها وانا اقول:الله لايحرمني منس يارب قولي آمين .......................!!!!!!!!!!!!!!

من اول ماوصلت البيت ..... وانا اخلاقي قافله .... بعد الوناسه اللي حصلتها ارجع للكرف ..... اكره شي عالواحد انه يروح يستانس ويرجع يكرف ..... دخلت الحمام ..... ناوي اتسبح وانام لين الساعه 2 الظهر عشان عندي إستلام .... لفت نظري جوالي اللي كان عالصامت .... لما قام نوره يولع ويطفى ..... رفعته لقيت "ابو الجوري" يتصل بك .... رديت وانا اقول:اررررررررحــــــــب .........
زيد:تسلم ..... وينك فيه ندق عليك ماترد .... صاير عليك شي؟؟؟؟؟؟؟؟؟؟؟؟؟؟؟؟؟؟
محمد وهو ينسدح: لا والله مافيني الا الخير .... الحين انا في غرفتي .... ومنسدح .... خير فيكم انتم شي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد:ابد والله .... مافينا شي .... بس عجوزك ..... انهبلت يوم ماشافتك دقيت .....
محمد:لاحوووووووووووووول وينها هي عندك ؟؟؟؟؟؟؟؟
زيد: لا والله دخلت مع الشايب في الخيمه وانا في الشاليه .....
محمد وهو يقوم من سريره:ومزنه معكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!
زيد بسخريه:لاخليناها برى الشاليه تحرسنا........!!!!!!!!!!!!!!!!!!!!!!!!!!!!!!!!!!!! اكيد معنا..................
محمد وهو معصب:قم ياقليل الحيا ..... وش مقعدك معهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد وهو متقطع من الضحك:احلف .... تبيني اقوم .... طيب مني بقايم ..... وش عندك ؟؟؟؟؟؟؟؟ ورفع الجوال على سبيكر ......
محمد وهو خلاص واصلة معه:اسمع يازيد .... خلك تجي ..... انا الحين مااقدر اسوي شي .... بس والله لاتحدني اسوي شي ..... انا ودي اسويه .....
ضحك زيد وهو يشوف نوره ومزنه يناظرون فيه وهو يكلم ......وقال:ووش ودك تسوي ومستحي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
محمد بصوت عالي:ادق على نسيبك ذا واجيبه من محله .... واخليه يخليني املك عليها ....
مزنه هنا كل نسمة هواء في صالة الشاليه تبخرت ...... ضاع نفسها كله ..... كان ودها تقوم بس ماقدرت ..... كل شي فيها تيبس ..... ولما لاحظ زيد عليها الإرتباك ..... رجع الجوال على السماعه ..... وقام من محله عشان يخلي مزنه تتنفس ...... وهو يقول :حسبي الله عليك مفعولك سريع.............................................. ...............................................!

حسبي الله عليهم هالثنين .... مايعيشون الا ويحرجوووووووون .... وقسم إحراااااج .....
نوره وهي تضحك:بنت لاتحسبين على رجلي ....
مزنه بقهر: لا والله .... ليه مهب هو ساس البلى ..... ياويلي ..... انا لازم اكلم سعيدان يجي ياخذني ..... خلاص الدعوه خربااااااااااااانه ..... ماعاد اتحمل إحراج .....
نوره وهي تبتسم لأختها بحب:مايمديس ..... سعيدان الحين عايش بالعسل .... واتوقع لو تكلمينه يدق على محمد ..... ويقول له رح خذها ..... وقامت وخذت بنتها اللي كانت نايمه وهي تضحك ....... رفعت مزنه جوالها وضغطت على اسم سعد في جوالها زر الإتصال ...... ثواني وجاها الرد على طول قالت: من لقى احبابه نسى اصحااااابه ..... افا سعيدان نسيت خواتك ؟؟؟؟؟؟؟؟!!!!!
مالقت الا صوت ضحكه طويله من هند اللي ردت على جوال سعد اللي كان عالطاوله وسعد طالع برى الشقه:ايه ياحبيبتي بينساس .... وينسى كل الناس دامني معه ..... اجل يشوفني وتبينه يتذكرس ؟؟؟؟!!!! ياحبيبتي .... حبيبي سعودي مهب فاضي لس .... دام القمر معه وش يبي بالنجوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟
ضحكت هند زياده بدلع لما سمعت مزنه تقول: وجع يوجع العدو هندوه .... ايه لهفتي الرجال .... ونسيتيه حتى خوااااته .... شخبارس يادبه .... اعوذ بالله ..... كن ماعندس بنت عم .... وسعيدان ماعنده خوات .... خليكم تجون ان مازوجته ...!!!!!!!!!!!!!!!!!!!!!!!!!!!!!!
هند وهي تتدلع:شوفي حبيبتي اول شي مااسمح لس تقولين له سعيدان .... لأن هذا سعودي حبيبي .... وكلمه ثانيه اقص لسانس .... وثاني شي ... ان كانس صادقه زوّجيه .... والله لاوديس ورى الشمس ... واخلي اخوي ياخذ عليس ثلاث .... ماانتبهت هند الا على اللي سحب الجوال منها بنعومه وهو يبتسم لها ويرفع السماعه لأذنه ويقول: وهي صادقه .... انا سعودي حبيبها .... وان كانس مزون زوجيني ......!!!!!!!!!!!!!!!!!!!!!!!!!!!!!!!!!!!!!!!!!!

يااااااااااااااااويلي انا وش هببت ..... كانت هند تقولها وهي تمشي في المطبخ الصغير حق الشقه وهي تفكر بصوت واطي ..... اللي راحت له لما شافت سعد سحب منها الجوال .... وهي منحااااااااشه .... كانت تشغل نفسها بأي شي .... تفتح الدرج وترتب بيالات الشاهي ... وتسكره وتلف تغسل يدها في المغسله .... وترجع تمسحها بالفوطه .... ثم ترجع تغسلها .... كانت ضايعه بمعنى الكلمه .... لفت عشان تطلع بسرعه تروح للحمام .... بس شهقت لما شافت سعد واقف ومتسند على طرف الباب .... وعلى شفايفه طرف إبتسامة .... سدت فمها بيدها الثنتين بعد الشهقه القويه .... وفتحت عينها على كبرها لما قال سعد: بسم الله على حبيبتي هنوده ...!!!!!!!!!!!!!!!!!
هند انتي لازم تتحررين شوي من الخجل اللي فيس .... لازم تقاومين خجلس .... حتى لو تبتسمين بس .... هند هذي فرصه تتقربين منه .... ماشفتيه اليوم بكبره ماسأل فيس .... لا وطلع وخلاس .... موب بعيده يسوي اللي قالت عليه مزنه ويتزوج .... ليش مايتزوج ... ليه هو شاف منس قبول في شي.... طول الوقت هواش .... ورفعة ضغط .... وزمة خشم عالفاضي .... مثل ماتنازل هو انتي لازم تتنازلين .... لازم تدرين ان سعد مهب رايحة معه رحله للتجربه وبترجعين لأهلس لاخلصت الرحله ..... سعد الحين هو كل شي عندس .... كان هالكلام كله يدور في ذهن هند وهي تناظر سعد اللي متكي عالباب ينتظر منها لو نظره ..... نزلت يدها عن فمها ... وهي تبتسم بخجل وخدودها تورد .... وبجهد جهيد قدرت تكسر حاجز الخجل وقالت وهي تضحك ضحكه خفيفه اعجبت سعد من نظرة عيونه: سعد متى جيت؟؟؟؟؟؟؟؟؟؟؟؟؟؟؟
سعد اللي تقدم منها وهو يقول: اول شي قولي لي سعودي حبيبي وارد ؟؟؟؟؟؟؟؟؟؟؟؟!!!!!
هند فتحت عينها عالآخر وهي تتمنى الأرض تنشق وتبلعها من الخجل .... وقالت: سعد انت سمعت كلامنا ... قرب سعد منها ومسك يدها اللي كانت تأشر بها وهي تشرح .. وقال بحالميه:لا انا ماسمعت غير كلام حبيبتي هنوده .... ورفع يدها وباسها برومانسيه قاتله .... وكل هذا وهند ميته من الخجل ..... وسحبها معه وهو يقول تعالي معي .........................

زين يااخي اللي فكرتوا ترجعون ... اسبوعين يالظلمه وانا حالتي حاله ..... مى مشيتوا وليه ماعلمتوني ؟؟؟؟؟؟؟؟؟؟؟؟؟؟؟؟؟؟
زيد اللي كان يسوق ويكلم في نفس الوقت:قد لنا اربع ساعات .... وماعلمناك كذا كيفنا .... لازم تدري يعني ..... ولا عشان بعض الناس معنا ..... !!!!!!!!!!!!!!!!!!!!!!!!!!!!!
مزنه لما سمعت كلام زيد غطست في المرتبه .... وهي تقول في خاطرها:الله يصبرني عليك يازيد .....
محمد : ايه عشان بعض الناس على قولتك .... الا تعال صدق سعد بيجي بعد .... ؟؟؟؟؟
زيد: ايه يقول ان هند اشتاقت لنا وتبي ترجع ....
محمد وهو مستغرب:يعني بيطلقها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
زيد اللي رفع الجوال عن اذنه يطالعه بعدين رجعه: وهو يقول خبل انت من جاب طاري الطلاق .... البنت اشتاقت لنا وتقول بترجع .... وبتتمشى في الرياض .... معنى هالشي انها بتتطلق ..... قل شي صاحي ولا اسكت .... والله اني من زمان وانا خابر انك ثور ... لكن مااقول الا الله يعين اللي بتبتلش فيك ...........!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

هنودتي بما اننا تقدمنا شوي .... وصار فيه تحسن في حياتنا .... ابيس تعرفين شي واحد .... وناظر هند اللي كانت تناظره بعيون تلمع من ورى النقاب : اني ماقد حبيت احد كثر ماحبيتس .... لاتسأليني ليه .... انا مدري ليه حبيتس ... ولا انتي فيس شي ينحب ...........!!!!!! وضحك لما شاف هند اللي عدلت قعدتها وقال: امزح ... والله انس كلس حلى .... كيف مايحبس الواحد .... بس انا بسألس سؤال واحد .... ويمكن يطري علي غيره .... المهم : انا اذكر لسانس كان طويل .... ليش يوم تزوجتس صرتي عالسايلنت ...؟؟؟؟؟؟؟؟؟؟؟؟؟؟؟؟؟؟؟؟؟؟؟
هند اللي عدلت قعدتها ورفعت شنطتها تحطها في حضنها : لأني وبكل بساطه تغيرت جذرياً .... انت كنت تذكرني البنت الصغيره .... بس بعدين ماعاد تعرف عني شي .... يعني ولا مره قد طرى في بالي انك تحبني .... او حتى تهتم فيني ولاتفكر .... مااذكر مره كان بيني وبينك موقف حتى يوم كبرت .... كنت احس انك تعاندني ... وترفع ضغطي ..... ومع ذلك ... نزلت راسها بعد هالجمله .... وقالت: مدري ليه تعلقت فيك ..... كنا لاطلعنا محل وانتم معنا .... اناظرك من بعيد لبعيد .... يمكن كانت مزنه تلاحظ علي .... مع ذلك ماكنت اشوف منك أي علامه ... او تفسير ... او أي شي .... كنت احاول اني ابعد ومااتوهق .... بس خلاص ورفعت عينها تناظره وهي تقول:طبيت ومحد سمى علي ... وحبيتك .................................................. ..........!!!!!

الحمدلله عالسلامه كان محمد يقولها وهو فرحان وماسك امه وضامها مع كتوفها .... تو مانور البيت ..... يمه البيت من غيركم مايسوى .....
ام زيد وهي تمسك ولدها بحنان:والله ان ذا السفره مابها ملح يومك مهب فيها .... كلهم مايونسون ..... مابه غير الجوري الله يحفظها .... ومابه قصور ببنات زيد ....
التفت محمد بعد ماجلست امه للمكان اللي اشرت له وهي تقول بنات زيد وهو يقول: أي والله مابهم قصور ... وش حالس يا أم الجوري .... ووشلون الرحله .... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوره وهي تنزل بنتها : بخير الله يسلمك ... انت وش حالك ؟؟؟ ...
محمد وهو يناظر اللي واقفه جنب الباب تنتظر الفرج قال وهو يمشي رايح لها بعد ماشاف الكل انشغل عن الثاني : الحمدلله عالسلامه .... وحشتيني ..... ماوحشتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رفعت مزنه عينها له بعد اللي صفه طويل العمر وعلى طول راحت جنب نوره اللي حست ان بينهم شي .... ورجعت ناظرت محمد اللي ابتسم وطلع وهو يقول :وحشتووووووووووني كلكم ..................!!!!!!!

سعد وهو يلتفت على هند اللي حطت راسها على طرف المرتبه ونامت مسك يدها اللي في حظنها وباسها وهو يقول:الله يخليس لي .... ووطى صوت المسجل ... وهو يدندن بصوته العذب ....

{ .. يا أخر طموحاتي وذروة حنيني

تلبس على فالك وأنا بفالي أموت
أموت في اللبس الخفي المبيني
والشعر لامنه تناثر على الكوت

×××

الصوره الي بين خدك وبيني
تقول يا سكر تعال المس التوت
فعيونك اللي تحتها شامتيني
خيل العرب في معركة عين جالوت

×××

كل شي يتمنى يشاركك فيني
الأرض والأشجار والبحر والحوت
يا مبرأك يا مظلمك يا ظنيني
ما ضاعلك ضايع ولا فاتلك فوت

×××

أقسى الرجال ان شاف حسنك يليني
واي بنت في جنبك تّحول لطاغوت
خذني معك بالك أنا مايبيني
يا شعر بوراشد ويا سحرها روت

×××

هذي أمنياتي يا مبعثر سنيني
الود ودي نجتمع لو بـتابوت
ودي أحطك ياحبيبي في عيني
وأسكر عيوني عليك أنت وأموت

×××

وأدخل معك قبر الغرام الحزيني
واسمع تناهيد المحبه بلاصوت
يا أخر طموحاتي وذروة حنيني
تلبس على فالك وأنا بفالي أموت..}

اللـــــــــــــــــــــه ..... سعّودي صوتك عذاب .... قالتها هند وهي تـقوم وتتعدل .................................................. .............!!!!!!!!!!!!!!!!!!!!!!!!!

!!!!!

نــــونــــا · 11-11-2009, 01:38 PM

الجزء التاسع والثلاثون :

اللـــــــــــــــــــــه ..... سعّودي صوتك عذاب .... قالتها هند وهي تقوم وتتعدل .................................................. .............!!!!!!!!!!!!!!!!!!!!!!!!!!!!!!
سعد وهو يضحك على نعومة هند: والله انتي العذاب مهب صوتي ..... ليه مانمتي يالغاليه؟؟؟؟ تبينا نوقف في محل وتركبين ورى عشان تتمددين ...؟؟؟؟
هند وهي ترفع من نقابها شوي قالت: لا ..... تسلم لي يارب .... ماله داعي .... راحتي هي اني اجلس بجنبك .... واحكي على راسك لين تقول اسكتي ..... وضحكت بنفس النعومه ... وضحك سعد معها وقال:اما اسكتي ذي والله ان تبطين ماسمعتيها ..... انا ماصدقت تنفك عقدتس وتحكين .... اقول لس اسكتي ....! على طاري الصمت والحاله اللي جاتس .... انا اذكر واحد من اخوياي يوم اعرس يقول خذيت مرتي معي ..... والثلاث ايام الأولى معي وهي ساكته .... يقول شكيت ان اهلها غاشيني واني متزوج وحده طرما .... يقول يأست من انها تتكلم .... قمت وصيت واحد من اخوياي .... يجيب لي حبتين من حقة الحكي .... وابتسم يوم شاف هند فتحت عيونها فيه وهي تقول مقاطعته:وانت تعرف ناس يبيعون هالحركات؟؟؟؟؟؟؟؟؟؟؟؟؟؟؟؟؟
عدّل قعدته سعد وهو يقول: عاد ياحبكم يالحريم تكتشفون هالأشياء ... ولما لاحظ نظرات هند التفحصيه قال:والله انا مااعرفه بس صديقي يقول انه يقرب له ..... انا مالي دخل......! طيب خليني اكمل بعدين اسألي طيب .....!!!
ابتسمت هند وبانت إبتسامتها من تقوس عيونها وقالت:كمل .... وبالنسبه للحبوب وطقتها انا واثقة فيك كل الثقه .... !
سعد وهو يبتسم بشكر:فديت روحس .... والله اني خابر انس وحده مافيه مثلس ... طيب ماودس اكمل السالفه ... وكمل لما شاف هند اشرت له براسها ... وقال:المهم ان الرجال جاته الحبوب ..... شرا عصير وحط الحبتين فيه .... وعطاها مرته .... وشربت العصير كله ... ويقول من يومها رحنا مكه خذينا عمره وجلسنا يوم فيها ورجعنا لجده وتمشينا ..... وهي طووووول الطريق تهذر على راسي ..... عاد تخيلي مهب تهذر سوالف وبس .... كل اللي عندها خرته .... كل شي الاولي والتالي .... يقول يوم بغيتها تفصل شريت لها حليب السعوديه وخليتها تشربه وفصلت عاد انا بغيت اسوي فيس نفس اللي سواه في مرته .... وش رايس الحركه مهب حلوه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟!
هند وهي تمسك صدرها من الرهبه:يااااااااااويلي .... كان امووووووووت .... زين علمتني عن حركاتك .... خلاص من اليوم ورايح ماراح اشرب شي من يدك ...... طلعت تخّوف ...!!!!!!!!!

احس اني تعبت .... والله اني راحمة ذا الضعيفه من يوم جينا وهي تحوس .... شطبنا المطبخ انا ومزون معها وهي باقي خلصت المطبخ وطلعت تنظف المجالس .... احس ان البيت عليها كبير .... ويتعبها الشغل فيه .... كانت نوره تقول هالكلام وهي تنشف شعرها من الماء بعد الحمام الدافي اللي خذته .... ومامداها لفت الا وزيد حاط يده على خصرها ..... ويشدها له بنعومه .... ويقول:والله هذا من رحمتس بس ..... ليتها عاد شايلة البيت كله .... انتي اللي تطبخين وانتي اللي تصرفين الاكل ..... وتغسلين بعد معها ..... هذا غير بيتس اللي لاجيتي تمرين عليه .... وتحطين يدس الحلوه فيه ..... ! وسكت لما شاف نوره ابتسمت في وجهه .... وقالت:الا من طيب قلبك وحنيتك علي .... الله لايحرمني منك ..... كل شي اسويه عشانك عسل على قلبي .... تأكد من هالشي .... قاطعها زيد وهو يمسك خصله من شعرها ويلفها في اصبعه ويقول:نوري ... وش رايس اجيب لس شغاله .... لس انتي .... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نورة سحبت خصلتها من اصبع زيد وسوت نفسها مبوزه وقالت:ليه شايفني عجوز .... مااقدر اقوم .... وقالت بدلع:لا حبيبي .... انا اللي بقوم بشغلي ..... وشغل زوجي .... لاني اكون في قمة متعتي لو اشرفت على كل شي يخصك ..... وبعدين انا مااحب اعتمد على احد .... احب اسوي شغلي بنفسي ..... ومهب أي واحد اثق فيه عشان اسلمه شغلي ..... مثل مهب أي واحد اسلمه قلبي ..... اللي له قلبي وروحي وكلي شخص واحد بس ..... ويسوى عندي الدنيا كلها .... ودنقت على راس زيد اللي جلس على طرف السرير .... وباسته وهي تقول:يادنيتي انت...!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!

هند كانت تطلع الملابس وتصفها في الدولاب ..... وسعد كان يحوس على شي مضيعه .... وكانت هند تراقبه من بعيد .... ماتبي تسأله تبيه يقول لها وش يدور عليه ..... صحيح ان علاقتهم صارت احسن بكثير عن قبل .... بس بقت اشياء ومنها ..... ان سعد مايحب يطلب من هند شي لأنه يظن في نفسه انه بيتعبها ..... وهي تقدرون تقولون تعبت من ها الوضع .... تتمنى لو يطلب منها طلب حتى لو بسيط .... تبي تحس انها لبت له أي شي .... ماتحملت الوضع فرمت البيجامه اللي كانت في يدها على الشنطه ..... وقامت ومشت لسعد سيده .... واول ماوصلت له رفع عينه فيها وصار مقابلها بالتمام .... رفعت يدينها وحوطت بها كتفه وهي تقول:حبيبي سعودي وش يدور عليه؟؟؟؟؟ وليش مايقول لي ؟؟؟؟؟ وابتسمت إبتسامه هاديه .... قلبت كيان سعد .... اللي قال وهو يمسك خدودها:ولا شي .... بس مضيع كبكاتي .... ومدري وين حطيتهم ..... ممكن هنودتي الحلوه تساعدني ونلقاها؟؟؟؟؟؟؟
نزلت هند يدينها عن كتوفه وقالت:طيب ليش سعودي ماقال لهنودته عن اللي يبي ..... عشان تطلعه له من تحت الأرض .... وسكتت لما تكلم سعد وقال:ماحب سعودي يتعب هنوده ..... اخذت هند نفس طويل يدل على ضيقه وقالت:سعد ..... انا وش بالنسبه لك؟؟؟؟؟؟؟؟؟؟؟؟؟؟؟
سؤال سألته هند لسعد طلع على راسه مية علامة إستفهام قال ببرود:انتي بنت عمي وزوجتي ........ وحبيبـــــــــــــــــــــــتي .... شدد على هالكلمه وهو يمسك طرف خشمها .... قالت هي وهي تقرب تمسك جيب ثوبه:طيب بما اني حبيبتك .... وزوووووووجتك .... اقول يعني ترى عادي لو تقول لي انت وش تبي ..... انا من واجبي البي لك كل اللي تبي .... يعني تبي ماء قول ياهنوده جيبي لي ماء .... كبكاتك ضايعين قول ياهنوده دوريهم لي ..... يعني صرت احس اني صديقك في العمل على هالتعامل .... مااحس اني حبيبتك وزوجتك ..... !!!!!!!!!!!!!!!!!!!!
سعد وهو يبوس جبهتها قال:انتي مهب صديقتي ياهند ..... انتي روحي .... وعشانس روحي ماحبيت اتعبس ..... لأنه مايهون علي اتعبس .... بس دامس تبين هالشي ... اللي يريحس ... ويالله الحين بأبدأ ... جيي لي ماء .... ودوري كبكاتي .... وطلعي لي شراب ..... وجيبي لي طاقيه ... وومممممممممـ ....... هند وهي تضف راسها:بس ..... خلاص اسحب كلامي ..... وضحكت وضحك سعد معها .................................................. ..........................

محمد وين زيد وفايز .....؟؟؟؟؟؟؟؟؟؟؟؟؟؟ كان ابو زيد يسأل محمد وهو معصب .... جاوبه محمد على قد السؤال وماحب يتفلسف على ابوه ..... وقال:زيد الحين بينزل .... وفايز يلبس ملابسه وبيجي ..... خير عسى ماشر .....؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو زيد اللي حس انه معصب عشان شي مايستاهل قال:استغفر الله العظيم ..... والله مدري يابوك .... بس عشاني افكر في عزيمة الليله .... ابي زيد يجيب الذبيحه ..... وفايز يجي يدق لي على الجماعه اعزمهم ..... وانت رح اسأل نوره وجب اغراض البيت اللي ناقصه ..... يالله يابوك اخلص ..... ماعاد به وقت ....... قام محمد وحب راس ابوه اللي طول عمره حنون .... وطيب ويحب عياله .... وطول عمره رجال فيه خير .... وهو فخور بأبوه .... ومايعرف وش كثر ..... طلع من الصاله وهو يقول:ابشر .... الحين اروح .... وهو طالع لقى زيد نازل .... قال له: ولد اخلص جب الذبيحه .... ناظره زيد بنص عين وقال:وش دخلك ....؟؟؟؟؟؟؟؟؟؟؟؟؟؟؟؟
محمد بكل ثقه قال:انا اللي دخلني .... وقرب من زيد .... وهو يقول : والله مايعدي اليوم الا وانا مملك عليها ..... بس بيني وبينك لحد يدري ..... ضحك زيد ضحكه هزت المكان وسمعها ابوه اللي قال:يالله يازيد .... اخلص يابوك ..... ربت زيد على كتف اخوه .... وهو يقول:الله يوفقك ... ورفع صوته لأبوه وهو يقول:ابشر طاااال عمرك الحين طالع .......................!!!!!!!!!
بعد ماطلع زيد ..... صّوت محمد على نوره وهو يقول:يا أم الجوري .... وشوي طلعت له نورة من المطبخ وهي تقول:سَــمـ .... ابتسم لها محمد وهو يقول:وش حالس وخيتي .... ردت نورة وفي بالها وش كثر تحترم هالإنسان وقالت:بخير زان حالك ... انت وش حالك ؟؟؟؟؟؟؟؟؟؟؟
رد محمد وهو يقعد عالكرسي اللي كان ابوه قاعد عليه قبل مايطلع هو وفايز يجلسون في الحوش .... ويكلمون الجماعه يعزمون:انا بخير دامس والجوري ومن يعز عليس بخير ..... اقول ام الجوري ..... قبل مايجي الشايب ويعرض على ظهري سامري ..... اكتبوا اللي ناقصكم ..... عشان اجيبه .... ضحكت نوره على تعليقه وهي تقول :ابشر .... الحين اخلي مزون تكتب الطلبات ..... وتجيبها لك الشغاله .... خمس دقايق بس ..... انشرح صدر محمد لما عرف ان مزنه هي اللي بتكتب .... وعلى طووووووول جات فكره في باله .... ومامداه يخلص التخطيط .... الا الشغاله واقفه قدامه ومادة له الورقه .... خذاها من الشغاله وهو يقول لها لحظه ..... مسك الورقه وكتب فيها .... ومدها على الشغاله وهو يقول وديها لمس مزنه وقولي:مستر محمد .... مافي معلوم ايش هذا كلام اوك ..... هزت الشغاله راسها له وراحت .... وهو يبتسم إبتسامة خبث عاللي سواه .................................................. .........................

كانت مزنه في المطبخ .... تسوي حلى ..... جاتها نورة وهي معتفسه من بنتها اللي رجعت على ملابسها ..... قالت مزون ولا عليس امر اكتبي اللي ناقص ..... فتحت مزنه عيونها في نورة قالت لا والله النوري الله يخليس ..... انا مااعرف في بيت الناس ..... اخاف اكثر طلبات ..... ضحكت عليها نورة ..... وجلست على الكرسي وحطة بنتها على الطاوله وهي تقول:طيب يالله اكتبي بسرعه .... ولاتقولين ماتعرفين ..... قعدت تملي نورة مزنه الطلبات .... ومزنه تكتب ولما خلصت قالت نورة لمزنه تعطي الشغاله الورقه توديها لمحمد وسوت مزنه اللي قالت لها عليه نورة ..... ورجعت تكمل حلاها اللي قطعته نورة ..... الا شوي الشغاله راجعه عليها بالورقه تقول:مس مسن .... مستر مهمد .... كلام يقول مافي معلوم ... ايس كلام؟؟؟؟؟
رفعت مزنه الورقه من يد الشغاله وهي تناظرها بإستغراب الى ان شافت اللي لفت نظرها في الورقه كان مكتوب آخر الورقه "احبــــــــــــــــــــــــــــــــــــــــــ ــــ ــــــــــــــــك" ..... ابتسمت مزنه بخجل .... وقالت للشغاله ... ودي ورقة لمستر محمد وقولي مس مزنه .... يقول "عيب"......................................... .... !!!!!!!!!!!!!!!!!!!!!!!!!!!!!!!!!!!!!!!!!!!!!!
طلعت الشغاله بالورقة لمحمد وقالت له اللي قالت عليه مزنه .... وضحك محمد بصوت عالي من قوته ..... وصل لمزنه في المطبخ ..... وضحكت بإحراج ............................

يالله هنودتي ... ترى تأخرتي .... كان سعد يقولها وهو يلبس شماغه عالمرايه .... رفع عينه عن شماغه وناظر على جنب من المرايه لما شاف هند طالعه بلوك جديد بالنسبه له:شرق بدون ماء ...... ونزل يده عن شماغه وهو يصفّر بقوة ..... :يالبيـــــــه ..... هونّا مابه مراح ..... يمدحون بيتنا ..... وصغّر عيونه .... لما شاف هند تأشر بيدها إشارة لا .... وهي تقرب منه تقول:هاه وش رايك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
كانت لابسه ..... بنطلون شمواة اسود من فرزاتشي .... وعليه بادي طويل احمر لنص الفخذ.... بدون اكمام .. وفوقه جاكيت اسود قصيركمه قصر مو طويل.... من قوتشي ..... تقريباً كانت قمه في الأنوثة ..... هذا غير ريحة عطرها شانيل ..... اللي كانت تدّوخ ..... كانت مسويه شعرها كيرلي على طوله ..... ولامته بشكل عشوائي مطلع لها شكل جنان ...... هذا غير الميك آب اللي كان بسيط .... بس كان لون الروج هو اللي مغير ملامحها .... كانت حاطه روج احمر بلمعه..... مطلعها بيضاء زود على بياضها ..... قربت من سعد ومسكت شماغه وقالت خلني اضبطه لك...؟؟؟؟؟؟؟؟؟؟؟!!!!!!!!!!!!!!!!!!!!!!!
جلس سعد بكل طواعيه وهو فاتح فمه ..... وقعدت تضبط شماغه ..... ولما خلصته رفعته من يدينه .... وهي تقول خلصت .......!!!!!!
قام واقف وجاء قبالها ..... وطبع بوسه طويلة على جبهتها ..... وهو يقول بسم الله عليس الله يحفظس لي يارب ...... لاتطلعين لين تقرين على نفسس سمعتي ..... وابتسم لها وهو يقول:انتظرس في السيارة لاتطولين ......وطلع........................................ .................

نــــونــــا · 11-11-2009, 02:15 PM

الجزء الاخير...........

كان البيت هادي .... ماكان فيه غير صوت الجوري .... وكلنا أنتظار لدخول هند .... او سعد اللي وحشني .... بشكل مستحيل احد يتخيله ..... فقدته كثير ...... صحيح كانت اسبوعين بس كأنها سنتين ..... كنت انا وعمتي ونورة جالسين في المجلس .... والعيال وعمي جالسين في الحوش ..... كان الصمت عندنا يالحريم سيد الموقف .... ماقطع هالصمت الا دخول هند المفاجئ والهادي بشكل غريب .... لاني اعرف هند هي بجهه والعقل والركاده بجهه ..... شفت جت بسرعه وانكبت في حضن عمتي تبكي ..... تقطع قلبي عليها .... ونزلت دمعتي .... لما تذكرت اني مستحيل ارجع اسوي مع امي نفس الشي ..... قمت عشان اسلم على هند .... رغم اني مشتاقة لها الا ان داخلي حزن كبير ..... اشتقت لامي .... واشتقت لأبوي ..... ابيهم .... سلمت عليها .... رغم ثقل جسمي ..... كانت تسألني عن احوالي .... وتقول انها مشتاقة لي .... كنت ارد عليها بس بشروود .... مدري وش جاني ..... جلسنا شوي ..... وتقهوت .... وقعدت تسولف لنا عن رحلتها ..... واضح من عيونها انها مبسوطة ..... ابتسمت في داخلي ..... الحمدلله ان فيه احد من اللي احبهم ..... مبسوط بحياته ..... صحيح نورة مبسوطة لكن مازال يؤرقها ...... سالفة ان زيد باقي يحب منيرة .... ويبيها ..... هو اسلوبه شوي دفش .... كثير يلمح لها عن هالسالفه ...... المفروض ..... يحاول ينسيها ..... يخليها تثق فيه لآخر حد .... موب يزرع الخوف في قلبها .... يالله الله يهدي سرهم يارب ..... مع اني متأكدة مليون بالمية ان نورة غالية عند زيد .... هذا إذا ماكان يعشقها حد الموت ..... قطعت سرحاني هند لما قالت :بنات سعد دق علي يقول يبي يسلم عليكم ...... قطعتها نورة وهي تقول:بدينا بالحركات .... مايعرف جوالات خواته يعني ..... يوم يدق عليس ..... قطعت كلام نورة هند اللي تقطعت من الضحك وهي تقول:بدينا .... توني مابعد جالي شهر ..... لحقتي تشغلين علي حركات الحموات ....
نورة وهي تبتسم :بس وش رايس فيني ....؟؟؟؟؟؟؟ امانة مايصلح الدور علي ..... قسم بالله اني تحفه وانه يضبط ....
هند وهي تناظرني بنظرة انا عارفة مغزاها:الا يصلح ..... وهي توجه لي نظرة كأنها تقول لي معس جلسة محترمة ...... انتظريها بس ..... قمت لما شفتها تناظرني وانا اقول نورة سعد جاء ...... وابتسمت إبتسامة من الأذن للأذن لما شفت سعد دخل علينا ..... رحت له بسرعه وضميته ..... وطلعت الكبت اللي في صدري على كتفه .... مدري وش فيني ..... بس ماانتبهت اني ابكي بقوة ..... الا لما شفت سعد جلّسني .... وقعد يمسح على راسي وهو يقول:بسم الله عليس مزون وش فيس ..... انا بخير شوفيني ..... كل ذا عشاني وحشتس ..... طيب شوفيني .... كان يحاول يرفع راسي ..... وانا عجزت احط عيني في عينه .... مدري ليه ..... لو تسألوني الحين ليه قلت لكم مدري ..... جاني شي جبرني ابكي لما شفته ....... يمكن خفت مااشوفه ..... او .... مدري مدري ...... شفته تركني لما شاف نورة اقبلت عليه .... وسلم عليها ولما جات تحب راسه رفع راسه هو وحب راسها ..... لبى قلبه .... طول عمره حنون ..... احس بالفخر دامه اخوي ..... جاني بعد ماسلم عالجوري ..... وسأل نورة عن اخبارها عالسريع .... وهو يقول لي : وش فيها دلوعتنا ...... من اللي مكدر خاطرس ..... لما قال هالكلام حسيت بحنانه ..... رجعت دموعي تنزل ورجعت اضمه بقوة ..... وبدوره هو حط يده ورى ظهري وهو يقول : هدي حبيبتي هدي ...... كل شي بيصير اوكي ..... بس انتي هدي .... بعد مافرغت شحنة الشوق والخوف في نفس الوقت ....... وبان على شكلي اني هديت ..... ماانتبهت الا لهند اللي جات وقالت ..... :بنت قومي ترى الحقوق محفوظة ..... ضحكت لها .... وانا ابعد عن سعد واقول : اشبعي به ..... اسبوعين معه مامليتي؟؟؟؟؟؟؟؟؟ فتحت عينها فيني وقالت:انتي لتس معه اربع وعشرين سنة مامليتي منه ..... تبيني يا أم اسبوعين امل ...؟؟؟!

اول ماشفت المجلس امتلى رياجيل ..... رجعت امشي عليهم بالقهوة وانا ااخطط للي في بالي ..... واول ماوصلت لسعد قلت له بصوت واطي:انا بروح اجيب المملك ضبط وضعي عند الجماعة ...... ضحكت على شكله لما فتح عيونه وقال:اليوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلت بحماس :ايه الله يعافيك ...... ماعاد وراي صبر ...... ابتسم لي سعد وقال: توكل على الله وانا بقول لعمي يضبط وضعك ..... تخبر انا جديد على هالشغلات مابعد صرت خبرة ..... نزلت القهوة وطلعت بسرعة من المجلس ...... ودقيت على المملك اللي كنت متفق معه من العصر .... وقايل له اني بجيبه بعد صلاة العشاء ...... وهذانا صلينا العشاء ورجعنا نتقهوى .....

قمت من محلي ورحت جلست جنب عمي ..... وانا اقول له:عم ترى محمد يبي يملك اليوم ..... وهذا هو طلع يجيب المملك ..... شفت عمي فتح عيونه دليل إستغراب .... ابتسمت له وهزيت راسي ..... وابتسم لي بحنان الأبو ...... قمت ورجعت محلي ..... ومامداني اقعد ..... الا وانا اسمع عمي يقول : هذي والله الساعة الطيبة اللي جمعتكم كلكم .... تشهدون معنا ملكة محمد ولدي على بنتي ..... ابتسمت في نفسي ...... وانا اسمع الرياجيل ..... كل واحد يبارك في جهه ........ واللي يقول مشاء الله .... واللي يدعي لهم بالتوفيق ..... قمت من محلي ..... وسحبت الدلة امشي بها على الرياجيل ....... عقب مالفيت دورة كاملة على المجلس ... طلعت برى اعلم هند بالجديد ..... عشان تمهد لمزنة ..... وكل شي يصير تمام ..... سمعت الجوال يرن .... بس محد يشيلة .... لين قطع ..... رجعت سويت إعادة إتصال ........ ورن رنتين ثم سمعت احلى الووو .............!!

كان جوالي يدق ..... وانا اصب للحريم ....... القهوة .... طلعت جوالي من شنطتي وشفت ..... "حبيبي" يتصل بك ..... لأني غيرت الأسم من معذبي لحبيبي ..... وحنا راجعين من التمشية .... طلعت من المجلس ..... ولما وصلت الصاله انقطع الرنين ....... مشيت شوي ..... لقيته رجع يرن ..... على طول رديت وانا اقول:الووووووووو.................................. ........
سعد:احلى الووووووووو ....... وحشتينــــــــــــــــي ........ كان يقولها بحالمية .......
هند بخجل: مممممممممـ وانت اكثر ..... بعدين إذا صوتي حلو ..... اكيد اذنيك هم الحلوين .....
سعد: والله انتي الحلوة ....... هنودة ؟؟؟..............
هند:لبيــــــــــه.........
سعد:لبى قلبس ......... عندي شي بقوله لس ....... طيب...........
هند بنبرة إستفسار:قووووووووول .... فيه شي؟؟؟؟؟؟؟؟؟؟؟؟؟؟؟؟................................ .
سعد:ايه ......... محمد راح يجيب المملك ....... يبي يملك على مزنه ..... لا اوصيس مهدي لها الموضوع .......عشان لاجاء يسألها الشيخ ماترتبك .......
هند بفرح: الله ونااااااااااااااااسة ......... واخيراً ........ من عيوني ياقلبي ..... انا ماامهد الموضوع بس ....... انا امهد ابووووووووووووووه ..........وضحكت
سعد بحب:كفو والله ......... يالله حبيبتي ..... لازم ارجع المجلس ..... تعرفين يفقدوني ....!!!
هند وهي تميلح: حتى انا حبيبي فقدوني الحريم...........................
سعد وهو يضحك:اكيد فقدوس محد يهذر على روسهم غيرس .................... مع السلامة حبيبتي ....
هند وهي معصبه:هين اوريك ياقلبي ....... مع السلامة ........................................

احس اني على نار ....... لين وصلت ودخلت بالمملك ..... المجلس ........ سلم على الرياجيل وجلس ..... حاولت فيه يتقهوى .... بس رفض يقول مستعجل ......... تمت مراسم الملكة على خير وبقى توقيع مزنه ..... وشروطها لو عندها شروط ....... خذيت الكتاب ........ انا ووجهي ناوي اوديه لها ..... بس شافني سعد وعطاني نظره يحبها قلبكم ..... وخذا الكتاب من يدي ..... وطلع داخل لقسم الحريم ......... ورجعت انا بخيبتي .... وجلست بمحلي ..... ارد على العرب اللي يباركون لي ........ .................................................. ...........................

من قالت لي هند وانا مرتاعه ....... الحين عرفت سبب الخوف اللي حسيته ....... كذا يامحمد .... تحطني قدام الأمر الواقع ..... صحيح احلى واقع ........ بس والله تفاجأت ....... شفت هند ونورة وهم يأشرون لي يبوني ادخل مقلط الحريم ..... لأن سعد والكتاب فيه ....... مشيت وانا مستحية عالآخر ....... واول مادخلت طاحت عيني على الكتاب اللي في يد سعد ....... كان له رهبه كبيرة ....... قام سعد من مكانه وجاء حب راسي وهو يقول:مزون إذا كنتي باقي موافقة ... وقعي هنا ..... وإذا لا ..... علميني خليني اصدم محمد ..... كان يقولها بنبرة الفكاهه ....... ماكان لي مزاج اضحك او حتى ابتسم ....... شفتوا المرتاع ..... انا كنت زيه ..... زي البلهاء يحركوني واتحرك ..... مسكت القلم ووقعت ..... انتبهت من قوة بوسة هند لخدي ..... وضمة سعد المفاجئه لي ....... التفت على نورة لقيتها تبكي ..... ايه تبكي في عيونها دموع رحت لها وضميتها ..... وانا احب راسها .... واقول كمحاولة للتخفيف عنها في حال انا ابي من يخفف عني: افااااااااا ........ النوري .... تبكين ..... وانا اللي احسبس بتفرحين لي ....... ضمتني نورة وهي تقول في وسط بكاها:من فرحتي يالغاليه ابكي ........ من فرحتي ..................

مزون تكفين ........ افتحي المروحه ....... قسم بالله خنقتني ريحة الكشنة ....... ماتفهمين انتي ......... اقول لس انا وحااااام ....... مااحب هالريحه ....... تكفين لاتعذبيني ..... ابتسمت لها وانا افتح شبابيك المطبخ ....... واشغل المروحه ....... :تامرين امر ........ كم مرت اخو عندنا وحده ........ اكيد بنشيلس على كفوف الراحة ..........................................
قالت نورة اللي تأكل بنتها :هذا وهو اول واحد ....... بكرة لاجبتي درزن ....... وش بتسوين ...... والتفت نورة على بنتها اللي قالت:ماما .......همـــ ...........................................
نورة: من عيوني ....... هاس حبيبتي ........ ومدت الملعقه لفم الجوري ..........
هند وهي معصبه عليهم:هين مزون بعد شهرين عرسس ..... وبعد شهرين بتحملين ..... جعلني اشوف وحمس ......... واضحك عليس ......... مايكفي اني موب راقصة في عرسكم ..... انتي ورجلس المهبول ذا ................!!!!!!!!!!!!!!!!!!!!!!
ضحكت مزنه وكشرت تسوي معصبه وهي تقول:حدس ........ الا رجلي ........ يسواس انتي واللي في بطنس .......... ترى إذا السالفه عنه ....... الله يعينس ..... بقلبها عليس .......
نوره اللي وقفت بصف هند من بعد اسلوب مزنه:ان كان فيس خير المسي هنودتنا ........ والله ان يفرمس سعد .................................................. .........................................

The End

كلام الكاتبه:

اتمنى ان تكون النهاية بحجم شوقكم ..... وبحجم مستوى القصه ....... لا أعلم كيف بديت ... او كيف انتهيت ..... ولكني اعلم ..... انني استطعت ولو بالشكل البسيط ...... ان ازرع إبتسامة عذبة على شفاهكم ....... اعتذر كثيراً إن قصرت ....... او تأخرت في تنزيل الاجزاء ..... كنت معكم هنا طوال سنتين وربما اكثر ..... ولكن تأكدوا كنتم معي وستكونون نبراساً إلى الأبد .... ابيحوني ..... وحللوني ..... وادعوا لي بالتوفيق .... ولكم كل أمنياتي بالتوفيق .....
اشكر كل من ساهم في إرتقاء اسلوبي .... او في تشجيعي ..... كل الشكر ....... على ثقته الغاليه التي أهداني إياها ..... بحق كنتم لي اجمل أخوة ..... اسأل الله ان يحفظكم .... قبلاتي الحارة للجميع ... اختكم المحبة لكم إمرأة مـا ...!

شكراً كبيرة جداً للغالية :بحر الندى .. التي اتعبتها كثيراً في هذه القصه ... :)

وانا نونا اتمنى ان اختياري للقصه اعجبكم

وانتظروني في اختياري الثاني

دمتم بود

لكم مني اطيب التحايا

noona

: )