بنات اون لاين روايــــــــــه رومانسيـــــــه......... - الصفحة 6

جوري قطر · 22-08-2009, 10:47 PM

روووووعة الاحداااث

بانتضاار التكمله قلبووو

الجذااابة · 23-08-2009, 04:03 AM

يعطيك العافية يالغلا

وبنتظار التكملة

نور الدنيـــا · 23-08-2009, 08:43 PM

في جــدهـ ...
في البيت الكبيــر بسـآحاته الخـآرجيـه .. والحدائق المحيــطه فيه .. فـآتنه تجلس عند المسبح الكبيـر بفستانها البيـج النـآعم .. بدون أكمـآم وقصير لفوق الركبـه .. فستـآن يناسب الجـو الحآر والرطب في جـده ..

دمعتـهآ بطرف عينها .. كل مره تتعلق بأمل ويضيع منـها .. وكل مره يوعدها ومايوفي بوعده .. كذاب مايستاهل دمعه من عيونها .. بس غصب عنها حبته بكل مافيها .. وعطته كل ماعندها ..
حست بصوت خطوات امها المعروفه بكعبها العالي .. ابتسمت ولفت وراها شافت امها واقفه بشموخها المعتاد ورزتها .. بملابس عايديه حقت البيت بس في نفس الوقت كشخه وتدل على مكانتها ومستواها الاجتماعي الراقي ..

ام فايز : صبااح الخير
فاتنه ابتسمت وحطت كاس العصير عالطاوله : هااي ماما صباح النور اتفضلي ..
ام فايز هزت راسها وجلست جنبها عالكرسي الخشبي .. قالت بصوت حنون : ليه قاعده هنا الشمس حاره
فاتنه : ههههه ماما خليني ابغه أسمر
ام فايز : هههههه في دي الشمس حتنحرقي مو تسمري ..
فاتنه ابتسمت : خير ماما صاير شي ؟
ام فايز بهدوء : يعني مايصير اقعد معاكي الا يكون عندي شي ..
فاتنه باستغراب : لا ماما مو قصدي بس يعني هيا غريبه شويه ..
ام فايز تنهدت : لا غريبه ولا شي (( اشرت للخدامه الي واقفه بعيد شويه )) جيبيلي عصير ليمون ..
كاتي : اوكي مداام ..
فاتنه حركت فمها يمين وشمال >> الهرجه فيها ليمون الله يستر << : هاا ماما احس انو عندك شي تبي تقوليه ؟
ام فايز اخدت نفس : اسمعي يابنتي .. انتي عارفه اني مستحيل افرط فيكم ولا ابيعكم بسهوله ... وماأرضى لوحده فيكم تتآذى أو يصير فيها شي أو حتى تعيش مو مرتاحه من أي ناحيه من النواحي .... عمري ماقصرت عليكم بشي ولا طلبتو مني شي ومالقيتوه .. اديتكم من روحي اكتر من ما تتصوروا عشان كدا مستحيل اني اسلمكم لأي إنسان ولا من أي مستوى ولا أئتمنكم مع أي احد ....... (( سكتت شويه )) إ نــ ......
قاطعتها فاتنه : ماما ايش فيه قولي بدون مقدمات
ام فايز سندت ظهرها عالكرسي وقالت بجديه : انتي تقدملك واحد البارحه وانا قابلتو .. في البدايه ارتحتلو بس وضعو مره ماعجبني وماهو من المستوى المطلوب ..
فاتنه طاح كاس العصير من يدها ..... يعني ماكذب عليا .. جاه واتقدملي .. عزووز يحبني ... .......... .. قالت بارتجاف ودمعتها في طرف رمشها : وليـ .... ـــه ؟
ام فايز باستغراب : فاتنه ايشبك ؟؟
جات الخادمه تجري : اووه ماما مأليس ....... لمت قطع القزاز الي اتناثرت في الارض
فاتنه بقلة صبر ويدينها ترتجف : ماما ايش قولتليو ؟
ام فايز اتاكدت من شكوكها .. يعني فاتنه تعرفه ولها علاقه فيه .. : اول شي هادا واحد متزوج وتاني شي ماهو من عيله معروفه وماأظن انو بيقدر يسعدك .. وتالت شي والأهم إنو بياخدك بدون علم أهلو ..... يعني ياحبيبتي شي مستحيل اني اوافق عليه مو انتي الي تاخدي واحد بدي الطريقه فاهمه ..
فاتنه مصدوومه .. كانت متاكده من رفض امها .. بس خلاص يعني دا اخر كلام عندها .. الأمل الي اتعلقت فيه والاحلام الي راودتها طول الايام الي راحت خلاص انهدمت .. ؟؟!!؟ ...
ام فايز بجديه : فاتنه انتي تعرفيه من قبل صح ولا لاء ؟
فاتنه طالعت في امها بنظرات حايره وضايعه تطالع فيها كانها فرااغ قالت بهدوء ونظراتها تتنقل بين ملامح امها الحنونه والجديه في نفس الوقت : انـآ .. لا لا ..
وقفت بسرعه وتركت امها قبل لا تفضحها دموعها ودقات قلبها ..كتمت فمها بإيدها عشان لا تطلع شهقاتها .. وراحت تجري لداخل الفله ..
فجر كانت في الصاله بعبايتها الضيقه والساده مافيها أي نوع من الفصوص ولا التكلف وتطالع في الملفات الي بيدها .. لازم تخلصهم اليوم الشغل مره زياده عليها .. فراس راح للرياض وفهد مسافر مو حول الشركه وهيا حايسه وظغطها مرتفع ...... انتبهت بفاتنه تجري لناحية الدرج وشكلها متضايقه وحتبكي ..
وقفت تلحقها : فااتنه فتوو ..
فاتنه ماردت عليها وكملت تطلع للدرج .......
قابلتها اختها فدوه طالعه من غرفتها بروقان وقفت مبلمه تطالع في فاتنه الي تركض لغرفتها وقفلت الباب بقوه : ايشبها دي عالصبح ..
نزلت لتحت بالشورت الجينز والتي شيرت التركوااز الفاقع وشعرها فاكتو على طبيعته مجعـد بنعومه ..
انتبهت بفجر .. راحت لعندها وسلمت عليها وضمتها من خصرها : وحششتيني كييفك ..
فجر : ههههه شويه شويه عليا حطيح ..
فدوه بعدت عنها : ههههه اخبارك من زمان عنك فينك محد يشوفك ..
فجر تنهدت ورجعت جلست عالكنبه : والله الشركه هالكتني ..
فدوه : الله يعينك وفين رايحه شايفتك بالعبايه ؟
فجر : ايوا طالعه لهناك بودي الملفات وبسوي كم شغله وبعدين بروح اتغدى في مكان مره طفشانه ..
فدوه : جد والله و امم مع مين رايحه ؟
فجر : بدق على صاحباتي اشوف أي وحده فيهم تفضالي ونخرج لانو من جد مليييت من البيت ..
فدوه : ايش رايك تطنشي صاحباتك واطلع انا معاكي
فجر تسوي نفسها تفكر : اممم ايوا يجي منك تنفعي برضو ههههه
فدوه طلعت تجري : اوكي ثواااااااني ونازلتلك ..
فجر : ههههه الله يرجك ..
فدوه دخلت لغرفتها مبسووطه مووت اليوم خميس ونفسها تخرج وباقي اسبوع عـ الاختبارات النهااائيه .. يعني لازم تطلع الي في نفسها كلو عشان تفضى للدراسه ..
اخدتلها بنطلون جينز فاتح من الدولاب ع التي شيرت الي كان عليها .. شدت يدها بقوه ع الجينز عشان يتقفل السحاب .. شفطت بطنها بقووه بس مو راضي مره كان ضيق .. قالت ودموعها على طرف عينها : ياربيي كل ملابسي ضاقت ايش اسوي ..
رمت البنطلون بقهر ع الارض وراحت لغرفة فرح .. ابتسمت اول مادخلت .. ريحتها ماليه الغرفه .. عطرها " بربري " الي من يوم ماطلع وهي ماتستعمل غيره .. ابتسمت بشوق لاختها وصاحبتها هي الوحيده الي تفهمها .. دخلت لغرفة الملابس ودورت بين الجينزات وأخذت واحد منهم بما إنو فرح اسمن من فدوه بشويه..
لبسته وكان بالقوه يتسكر بس اهم شي دخل عليها ..
رجعت لغررفتها واخدت شنطتها وطلعت وهي مقهوره ومتضايقه على وزنها الي زاد بشكل ملحوظ ..

وفي مكـآن تآني في جدهـ
في بيـت أبو سـآلم ..
سامي يلف ويدور في الصاله بقلق وعصبيه وجهه بينفجـر من قوة الظغط والقهــر .. قال بصوت مخيف وصراخ : كيف منتي لاقيتها هادي بنت الكـ ............
ميار تبكي .. خايفه على سامي لا يصير فيه شي من قوة الزعل .. وقلقانه على اختها الي مو لاقينلها اثر في أي مكان : خلاص سـ..ـآمي إهدى مو كويس عليك لاتـ ........
قاطعها سامي وعيونه تطلع شراره ويتكلم من بين اسنانه : انا طالع دحين يمينا بالله ماأرجع إلا وهيا معايا الحيوانه.............
ميار راحت وراه سحبته من يده ماتبغاه يسوق وهوا بدي الحاله ومعصب وثاير دمه : سـآمي لا تـ ..........
سكتت وهي تشوف أنفاسه بطئت وضاغط على قلبه بقوه وعيونه غمضها بشده ..
ميار بخوف : سامي سامي حبيبي ايشبك سامي ...
سامي نزل للأرض وهو مكتوم ويحس بالقبضه على قلبه تزيد ...................
ميار راحت تجري تشوف امها تنادي أي احد اكيد النوبه جاته .....
دخلت لغرفة امها وهيا مفزوعه مستحيل تفقد سامي بعد مافقدت سالم ..!!
الأم طبعا بالشغل ولا هي حول البيت ...... اخدت التلفون ودقت على ابوها بسرعه : الو بابا
ابو سالم بخوف : ايشبك ميار ايش صاير ؟
ميار تبكي : بابا سامي تعباان
ابو سالم ترك القلم الي في يده ووقف بقلق : ايش فيه سامي .. ميار اخوكي فينو ؟
ميار بصوت مرتجف : بابا جاتلو النوبه تعال مني عارفه ايش اعمل
ابو سالم سكر السماعه بسرعه .. وطلع من المكتب ركب السياره واتحرك للبيت بأقصى سرعه ... اذا قلبه اتحمل يفقد إبنه الكبير مايضمن انه ممكن يتحمل فقدان ابنه الثاني ..

ميار طلعت من غرفة امها وراحت تجري للصاله محل ماتركت سامي .. لقته طايح عـ الأرض وظهره متسند عـ الدربزين حق الدرج والشغالات حوله يحاولو يقوموه ..
ميار بخوف تجري لعنده : وخري انتي وهيا روحو بسرعه دقو عـ الإسعاف شوفو سواق سووا أي شي بسرعه (( بصراخ )) اتحركو اتصرفو ..
صارت تهز فيه بقوه : سامي قووم سامي الله يخليك لا تموت ساااامي حبيبي قوم لا تخوفني عليك قوم (( غطت وجههـآ بيدها وتبكي ))

....................

نرجــع للريـآض ..

جـود بخوف تكلم في التلفون : لا لا ماقدر مابغه لاء فرح مني جايه ..
فرح استغربت : جود ايشبك تكلميني كدا حبيبتي ايش فيكي ليه مرتبكه ..؟
جود : هااه لاء مافيني شي بس مابي اجي مالي خلق ..
فرح بقلق عمرها جود ماكانت كدا ومستحيل تفوت عليها خرجه ولا جمعة بنات : جود قوليلي ايشبك ؟
جود اتماسكت بعد ماحاولت تطرد شبح رابح من خيالها : هااه لاء وش رايكم انتو تجوني ..
فرح استغربت بس كملت بطبيعيه : انا على اساس انو نجمع البنات ونخرج سوى ايش رايك ؟
جود : لاء فرح مالي مزاج اطلع تعالولي للبيت ؟.
فرح : طيب بشوف دحين ...
جود : طيب اذا كلمتي البنات دقي علي ..
فرح زاد استغرابها واتاكدت انو فيه شي .. جود بالعاده هيا الي تتصل عالبنات وتجمعهم وتهتم اما دي المره شكلها مو مضبوطه ..
فرح : اوكي باي
جود سكرت من فرح وهيا تتعوذ من ابليس .. راحت لغرفتها واتوضات وصلت .. ودعت من قلبها ربي يطلعها من الورطه الي هي فيها ويرحمها برحمته .. ويبعد رابح وشره عنها ..
حست براحه بعد ماصلت لاول مره بحياتها بهذا الصدق وهذا الخشوع الواضح من دموعها الي ذرفتها خوف وتوسل الى الله ..
غيرت ملابسها .. لبست بادي أسود بدون حمالات ينربط بشرايط سودا من ورى على شكل إكسات .. وتنوره سودهـ قصيره لعند الركبه .. لمت شعرها ذيل حصان لفوق بإهمال .. ولبست سلاسل طويله وكثيره فضيه بفصوص وحطتلها مسكره تزيد كثافة رموشها وعقصتها على فوق ..
فتحت درج التسريحه واخدت منها قلوس وردي بلمعه مره حلو وفتحت علبة الإكسسوارات وأخدت منها حلق دائري فضي كبير ونزلت لتحت بتخليه تحت بعدين تلبسه اذا جو البنات لأنو مره مالها خلق تطلع ثاني لفوق ..
فتحت التلفزيون البلازما الكبير وحطت على روتانا وقعدت عالكنبه بهدوء تتفرج وبالها مو معاها ..>> متى ترجعي ياماما والله ماأحس بالأمآن الا وأنا بحضنك

نور الدنيـــا · 23-08-2009, 08:51 PM

::":: الجـزء السـآدس عشـر ::"::

ماسكه علبة الحبوب وتقرأ الكتابه الي عليها .. مصدومه مو مصدقه وصلت وقاحتها لهالمرحله .. صارت تقراها مره ومرتين وتلاتته تتأكد يمكنها قرأت غلط .. بس نفس النتيجه .... حبوب منع حمـل .....؟؟؟! لأي مرحله من الإنحطاط وصلت أختها إلي من لحمها ودمها ..
طاحت بجمسها عالسرير مصدومه تطالع في الي قدامها كأنه فراغ .. هذي اخرة الدلع والفلته .. حبوب منع حمـل ......؟؟؟؟؟؟؟؟
طاحت العلبه من يدها وقامت وشياطين الدنيا حولها .. سحبت شعر اختها الي كانت نايمه ع السرير بتعب .. رفعتها من عالسرير من شعرها لحد ماحست انها طلعته في يدها : قومي ياحيوانه ياحقييره قومي لابارك الله فيك ولا في الساعه الي جيتي فيها عالدنيا ..
نجود مفزوعه حست راسها بينفك من كتر ماتسحبها صارت تصارخ بآلم : اااااااااااااااااااااااااااااه مااااااااااااااااما الحقيني يمه اتركيييييي اااااااي ..
نوف رمتها عالأرض وصارت تضربها برجولها ودموعها على خدها : حسبي الله عليك وطيتي راسنا حسبي الله عليك من بنت .. سودتي وجهنا ياريتك تموتين ..(( تقوي ضربات رجلها )) موتي ياخاينه ياقذررره موتي موووووتي ..
انفتح الباب ودخلت ام نوره ومعاها بناتها الاثنين مصدومين هذي ايش قاعده تسوي ..
راحت تجري لنوف تبغه تبعدها عن نجود الي وجههـآ اتملى دم قالت بخوف وشفايفها المجعده من كبر السن ترتجف : نوف مجنونه وش تسوين ابعدي اتركيها بتموتينها ..
نوف ماوقفت ضرب ونزلت لمستواها وصارت تسحب في شعرها وتضرب راسها بقوه في الارض اكثر من مره .. واخواتها صارخو يحاولو يبعدوها عنها .. الين اتوقفت نجود عن الحركه وارتخى جسمها ..
وقفت نوف ويدها كلها دم تفلت بقوه على نجود : الله لايسامحك ع الي سويتيه فينا ياقذره ..
ام نوره تبكي وتضرب خدود نجود بخفه تحاول تصحيها : نجود يمه قومي نجود حبيبتي قومي خلاص ..
نوره منصدمه واقفه تتفرج من بعيد مو عارفه ايش الي بيحصل ..
ندى بصراخ : انتي مجنونه وش سويتي لها موتيها نوف انتي شاربه شي ..
نوف طالعت في اخواتها وامها بحزن ونزلت دموعها ورمت نفسها عالسرير وصارت تبكي بقهر .......................
........................

السـآعه 5 العصـرر ....
حلا : لا حبيبتي ماقدر والله
فرح : ليييه ؟
حلا : خلاص الاختبارات النهائيه قربت مافيها لعب ..
فرح : اهااا يعني ماتقدري مره عالأقل نجتمع اليوم ..
حلا : اسفه والله مره كان ودي بس مره مشغوله بالدراسه وظغط علي ..
فرح باحباط : اهاا اوكي الله يوفقك شدي حيلك ..
حلا : ان شاء الله
فرح : يلا قلبي ماأعطلك باي
حلا : باي ..
سكرت منها ورجعت تشتغل في اللاب توب تطلع البحوثات الي ناقصتها ...
اندق عليها الباب ..
حلا : ميييين ؟
محمد : انا فيه غيري يعني ..
حلا : هههههه اتفضل محمد
دخل محمد وهو مبتسم : سلاام
حلا بعدت عنها اللاب توب وطالعت فيه : وعليكم السلام
محمد جلس على طرف السرير العـآلي : اخبارك ؟
حلا : تممــاام بس الدراسه مطفشتني
محمد : ههههه يلا شدي حيلك ماعاد فيها لعب ودلع
حلا : ادري الله يعين
محمد : يلا بالتوفيق ان شاء الله ..
حلا : اممم ماقلك نواف متى بيرجع ؟
محمد : بيجي على بداية الصيف
حلا بفرحه بينت في عيونها : جد والله ؟؟؟
محمد : ههههه ايه
حلا : ياربي مررره وحشني الخايس ..
محمد ابتسم : الله يوفقه
حلا : امييييين ..
محمد : امم ماودك تنزلين ..
حلا ترفع الكتاب الي بيدها : شوفة عينك ..
محمد : يلا بالتوفيق ياقلبي بس قلت يمكن وحشنااكي هههههه
حلا ابتسمت برقه : هههههههههه ..
حلا : وين بابا ؟
محمد ابتسم : بالشركه راجع بعد شوي ..
حلا ابتسمت بحزن ونزلت راسها .. قالت بهدوء : تصدق محمد مرات احس انه ماعندي ابو ..
محمد طالع فيها بحنان : وليه ؟
حلا رفعت عيونها عليه : مرات يعدي اسبوع ولا اشوفه ولا اسمع صوته ولا حتى يفكر يجي يسلم علي ولا يتطمن على بنته
محمد : اعذريه ياحلا اشغاله كثيره ويبيلها مجهود
حلا بعدم اقتناع : ايه ادري
محمد يغير الموضوع : ايه نسيت ماقولك
حلا : وشو ؟
محمد : عمي اجل طلعت المزرعه لبعد الامتحانات
حلا : ايه زين سوى بالاجازه احسن
محمد : هههههه (( ابتسم )) يلا انا طالع
حلا : الله معاك ..
خرج وقفل الباب وراه بهدوء ..

......................

فرح حست باحباط حلا ماتقدر تطلع ونوف مقفله جوالها وجود متغيره عن اول وهيا طفشاانه وتموت تبغه تطلع من البيت .. قررت اخيرا انها تعتذر من جود وتطلع مع مشعل ..
نزلت عنده للصاله وكان نايم بتعب .. ابتسمت بحنان .. مسكين شاقي عمره عشان يقدر يعيش اخواته ويعوضهم عن ابوهم وامهم ..
هزته بشويش وقالت بهمس : مشعل مشششعل
مشعل يتقلب عالكنبه : همممم
فرح : مشعل يلا قوم للدوام اتاخرت
مشعل زفر بطفش وعدل جلسته : اسستغفر الله العظيم بس
فرح : ههههه ماعليه اتحمل وعلى فكره انا جايه معاك وحنسيك التعب
مشعل : ههههه دا الي كان ناقص
فرح اتخصرت : نعععم ؟؟
مشعل : ههههه ولا شي روحي غيري ملابسك وحاولي مع ملاك يمكن تجي
فرح هزت راسها وابتسمت بحزن على حال بنت خالتها الي من بعد وفاة امها وابوها وهيا ماتخرج من الغرفه ..
وبعد نص ساعه طلعت مع مشعل للفيصليه ..

..........................

في جــدهـ ..

ابو سامي مسرع في خطواته ورى السرير المتنقل الي حاطين سامي فوقه ومسرعين فيه بممرات المستشفى والاكسجين على فمه ..
حس بدموعه تبلل ثيابه وخنقه قويه اجتاحته .. مستحيل يرضى بفكرة انه يفقد سامي من بعد سالم ويعيش وحيد بلا ظهر ولا سند ..

دخلوهـ لغرفة الإنعااش بسـرعه فآآئقـه ..
وأبو سـآمي اتسند ع الجدار بضعف .. هذا ساامي هذا الغالي الي لاتركه بتتركه رووحــه ..
نزلت دمعــة حـآره من عيوونــه وجلس ع الكرســي بلا حـول ولا قوهـ ..

أمــااا .. ميآر في البيــت .. دموعهــاا تجري .. مو عارفه ايش تعمل ولا كيف تتصـرف ..
خــآيفه على اخووها .. وقلقاانه على اختهــااا إلي ماتدري عن هوى أرضهــااا ..

..................... ولحظـه مو متوقعـــه ..؟!!!

انفتح باب الفلـه الكبيـر بهدووء وصمـــت ..

إلتفتت ميــاار لناحية الباب .. الصدمـه شلتهــاا .. لمن شافت أختهــاا تدخل وهي منكسـه رااسهااا .. وبإيدهـاا كيس كبير ماقدرت تحدد ايش الموجود بدااخله ..
وقفت برجلين مرتجفه .. اسرعت لعندهااا .. ومن قبل لا ترفع راسها ولا حتى تنطق بكلمه .. جاها كــف قـوي .. خلاها للحظـه تنسى هي مين ..؟
ميار بدموع حـارقه وصوت مكسوور : حسبي الله عليكي فضحتينا
مها تبكي بصمت وهي منزله رااسها وخدها يحرقها من قوة الكــف ..
تستحق المووت بلي سوته بأهلها .. وكيف لا دروا بالمصيبه الي جايبتها معاها ..
ميار تصرخ بقهر وهي تهزها من كتووفها : تكلمي قولي شي ليه سويتي كدا ليييييييه ؟
مها رفعت راسها بقلة حيله ودموعها تتسابق : استـ..ـآهل أكثر من كدا ....... اقتليني اقتلييييييييني
ميار مو عارفه ايش تقصد ولا فاهمه شي بس بثقل حركت ايدها بقوهـ على خد اختها مره ثاانيهـ : اسكتي اسسكتي يكفي الي جاه من ورى راااسك..
مها نزلت للأرض تبكي بحراره وقهـر : انا منتهيه خلاااص انتهيت اذبحيني الله يخليكي مابغه اسود وجه بابا مابغه اشوف الاحتقار بعيون سامي الله يخليكي اقتليني ..
ميار رفستها برجلها بقووهـ وطلعت تجري لغرفتهاا .. يكفي خوفها الي ذابحها على ساامي ..

...................

...................

طلعت لغرفتها بخطوات ثقيله .. غيرت ملابسها ولبست بيجامتها .. بعد ماقالتلها فرح انهم ماراح يقدروا يجوا لعندهــاا ..
تمددت ع سريرها وهي تحس بضيقه وألم ..
اخذت نفس عميق وسحبت اللحاف وتغطت .. تبغه تنام .. مالها كثير من قاامت .. بس النوم اريحلها وافضل لها ع الأأقل تنسى كل شي وكل الي ممكن يصير بين لحظه والثانيه دام راابح حطها في مخـه ..
دق جوآآلهــاا بنغمـه عـآليه .. نطت من ع السرير مفزووعــه .. خافت لا يكون راابح ... ظلت تطالع في الجوال الي ع التسريحه من بعيد
ماتجرأت وقربت منه تشوف الرقـم .. رجولها ترتجف واسنانها تصك في بعض ..

.....................

في عــاالم ثاني .. ودنياا مختلفه بالمرهـ ..
متمدد ع الكنبه بهدوء والجوال بإيدهـ ويناظر الشاشه بأمل : ردي تكفييييين ..
خابت اماله لما فصل الخط .. حط الجوال ع الطاوله الي قدامه ودخل للـ توآليت " الله يكرمكم " ..
طلع بعد دقايق قليله وهو يتنهد >> مشتاااقلك ياكل دنيتي وربي مشتااااقلك << ..

,,
,
,

..............
دموعهــاا مغرقتهــااا .. قلبها شويه وبيوقف .. انفااسها تساارعت ..
بإيدهــاا القرآآن .. تقرأ وتدعــي ربهــاا من قلب .. بنتهــاا مايصيـر فيهــااا شي ..
دخلـووهـآ لغرفـة العمليـآت قبل شويـه .. رجولها ماعاد تشيلها ..

بكت بحرقه وقهر : حسبي الله عليك يانوف حسبي الله عليك ..
نورهـ تبكي معاهـآ وهي حاضنه اختها الصغيـرهـ ندى : خلاص يمه ادعيلها تكفيييين

طلـع الدكتـور المسؤوول عن العمليــه وعلى وجههـه علآآمـآآت القلق والإرتبــاااك ..
أم نورهـ راحت تجري لعندهـ : وش فيها بنتي ؟
الدكتور بأسف .. وهو يطالع بأصابيعه : مظطرين نعملا العمليه هلاء .. يمكن بئدرة
ربي نقدر ننأزا "ننقذهـآ " ..
ام نورهـ بفزع : يعني شلون وش فيها بنتي تكلم قووول ؟
الدكتور تنهد : النزيف بمخـه كتير ئووي احتمال كبير نئدر ننأزو بالعمليه ..
ام نورهـ طاحت بتعب ع الكرسي وهي مو مستوعبه ......
ندى ضمت امها بقوه وهي تبكي ....
نورهـ قامت لعند الدكتـور تعرف منه ايش الي يصير بالضبط ؟
الدكتور : ياانسـه اختك كتير مخـه وعيونه مآزيين " متأذين " وازا ربي ارادله تكمل حياته وتقوم بالسلامه احتمال كبير تفئد ............
نورهـ بقلة صبر وايدها على قلبها : تفقد وشو .. وش فيه يادكتور تكلم ؟
الدكتور : تفئد نزره " نظرها " .......... عن اززنك لازم نستعجل بالعمليه ..
راح وتركها غاارقه في تخيلاتها بانها ممكن تفقد اختها .. وحتى لو ربي ارادلها وعاشت .. بتعيش ضريره ؟؟ !! معقوله الي بيصير ؟
" معقووله إلي بيصير فيكي يانجوود ......!!!

أمــاا هـي ..؟
في غرفتها الصغيرهـ الضيقـه .. ضامه رجولها لصدرهـاا وتبكي بمرارهـ .. والدم حوآليهــآآ في كل مكــآن ..
>> آآهـ ياربي انا شسويت في نفسي .. شسويت في اختي ؟؟ يااارب هي غلطانه هي سودت وجهنا ياااارب بس هذي اختي ؟ لا يصير فيها شي يااارب رجيتك تقومها بالسلامه ..؟ انا ماني مجرمه اسوي كذا ؟ مو بقصدي اذبحها ولا أأذيها ؟ بس الي سوته مو قليل والله مو قليل <<

ظلت بمكاانها تبكي وتنااجي ربهــااا ..

.....................

دخـلت للبيــت بهدووء وهي مبتسمه .. شايله بإيدهـآ أكيــااس كثيــر .. من زمــااان ماطلعت تتسوق وتعمل " شوبينغ " ..
دخل وراها وقفل الباب ..
فرح رمت العبايه والطرحه ع الكنبه .. واتمددت ع الكنبه الكبيره الي بنص الصاله : آآهـ دخت
مشعل يجلس جنبها : انتي خليتي شي ومااشتريتيه يخرب بيتك فلستيني ..
فرح رفعت حاجبها : ياسلام مين الي قال الخرجه على حساااابي ..
مشعل : طيب وانتي ماصدقتي يااستغلاليه ..
فرح : ههههه .. فين فراس غريبه مالو حس اليوم ؟
مشعل : طلع مع صاحبو اظن ..
فرح : صاحبو مين ؟
مشعل : مادري واللــه .. ايوا على فكره صاحبي جايني اليوم بنقعد بالملحق ..
فرح اخذت الريموت وشغلت التلفزيون : اهااا طيب ..
دخلت عليهم بشقااوتهاا المعتاادهـ : فررررررررررررررح
فرح ابتسمت ومدتلها ايدها : ياعيووون فرح انتي
مي اترمت في حضنها : وحشتيني ..
فرح بزعل مصطنع مدت بوزها : وحشتك هااه مين الي زعلني اليوم في الصباح
مي بتفكير شيطاني اشرت على مشعل : امممم هوا زعلك ..
مشعل : اووف يامفتريه عيني عينك
فرح : ههههه (( باستها )) الله لا يحرمني منك ياحياااااتي ..
دخل عليهم فرااس بابتسامه راايقه : السلام عليكم ..
فرح + مشعل : وعليكم السسسسسلااام ..
فراس جلس على وحده من الكنبات : اخبااركم ؟
مشعل : تماام اخبارك انتا فين كنت ؟
فراس : طلعت مع صاحبي لفلفلنا شويه وقلتلو يرجعني مرره داايخ ..
فرح : ههههههه
فراس : محمد جايك اليوم ؟
مشعل : ايوا ..
فرح بلقاافه : امم مين محمد ؟
مي بصوت عالي : محمد أبد اللحماااان الي داايما ..
فرح : هههههه ياربي ع الملقووفه (( طالعت في مشعل )) عبد الرحمن ؟
مشعل هز راسه بالإيجااب : يب الـ عبد الرحمن ..
فرح بابتساامه : صاحبتي اسمها حلا الـ عبد الرحمن ..
مشعل بتفاجأ : من جد ؟
فرح : ايوا ؟؟
مشعل : هههههه اجل اخته دي ..
فرح : وي ايش عرفك ؟
مشعل : الا مره سمعته يكلمها جوال ؟
فرح هزت كتوفها : يمكن ليه لاء ..

.....................

الجذااابة · 24-08-2009, 03:31 AM

يعطيك العافية يالغالية

وبنتظار التكملة

الجذااابة · 26-08-2009, 04:53 AM

يعطيك العافية عزيزتي

وبنتظار التكملة

نور الدنيـــا · 28-08-2009, 01:21 AM

..................

وفي القصــر الكبيــر ..

دخل عليها بخطواته الهادئه والثقيلهـ ..
ألقى السلام عليها بكل برود وجلس قبـآلهـآ ع الكنبه العووديـه بأذرعتهــاا الذهبيه : شلونك ؟
ام محمد حطت رجل على الثانيه وقالت بهدوء : بخير اخبارك انت وكيف الشركه ..؟
ابو محمد : والله مااشي الحــااال ..
ام محمد بقلة صبر : خير ياابو محمد قلقتني وش فيه ؟
ابو محمد : ههههه مافيه شي يقلق تطمني ..
ام محمد ارتااحت جززئيــاا : اجل وش فيك ؟
ابو محمد اخذ نفس : السالفه ومافيها ياعزيزتي انه عيالنا كبروا .. ولاهم صغار ولا خايفين عليهم..
كل وااحد فيهــم طول بعرض ماشاء الله ويعتمد عليه وقد المسؤووليه ..
ام محمد بتأييد : صح كلامك يابو محمد بس وش تقصد ؟
ابو محمد طالع في عيونها وابتسم وقال بدون مقدمــااات : انا ابي اخطب لولدي محمد ..
ام محمد انبسطت : ايه هذي الساعه المبااركه هاااو مابغينا ..
ابو محمد : هههههه ياحبكم يالحريم لهالسواالف ..
ام محمد حطت فنجان القهوه وقالت باهتمام والفرح مبين بعيونها : هو حكالك شي قالك منو يبي جابلك سيره ؟
ابو محمد رجع ظهره لورى وجمدت ملامحه : ومين قالك بسمع هو وش يبي .. العروسه موجوده وانا ابي افرح بعيالي قبل لا امووت ..هذا هو فيصل ماشاء الله عليه وبيتزوج ومن بعدهـ بندر وعيالنا مدلعينهم ومعاملينهم كأنهم بزراان ..
ام محمد ماتقدر تعارضه ولا تقول شي بس قالت بتسااؤل : ومنو سعيدة الحظ الي بتاخذ ولدي ..؟
ابو محمد قال بثقه : بنت اختي ..
ام محمد بتعجب : يه وش فيك بو محمد غرام لفيصل ولا ناااسي ؟
ابو محمد : ماني ناسي يابنت الحلال انا ابي له غلاا ..
ام محمد باستنكار : لا لا وش غلااا
ابو محمد : وش فيها بعد يازينها بنت ولا كل البنات ..
ام محمد : ايه ادري ماشاء الله وش حلاتهااا .. بس ماتحس انها صغيره على محمد ..
ابو محمد : لا لا.. لا صغيره ولا شي
ام محمد : وش معنى غلا بالذ1ااات .. وش فيها ساره ولا هديل ..
ابو محمد بتافف : ام محمد لا تكثرين حكي .. ساره لنواف من طلعت ع الدنيا وانتي تدرين ..وانا ابي اضمن بنت اختي لولدي ماتدرين الدنيا وش يصير فيهـــااا ..
ام محمد هزت راسها بقلة حيله : الي تشووفه ..
ابو محمد : اجل اكلم اخووي بكرا ونتفااهم
ام محمد : يه وليه مستعجل هالكثر ؟
ابو محمد : لا مستعجل ولا شي هذا شي المفروض يصير من زمان ..
ام محمد : اييه بس انتظر شوي ع الأاقل تتم ملكة فيصل وبعدها يصير خير ..
ابو محمد باصرار : لا بكلمه بكرا
ام محمد بتردد : زين مو المفروض تقول للولد اول يعني عشان لا يزعل ويحس اننا منقصين من قيمته
ابو محمد وهو يوقف : ولا يزعل ولا شي وماعندي استعداد اسمع نقاش بهالمووضوع .. واذا حابه تخبرينه انتي بكيفك بس الي ببالي بيصير برضااه ولا بغيره ..
ام محمد سكتت وهي متضاايقه من تسلطه الرهيــب من يوومهـ كذا ماشافت معااهـ يوم حنيــه ولا إهتمــاام يسوي الي في راسه وبــس ..

....................

دق جــوآآلهــاا بنغمــه عـآديهـ حقـت نووكيـآ المعرووفــهـ ..
مسحت دموعهــاا المنساابه على خدها بكثـرهـ .. ومدت ايدها بثقل للشنطه وسحبت جواالهــاا ..
تنهدت لمن شاافت الرقــم .. مره مو وقتهـ ولا لهــاا نفس تكلم أحــد ولا تسمع صووت أحــد ..
بس ضروري تطمنــه عليهــاا .. وليه مـآدآومت اليــووم ..
ردت بدون نفس : الوو
الطرف الثاني : السلام عليكم ..
نوف حاولت تصلح صوتها المرتجف : وعليكم السلام .. هلا دكتور احمد ..
احمد ابتسم مو راضيه تبطل الرسمياات الي بينهم وحـآطه حـآجر كبير بينهــااا وبيــنه : هلا نوف شلونك ؟
نوف : بخير ... شلونك انت ؟
احمد : تمــااام ..
نوف بتردد : اسفـ..ـه دكتور اليوم ماجيــت الصبـح .. بس أنــ....ـآ أ.....
احمد تكلم لمن حس بترددهــا وارتجاف صوتها : نوف وش فيك تعباانه ..؟
نوف اخذت نفس مسـمووع : ايه شوي ..
احمد بقلق : سلامتك ماتشوفين شر يالغلا
نوف ابتسمت غصب عنهــاا : الله يسسلمك .. و.....أبـ...ـي منــ......
احمد : وش فيك نوف تكلمي ..؟
نوف غمضت عيونها بهدوء ورجعت فتحتهم عشان تقدر تتكلم : أبي أخذ إجــآزهـ ..
احمد باستغرااب : عسى مااشر .. وش فيك ؟
نوف : مافيني شي بس شوي احس بصدااع وجسمي مكســر وابي إجـ..ـآزهـ كم يووم لين يهدى باالي
احمد ابتسم : سلامتك عسااه في عدويينك يارب .. خلاص انقبلت اجاازتك واذا حابه تزيدين المدهـ لو حسيتي انك تعباانه ماعندي مشكله ابد (( ابتسم بخبث )) كم نوفه عندي انا ..
نوف حست بخجل بس مره ماكان وقتهـ قالت بلطاافـه : يسسلمــوو ماتقصر ..
احمد : بس تصدقين ..
نوف : هلا ؟
احمد ابتسم بأمـل إنهــاا تعطيه وجـه لمره وحدهـ : بنشتااقلك ..
نوف ابتسمت بحيــآء ونزلت رااسها تلعب بطرف بلوزتهــاا : مين انتو ؟
احمد : اممم انا و (( قال بهمس )) قلبـ..ـي ..
نوف تنحت شويه وقلبهـآ يطربق ............
احمد حس بإحرااجهــاا : يلا ماتشوفين شر ان شاء الله وترجعين لنا ساالمه يارب
نوف بهدوء : مشكور
احمد : يلا انتبهي لنفسك مع السلامه
نوف : مع السلامه ..
سكرت منــه وابتسمت طيف ابتساامه .. وسرعــاان ماإختفت وتحولت مشاعرها لأسى وحــززن ..
رجعــت لدمووعهــاا وللقهـر الي مـآلي قلبهــاا ..

أمـــااا برى غرفتهــااا الضيقـه الكئيبـهـ .. إلي ماتحتوي الا على سريرين وكوميدينه ودولاب بـ باب واحد والثاني مفقوود ..
وقطعـة المـرايا المعلقه ع الجدار وتحتهــااا شبـه تسريحــه فيهـآ أغرااضهــاا الخـآصهـ ..
نورهـ أخذت جوالها ولبست عبايتهاا وطلعـت من البيــت بعد ماتركت ندى في حاله يرثى لهــااا .. مضربه عن الأكل والشــرب والنووم وكل شيء حتى الكــلااام .. صح ماتربطهم بأختهم علاقه قويه ودايما بعيده عنهـم ..
بس مهما كان من لحمهم ودمهم .. اختهم الصغيره .. ايش ماسوت وكيف ماكانت .. دمهـم واحد والرابط بينهم قـــووي

" والظفر عمره مايطلع من اللحم "

طلعت برى البــيت ... ودقت على جارتها ام علي ..
وطلعــوا سوى مع ولدهـآ الكبير علي للمستشفى ..
في السيـآره ..
ام علي : لا حول ولا قوة الا بالله والله ماتستاهل امك الي يصير فيهــاا ..
وفي قلبهــاا .. تكره نجوود والي كانت تسويه في اهلهــااا .. واتاكدت ان هذا عقاب الإلـه لها بلي كانت تسويه في امهــاا وسمعتهــااا الي بالحضــيض وكلام الجيـرآآن عنهــاا وهي ولا همهــااا ..
وسبحــآنه " يمهل ولا يهمــل " ..
نوره بهدوء مالها خلق : الله يصبرنا على هالمصيبه
ام علي : امين ..

.....................
في جدهـ ..
السـآعــه 4:00 العصـــرر ..
الجــوو حـآر والرطووبــهـ تكتــم ..

في غرفتهــااا الكبيـرهـ بدآآخـل البيــت الفخــم ..
متمددهـ ع السرير .. تحس بغثيـآن ..
ونفسهاا مسدوده عن الأكل وعن كل شي ..
حست إنهـــااا لازم تروح للدكــتتور ..
ألم بطنهـا كل يوم يزيــد .. والإنتفااخ الي بتلاحظه .. ادخلوا الشك والقلق لـ قلبهــااا ..
يمكـن تكون مصـآبهـ بمرض خطيــرر ..
ابعدت هالفكره المخيفه عن رااسهــاا .. ودقت على صاحبتهــاا بسرعه ..
فدوهـ : الوو هلا رنووده كيفك
رندا تتثاوب : هــ...ـآآآي ..
فدوه : صح النوم ههههه
رندا : ههههه صباح الخير
فدوه : مساء النوور
رندا : هههههه اخبارك ؟
فدوه تنهدت : من ازفت مايكوون
رندا : ليه ايش فيكي ؟
فدوه : مادري يارندا ماادري تعباانه كل شي في جسمي يألمني وبطني كل مالها توجعني اكثر والغثياان بيزيد ..
رندا بقلق : وليه ماتروحي للدكتور ؟
فدوه : انا داقه عليكي عشان كدا ..؟
رندا صلحت جلستها ع السرير : تبغيني اجي اوصلك ..؟
فدوه بتردد : انا بس مابغه اهلي يعرفـوو .. فـ يعنـ..ـي قلت لو تمريني على اساس انو بنطلع نتمشى ..
رندا : اهااا
فدوهـ : واذا طلعت مع السواق المتخلف دا مايسكت عن كلمه ..
رندا هزت راسها بتفهم : طيب ياقلبي حأكلم ماما وع السااعه 7 اكون عندك كويس ..؟
فدوه : بس مو كأنو متأخر اخاف ماما ماترضالي ..
رندا : اممم بس ع بال مااخدلي شاور واكلي لقمتين واجيكي وانا مصحصحه ..
فدوه : تيب اوكي
رندا : يلا قلبي الف سلامه عليكي يارب
فدوه : الله يسلمك ..
رندا : يلا باي
فدوه : باي ..
تنهدت وهي خاايفهـ والقلق ملى قلبهـاا وتفكيرهــاا ..
مو عارفه ايش ممكـن يكون الي فيهــااا ..
وايش السبب ورى كل هالألم الي تحس فيه والانتفااخ الملحووظ في بطنهــااا
حست انها بترتجف من جوه .. مو عارفه ليه كل هذا الخوف الي اكتسحها فجأه ..
بس احساسها مـآيبشـــر بخيــر ...

جنـوٍن آلغ ـلآ · 25-08-2009, 02:33 AM

رووووووعهـ

نوَر آلدُنيـــآ

عوآفــي قلبي ع هييييك طرح

وبإنتظـآر التكلمه

لآهنتي

الجذااابة · 25-08-2009, 07:38 AM

احداث ولا احلى

وبنتظار التكملة

نور الدنيـــا · 26-08-2009, 01:13 AM

...................

نرجــع لأرض نجــد الطـآهرهـ..
في الريــآض ..
السـآعهـ : 3:30 فجــرآآ ..
سكــرت الملف الي بيدهـاا .. ورمته ع السرير ..
تنهدت .. واخيرا انتهت من هالمـــااادهـ الثقيلـه ..
صارلها اكثر من يومين تذااكر فيها تستعد لإختبـاار السبتــ ..
ابتسمت برقه قدام المرايه الطويله .. وجههــا صافي كعاادتهـ ..
بس الهـآلآت السودآء الي طلعتلها تحت عيونها شوهت من نظـآرة وجههــا النـآعم ..
سهـرت كثير هاليوومين .. هالكـه نفسها بالدرآآسـهـ ..
لفت بسرعه وكأنها افتكرت شي مهــم ..
حـلآ ضربت على راسها بقوه : ياهبالتي ..
نطت ع السرير وفتحت اللاب توب بسررررعه .. واتربعت قداامهـ بحماااس ..
تأففت ونزلت من السرير عشان تسكر الباب وتشغل المكيف ..
رجعت مره ثاانيهـ .. وشغلت الاستريــوو ..
طلعت اغنيــة " أحلى مـآفي الأيـآم " تبعت أمـل حجـآزي ..
:: وياك مافيش ولا حـآجـه بعيد في الدنيـآ ديـآآ ..
كل إلي بحلم بيه ويــآك بشوفو بعنيـآآ ..::

مـآهتمت كل تركيزها كان بلي في يدهــآ ..
.." Googleفتحت "
وبدأت تنفذ إلي في بـآلهــااا ..
وتبدأ تبحـث في القضيـه إلي شااغلتها ليل مع نهــااار ..
مـاافيه شي في الدنيا وماله مصدر ولا له سبب ..
وكل غاامض له تفسيــــر ..

ابتسمت بتحدي بينها وبين نفسهــااا .. بتلاقي الي تبغــآآهـ ..عـآجلآآ أم إجــلآآ ..

....................

أشرقت شمس صبااح جديد ..
صبـآح صـاافي وهـآدئ .. لكن ..
مليـئ بالاحدآآث .. الصأخبه والمــززعجــه ..

اليـوم مــر طوويـل وبطـئ وكأنهـ دهــر ..
البنـآت رجعـوا للبيـت .. وبقت هي لحـآلهـآ ..
جالسـه ع الكرسي جنب السرير الأبيض الكبير .. المحاط بالأجهزهـ والأنابيب ..
تحت تاثير البنج من الباارح ..
صحتهــاا في خطـر .. والمدهـ الي بتجلسها في المستشفى بتكوون طوويله .. نظرآآ للأذى الي تعرضتله ..
ومخها يبغالو فتره ليمن يرجع لوضعو الطبيعي والبنج وقاايه له عشان لا تتحرك ويأثر عليه..

تنهـدت بتعب وهي تشوف بنتهـا .. راسها ملفوف بأكثر من طبقه من الشاش القوي ..
وعيونها ملفوفه بضمادات ..
تأكدت من اليـوم .. انه العــآلم المظلم والمووحش والمخيف بيكون الحيـآه الجديده الي بتعيشها بنتهآ ..
هزت راسها بأسف .. مالها الا ربها تدعيه يخفف من صدمة بنتها ويعينها على عذابهـآ الجديد ..

وفي البيــت الصغيـر في الحي الفقيـر ..

نوف من أمس وهيا مقفله على نفسها باب الغرفه وماتبغه تشوف شي ولا تعرف شي عن اختهـآ الـ"حقيرهـ " ..
علبة الحبوب عالكوميدينه كل ماتشوفها يزيد الحقد بقلبها .. وتمنت لو انها ذبحتهــااا ..
ترضى باي شي ومتحمله أي شي يجي من نجود الا انها توطي راسهم بهالشكل ..
وترمي بسمعتهم في الزباله ..

أمــاا نورهـ ..
في الصـآله الصغيـرهـ ..
قاعده ع الكنبه المهترئه وايدها على خدهــاا ..
تفكر بمصير اختها المجهوول .. ومستقبلها المظلم .. كيف بتكون حياتها وكيف اساسا تقدر تتقبلها ولا ترضى فيها ؟
متاكده مليون بالميه انه نفسية نجود بتكون في الحضيض لمن تعرف بلي سارلها ..
تنهدت بضيقه وقامت لغرفتهــااا ..

وفي بيـــت حــلآ ..

قاعدهـ بالصـااله الكبيره والوااسعـه الي في الدور السفلي ..
بأثـآثها العوودي والبيـج .. وكنباتها العـآليه والفخمـه ..تشرب من قهوتها الي اعتادت تحتسيها في هالوقت من العصـر بعد الغدااء ..
تنتظر زوجهــاا يرجع من العمل وتعرف منه الموضوع الضروري الي يبغاها فيه ..
كانت متوتره نوعــاا مـاا .. ابو محمــد مايطلبها الا اذا كان عنده شي مهم او مصيبه كبيرهـ ..
انفتح باب القصـر الكبيـر ..
دخـل وهوا طفشـآن وكـآره الدنيـآآ..
ابتسم بس شـآف امه بوجههـآ البشوش والمريــح : السلام عليكم
ام محمد بهدوء حطت الفنجان ع الطاوله الصغيره الي قدامها : وعليكم السلام هلا حبيبي
محمد باس راسها وجلس جنبها : كيفك يمه ؟
ام محمد ابتسمت : بخير الحمد الله شلونك انت حبيبي ماعاد نشوفك ؟
محمد سند ظهرهـ للكنبه : الحمد الله بس الشركه يبيلها طاااقه وانا انهد حيلي والله
ام محمد بحنان : يابعد قلبي انت خذلك اجازه الشغل موب متعطل عيال عمك كلهم هناك وعمانك يديرونها وشوله شاقي روحك كذا ..؟
محمد : مادري الظاهر بسوي كذا .. جد محتاج فترة نقاهه زي مايقولون ..
ام محمد : ههههههه الله يوفقك حبيبي
محمد : تسلمين يالغاليه ..... الا غريبه اليوم لهالوقت بالبيت ..؟
ام محمد : يعني ماشتقتلي لهالدرجه متضايق عشاني موجوده ؟
محمد باس ايد امه بحب : يمه حرام تقولين كذا انتي نور البيت وشمعته ..
ام محمد : الله لا يحرمني منكم
.............. : ولا منك يااااااارب ..
دخلت تجري لأمهآ وباست رااسها وخدودها وضمتها : وحششتيني ماما
ام محمد ضمتها اكثر : وانتي بعد حبيبتي
حلا ابتسمت بروقاان وسلمت على محمد وجلست بجنبهم : اخبااااركم ؟ وحشتوووني ..
محمد : ههههه ياشين دخلاتك الغلط .. من وين تطلعين مادري
حلا : ياسلااام ليه مو عاجبتك ولا مو عاجبتك ..
ام محمد : بس يايمه وش فيكم كأنكم بزاارين
حلا بطفش : يمه زهقااااانه ..
ام محمد : قولي لنفسك مقفله على روحك الباب 24 ساعه وماتبين تزهقين ؟
حلا : وش اسوي الدراسه رفعتلي ظغطي وبكرا عندي اختباار الله يعين..
ام محمد : بالتوفيق ياقلبي ان شاء الله تنجحين وترفعين رااسنا..
حلا تنهدت : الله يسمع منك ..
محمد وقف : يلا عن اذنكم بطلع انام تعبااااان
ام محمد ابتسمت وهي ترتشف من قهوتها : نومة العافيه ياعمري
محمد : الله يعافيكي ..
سلم على راس امه مره ثانيه وطلع لفووق..
وقف عند غرفة حلا لمن سمع صووت غريب ..؟!
دخل بهدووء .. لقى اللاب توب مفتووح والماسنجر شغال .. وصوت المحادثه من الطرف الثاني عالي ..
قرب بفضوول جلس ع السرير وحط اللاب توب بحضنه .. فتح صفحة المحاادثه ..
"زهقــآآآنه " : وجع ان شاء الله وش فيك ماتردين ..
محمد مايبغه يرد عليها .. لانو حركته اساسا تعتبر لقافه وتدخل في خصوصيات اخته واذا عرفت اكيد بتزعل ..
بس شدهـ اسلوب البنت وزاد فضوله يعرف مين هي ..
" زهقــآآنه " : هين حلووله والله لا اوريك اصبري علي بس ..
محمد بلقافه حط اصابعه ع الكيبورد وبدأ يكتب : مين انتي ؟
" زهقـآآنه " : لا ياشيخه مو وقته العباااطه
"لي قلـب طيبته هي سبب بلوآآهـ " << النك نيم تبع حلا : جد احكي مين انتي ؟
"زهقـآآنه " : انقلعي ياساامجه مره مالك داااعي
"لي قلـب طيبته هي سبب بلوآهـ " : والله ناسيه كثير ايميلات عندي ذكريني ؟
"زهقـآآنه " : كذا اجل ؟ خلي نسيانك ينفعك وانا اوريك ؟
محمد شك من اسلوبها انها تكون لميـآء هيا ام لسانين محد غيرها : لميـآء ؟
"زهقـآنه " : لمياااء ؟ هذي الي ماخذه عقلك بس ماتعرفين غيرها ؟
محمد طفش منهــااا مبين انها مطووله : اقوول انا طالعه تبين شي ؟
"زهقـآنه " : لـ اقرب حفره يااارب
..
رجع اللاب توب بمكانه بنفس الوضعيه بعد ماقفل صفحة المحادثه .. وطلع من الغرفه بحذر وصك الباب ورااهـ ..
وهو يضحك على انفعال صديقة حلا ولساانهــاا السليط ..

::

وبالصـآلهـ..
حـلا : ماما بطلع اتغدى مع صديقااتي ..
ام محمد : وين تروحين واليوم جمعه ؟
حلا : يمه عادي بالعكس ابي اطلع اليوم عشان الاسبوع الجاي كله اختبارات
ام محمد : طيب ووين بتروحون ؟
حلا : مادري لسه مافكرنا بس وربي زهقاانه ولي يومين اذاكر ابي اغير جو شويه ..... بليييز
ام محمد : اووكي بس مايأذن العشاء الا وانتي بالبيت ..
حلا : من عيووني ياعيوووني ......
باست خد امها بقووهــ : بعد العصر بطلع مع السواااق وماراح اتاخر ..
طلعت ركض من الصـآلهـ ..
كآنت راح تصقع فيهـ بس وقفت في الوقت المنااسب ..
ابتسمت بفرح مختلط بحزن : اهليييين بابا
ابو محمد بصوته الجـآمد والتخيـن : هلا حبيبتي
حلا باست ايده ورااسه : شلوونك يبه ؟
ابو محمد : بخير شلونك انتي ؟
حلا هزت راسها بهدوء : زينه ..
ابو محمد هز رااسه بالإيجاب : وين امك ؟
حلا اشرت ع الصـآلهـ بدون ماتنطق ولا حرف..
ابو محمد تركهــاا واتقدم لناحيـة الصـآلهـ ..
حلا تنهدت بطفش .. وبصوت وااطي : طول عمرك كذا ماراح تتغير ..
طلعــت لفوق ودخلت غرفتهــاا متحمسه للطلعه صارلها فتره ماخرجت من البيت ..

..................... فتحت عيونها بثقل .. طالعت في السقف لفترهـ .. تنهدت ورفعت جسمها عن السرير ..
طالعت في الساعه الي جنبها ع الكوميدينه وهي مصغره عيونها .. لسه مافاقت واشعة الشمس ساطعه بالغرفه وتصقع في عيونهاا ..
نزلت من السرير بكسل وتوجهت للحمــاام " الله يكرمكم " .. : يالله من متى وانا نايمه راحت علي صلاة الظهر اسستغفر الله ..
اخذتلها شاور سريع وطلعت وهي تحس بكسل رغم المويه الباردهـ الي استحمت فيها ..
لبست "ترينج " عايدي تي شيرت وبنطلون .. وصلت الظهـر .. سحبت جوالها من الكوميدينه ونزلت تدورلها شي تآآكلهـ ميته جوع من صار الي صار ماحطت لقمه في فمها ومالها نفس لأي شي ..
نزلت بخطواات بطيئه .. دخلت للمطبخ .. لقت الشغاله تقطع خضـآر للغدااء .. تثاوبت وفتحت الثلاجه : وش تسوين ؟
إيني " الشغاله" : سوي قطع خضار حق سلطه
جود طلعت عيش الـ"توست" والجبنه من الثلاجه : سويه وكليه انتي .. انا مابي ..
ايني بنبرة محبطه : ليه ماما ؟
جود : بس مو جاي على بالي ..
عملتلها سااندويش واخذته لبرى الصـآله وشغلت التلفزيوون .....
حست براحه لمن طلع صوت الشيخ " العفااسي " يقرأ بصوته المؤثر ويتلو ايات الكتااب الطـآهـــر ..
اكلت بصمت وهي تستمع له بإنصــآآت ..
وافتكرت جية امها بكــراا .. ابتسمت تلقاائياا .. اشتااقتلها كثيييير .. صارلها اكثر من 3 اسابيع مسافره بدون ماتعرف ايش السبب ..؟
ولا فكرت تسال امها .. لانها كانت تبغه تفلهااا وتجمع صاحباتها يوميا ..
بس الي صار ماكان في الحسبان ولا كان متوقع ..
انسان حقير دخل لحياتها وهدمهــاا ..
انسان .. حياتها ومستقبلها بيدهـ ..
بيقضي عليها بخبااثته ..
بس استغربت ..!! من سوى الي سوااه مااتصل عليها ولا اتعرضلها ..
غريبــهـ .. يمكن هون عن الي كان بيسويه ..
بس استبعدت هالفكره نهاائيا .. عارفه كوويس الاشكال الي مثل هذي والنذاله لـ فين ممكن توصلهم ..
واعتبرت سكووته وغياابه .. " هدووء ماقبل العااصفــهـ " ..

......................
غسـلت إيدهـاا وابتسمت لنفسها في المرآيه الصغيره بإطرافهـآ النحااسيـه المعلقه فوق المغسـلهـ ..
طلعـت من غرفة الطعـآم الصغيـرهـ .. واتوجهــت للدرج ..
قابلهـآ بطريقهــآ فرااس : هلاااا
فرح ابتسمت بعذووبه : اهلين
فراس : اتغديتي ؟
فرح : ايوا دوبني انا ومشعل ومي
فراس : وملاك ؟
فرح هزت راسها باسف : يعني ماتعرفها ؟
فراس تنهد : الله يعينها
فرح : امين .. يلا عن اذنك عندي شغله بعملها وانزل
فراس : اوكي ..
راح للصـآلهـ الصغيـرهـ .. وهي طلعت للدور العلووي ..
دخلت لغرفتهــاا الصغيـرهـ والمررتبـه ..
جلست على طرف السرير واخذت جوالهــاا ..
اتفاجأت من المكالمات الي بجوالهــاا ..
8 مسد كــول ..؟
3 = لمى صاحبتهــاا ..
2 = أمهــاا ..
2 = سمـآهر ..
1= فدوهـ ..
فرح : هههههه ياحبي لهم قد كدا مشتاقيلي ..
في البدايه كلمت امها وسلمت عليهــاا .. وبعدين صاحبتها لمى الي اشتااقتلها كثيـــرر ..
وبالنهــاايه دقت على سمــاهر تشوف ايش تبغه : الووو
سمااهر : اهلين
فرح بدون نفس : هلا كيفك ؟
سماهر : تماامو اخبارك انتي ؟
فرح : والله ماشي الحاااال
سماهر : اقلك فرووحـهـ
فرح : هلا
سماهر : ماعرفتي ايش ساااار ؟
فرح باهتمام : ايش ؟
سماهر : سامي ؟
فرح بلعت ريقهــاا : اشبو سامي ؟
سماهر : بالمستشفى
فرح بصدمه : اييييش ؟
سماهر تضحك : ايوا لا تستغربي البارح عرفت ولو انا سماهر مايخفى عليا شي ... لا وايش كمان دا قبل لا ترجع مها البيت ..
فرح باستغراب : يعني مها في بيتها ؟
سماهر : يب
فرح : وسامي ماعرف ؟
سماهر : لااا هوا بالمستشفى من قبل لا ترجع وبعدين لا تخافي حيعرف حيعرف لانو المخدرات صارت تمشي بدمهــاا ومستحيل تستغني عنها وبينكشف حالها ..
فرح بتفكير وحيره : تيب ليه سامي بالمستشفى ؟
سماهر : والله مااعرف بس الي سمعتو انو هناك عشان قلبو ..
فرح شهقت وحطت ايدها على فمهـاا .. دوبها تفتكر انو سامي مريض بالقلب وممكن أي صدمه تاثر فيه .. يعني ممكن يرحل عن الدنيا باي لحظه .. وقلبه حسااااس كثير وهيا اكثر وحده تعرف ....
سماهر باستغراب : اشبك ؟
فرح هزت راسها واتعوذت من ابليس >> حلال فيه لو ينحرق وربي حلاااال بلي سوووااااه يااارب زيدو ألم وعذاااب << : لا ولا شي (( ابتسمت بخبث )) كفووو ياحلوهـ
سماهر : هههه ميرسي قلبي
فرح والي كانها افتكرت شي : اووكي ياعسل اكلمك بعدين باي
سماهر : باي
سكرت منهــااا ودورت على رقمه بين الاسمــااء الكثيره الي بجواالهــاااا .. ليمن وصلت لاسمـــه " مدمر البنـآت" والابتسامه مرسوومـــه بإتقان على وجههـــاا ..
دقت عليه وانتظرته يرد ..
وبعد ثوواني : الوو
فرح ابتسمت : السلام عليكم
امجد تنهد : وعليكم السلام هلا رهوومـــه ..
فرح : اهليييين فيك كيفك ؟
امجد : كويس انتي كيفك ايش مسويه ؟
فرح : بخيــــــــــــــــــــــررر
امجد : ههههه دووم ان شاء الله بس ايش السبب ؟
فرح : اممممم سامي ..
امجد وكأنه فهم الموضوع : اها .. ايوا ايش فيه ؟
فرح : في المسسسستشفىىىى ..
امجد ابتسم ومن جواته متضاايق .. ميار مقطعه نفسها بكى عليه وامس الليل بطوله يكلمها يحاول يخفف عنهـــاااا .. وفرح مبسووطــه وشمتاانه بمصيبتهم ... غير من مساار تفكيره بسرعه وقال بخبث متعود عليه : هههههه وليه ؟
فرح بعدم اهتمام : امممم ماعرف يقولو قلبو بس اهم شي انو يتالم ويتعذب .... الا قلي كيف مسوي مع ميار ؟
امجد : والله كويس لين دحين بس مانتقلت للخطــوهـ الثاانيه
فرح بعتااب : لييييه ايش تستنى ؟
امجد : يابنت الناس اخوها في المستشفى خليني استنى ليمن تهدى الاوضاع عندهم وانفذ الي في بالي ..
مايعرف ليه مارضى يقولها انها كانت تكلمو امس وتبكي .. ولا جبلها سيره عن المكالمات الكثيره الي بينهم ..
وكأنه بدا يحس انها علاقــهـ خـآآصه فيه ومو من حق أي أحد يتدخل فيهــاا ..
فرح ابتسمت : طيب اووكي بس خليك قد ثقتي فيك
امجد بثقه : ولو اعجبك يابنت الفااارس
فرح : هههههه تسلملي يلا اذا صار معاك شي كلمني ..
امجد : اووكي
فرح : بااايو
امجد : باي ..

..................