~~(((..المـــج ـــــلس ..)))~~

[., {.ٍ بكِـــيتُكّ ,.]

مـــدى ،، فهد الفريدي ،، منورين بوجودكـم،،




يالفريــدي ما يخفاك وش في ايديني...حتى السعاده هي لها ناس عن ناس
حرمانِ في حرمان تمضي سنينــي...وقتي سقاني المر كاسٍ ورى كاس
واللي هقيته في حياتي يمينـــــي...راح وتركني بأول العمر محتاس
وسط التعاسه شف بقايا حنينــــي...ضاع الأمل في وصفها وأقبل الياس
يعلن نهاية حب بينه وبينـــــــــــي...ويعزف على قلب الشقا نغم الاتعاس

[العـ راعي ـليا]

الهنووف الفاتنه .. هبّت نسايمها عطر = وغرّد القمري طرب .. من فوق خضر أغصانها
يوم قالوا جا لها .. من طلّته فَيْ ومطر=شرّعت .. من بعد غيبه .. للفرح بيبانها
عيّدت عيدين . الأضحى . سابقه عيد الفطر=وثالث الأعياد .. يوم انّه رجع لأحضانها
المليك اللي بقربه .. ما شِكت ضيم وخطر=خادم البيتين هو .. حامي عرين أركانها
حب شعبه في خفوقه .. فاطرن كبده فطر=وبادلوه الحب كلّه .. والأمانه صانها

[؟ فلسفة شاعر ؟]

الشاعر القدير .. الشاعر المميز .. الشاعر الجزل

راعي العليا ...

وااااافي دائمآ ..والهنوف مستمره افراحها في حضرة غاليها وحامي اركانها .. المليك الغالي

الهنوف الفاتنه .. هبت نسايمها عطر=وغرد القمري طرب .. من فوق خضر اغصانها

الله .. الله عليك ياغازي .. قمه دائمآ حفظك الله

[مــــــدى]

صباحكم عامر بشوفة أحبابكم ,,,
هذا هو راعي العليــا ...!! وان جابها ... جابها كما الصاعقه ..!!
صح لسانك ياكبير ...

[مــــــدى]

خالي فهد :)
ابخالف اوامرك واكتب بيتين صغنوناااااات :)
وماعليه إن بغيت اطّقني .. ابسمحلك اطقّني بمسطره ام نص ريال :)






ليت الطريق اللي جابني لك ووداني
................................. يردني المحلّي اللي مريّحني منوّل

المكان اللي بدونك ماعاد به مكاني
................................. مغير تبعك / وروحي لك تسوّل !!





المـــدى ,,,

[؟ فلسفة شاعر ؟]

لا بالله خوذي راحتك يامدى المجلس مجلسك ومجلس الجميع ..

القصد كله طال عمرك مناسبه غاليه علينا هذه الايام وقلنا يعني لو نخصص على الاقل لو صفحتين او ثلاث لاجلها


والا عادي كل ٍ يكتب اللي يروووق له

الفرح عم البلاد وكل شخص ٍ زال همه
في حضورك يابو متعب فرحة الشعب السعودي

,,,,,,,
السعودي من غلاك الحب جاري وسط دمه
يحفظك رب ٍ بسط سبع ٍ وسبعْ بلا عمودي

[مــــــدى]

وإنت شيخ المجلس ... عشان كذا استأذنا :)
وان شاء الله ماراح نقصّر ...

[مــــــدى]

يابو متعب ... ياكيف العطيّه !
............................ لاجت منّــا .... نبيها هديّه

حتى الروح نشوفها رخيصه
........................... من دونــك .... ناردها منيّه

مــــدى ,,,

[~ tмйєτҝ ~]

انا مزاجيه لكن اعشق مزاجيتي
وعندي ثقه بالنفس محدٍ مكنها
يمكن اكابر بس مع طبع هادي
وعندي حدود واحترم من حصنها
ان قلت جامحه اقولك شي عادي
مهره جموح ولا ارتخت من رسنها

[الــيزيـــد]

مساكم الله بالخير جميعا
اول زياره لي للمجلس
واشكر لكم المشاركات الممتعه والمميزه

ولو مالي بالشعر والقصيد كثيرر لكن اعجبت بالبيتين ابقولها لكم
واتمنى تعجبكم


لاصار خلك مايبي لك مواصيل ... كرامتك تنقص بطول انتظارك
دور نصيبك في الليالي المقابيل ... لاضاع ليلك لاتضيع نهارك