صباحك بالخير ياللي عن علومي نشدت
تنشد وتتعب عن علومي وتاخذ بها
لو المدايح تعز الشان فيك اجتهدت
لكن جهدك ومعروفك جميل(ن) بها
سويت فيني جميلك وأحفظه مازهدت
كلن ينام وعيوني نومها كبها
فعل الوفاء من يدينك طايله لك شهدت
ويمناك فـ.. الطايلة من شافها حبها
جدك سمّي المكارم وأنت فيها صعدت
والعز لك رايةٍ تشتاف في لبها
والله لو ان يميني تكتب اللي حددت
ماكان تلقى الفرايد عند من صبها
لكن يكفي عن التعبير شرحي وجدت
ان الكفو للمعالي كفو من ذبها
مافي جميع الغيد بالزين شرواك
إلاّ ملاك الجيل وأنتي ملاكه
سبحان من حط الحلا فيك محلاك
وقلب العشيق تراوده في هلاكه
إعيون يذبح رمشها اللي تمناك
مات بغرامك في غرام الشراكه
مديت يمنى مالها غير يمناك
عجّل عليها لاتثير الشكاكه
الجود في وصل المحبين ينخاك
لا تقطعه بالكف مد إشتباكه
أمشي مع الوافين لو فوق الاشواك
جنبت عن درب الردى وإحتكاكه
كريم لكن ما انحنى إلاّ لمولاك
ولا خير في اللي مايحب الحناكه
لاتحسب اني جيت اعدد مزاياك
هذا غلاك اللي دفعت إشتراكه
جيتك وجاك اللي من القلب صافاك
عوّضني بحبك حياة الضناكه
إي والله أحبك على طيب مجناك
ومن لا فعل مثلي خطير إرتباكه
تبغي الصراحه طامعً فيك وإعفاك
عاشق حياته دون شوفك هلاكه
سلم على نزهان ياموقع الود
قل له سحايب صيفها تروي الخد
أكبر شرف بمسادنة سادن اللات
وأكبر ذنوب العبد لاصار له يد
الصوت صاخب في توابيت لموات
واصوات صمت احياء ماتوا بلا عد
النيره بعقولهم تنظم ابيات
على بحور امواجها قافية حد
باسفارهم ماللفواصل علامات
وحروفها ماتقبل الشد والمد
حلم الحواة يخلدون الفراشات
للتاليه يبنون بافواههم سد
تعويذته نسج العناكب بويتات
وهن البيوت مشيدينه على هد
ياصاحبي يامعتلي بالطويلات
الفاتحه ماطهرت قلب مرتد
ولو يبدع الراوي بسرد الحكايات
ببداعها مايجعل البارحه غد
الشمس ظلت دربها بالمدارات
يوم اشرقت من غرب ثم حرها اشتد
ذاب الجليد بعذب ملح المحيطات
واحلام بطريقه على السيف توأد
ماله جناح ويرتفع بالسماوات
واخطاه بصخور المصدات تصتد
موت الامل مايبعثه قول مامات
متنا ( وحنا كلنا مالنايد )
كلن تبرا من جنين الخطيئات
لو ينتسب لبليس مانقبله جد
والمشكله ماتنتهي باعترافات
( الخافي اعظم ) والقيامات تعتد
يبقى لنا في معرفتها علامات
سعيرها بعيوننا السود يوقد
ياقربها بعيون من يلجم الذات
يابعدها بعيون غاوي وملتد
اللي عرفها يبتهل بالصلاوات
واللي جهلها بالملذات مستد
(واللي سمعته من صراصير حانات)
لابرويه عنك ولا باخذه جد
مالك على ماتنكره غير كلمات
أضعف يقين لطاهر القلب ينعد
يكفيك تاخذ مع نقا الروح سجات
بظلالها توقيك من لاظي الود
فكرن عظيم(ن) في زمان الجهالات
فيضه على مايرضي الله له مد
غريب لكن له مع البيض رايات
مارفرفت يوم(ن) على سارية حد
ياسامعي ما للحكاية نهايات
دروب واجد والمسافات تمتد
واللي رويته عن صراصير حانات
لابرويه عنك ولا باخذه جد
العرض العادي
