عندك خبر بإن السهر ذابحني
وإلا مكانك سر يالمتناسي
تعال لا تصفح ولا تسامحني
تعال واسمع كلمتين براسي
الغالي اللي بالوفا رابحني
في حزة الوقت الشديد القاسي
لا هو يتعبني ولا يجرحني
وإن غبت عنه ما توطا ساسي
اللي من أنواع العطى يمنحني
وإن زل قـّرب هامته من فاسي
واللي نوى بالضيـّقه ينطحني
يلعن ثواه ويفتدي هوجاسي
وإن شاف شده ما بغى يبرحني
ينعت خفوقي ويستميل إحساسي
وإن شاف فيني عبرة ٍ تفضحني
آشوف دمعه منتثر في كاسي
والله.. واللي من الشرف يقدحني
إنه لحاله عن جميع الناسي
يا بنت لو جوع الترف يرمحني
ما احط عيني للذنب والخاسي
ترباية اللي فالرخا ينصحني
دايم على الشده يضيع انعاسي
هندي وفيه الذاريه تلفحني
إلين يومي عذق قو الباسي
يالله تبيحه من َصنع وتبحني
قد لي على ليل المفارق راسي
تبا زمن صرف العدل ما يحني
غارب نعام إليا استوى للكاسي!
وانتي..وش انتي لو تخاشر صحني
مثلك ‘ فوجهي بالقدم ينداسي
روحي طلاق وربي اليصلحني
زاهد حضورك لا يجي ويواسي
ما عشت اشوف إلا الغبن يربحني
كنه يا عيني في الزمن حراسي...!!!!
العرض الشجري
