~~(((..المـــج ـــــلس ..)))~~

[؟ فلسفة شاعر ؟]

القدير / فهد الروقي

لاهنت يالغالي على اضافتك الجميله وصح اللسانك

,,,,,,,,,,,,,,,,,,,,,,,,,,,,,,,,,,

هذي بيتين بيني وبين الشاعر القدير / محمد الرشيد

اقول /

يامحمد ابن رشيد لاهنت يالذيب= ياراعي المعروف يالسمح يالذرب
عسى الردي يفداك ياكاسب الطيب=لك التحيه والوفاء من ولد حرب

فقال محمد /

ولاهنت ياراع الوفا والمواجيب = ياللي على الطالات ماتخلف الدرب
اقولها من دون شكٍ ولا ريب = مليون نعم بحرب فكّاكة الكرب

[Đмαя]

الاستاذ/ فهد الفريدي

أشكرك على الاطراء ... وصح بدنك يالقرم,,


وما شاء الله عليك انت شاعر متمكن,,
ومجاراتك مع شاعر بحجم محمد الرشيد..
صح لسانك لين ترضى... وصح لسان الرشيد,,

ــــــــــــــــــــــــــــــــــــــــــــــــــ ـــــــــــــــــــــــ

البــارحه قلبي من الهًمّ يشكي للوهم=ياوين أبلقى ضحكتي يالقلب الفطين
وياسألن عني ترى كلي جرح كلي ألم=تجمعو في قلب واحد عسى ربي يعين

نزفي// فهد الروقي

[؟ فلسفة شاعر ؟]

مساء الخير للجميع ,,,

طال الغياب اللي برى حال مغليك ,,,

ياقسوتك والوقت سوا سواتك ,,,

افكار تاهت بين مقفي وشاريك,,,

وقلب ٍ يسوقه لك زايد غلاتك ,,,

كيبورد

[؟ فلسفة شاعر ؟]

اليوم ضيف ٍ حل والدار له دار =وفي حضرته همس القوافي منوًر

[؟ فلسفة شاعر ؟]

تحيه معطره للشاعر القدير الغايب الحاضر ,,

الغايب / عن عيوننا

والحاضر بقلوبنا

( راعي العليا )

,,,,,,,,,,,,,,,,,,,

تدري انك لو تغيب .! وافي وقدرك كبير=والغياب اللي خذاك لو يبيعونه شريت
مايصير انك تغيب ! لاوربي مايصير=والجفاء منك خطيه لاتقول انك نسيت

[؟ فلسفة شاعر ؟]

مـــدّت فراقــك كنــها مـــدّت البــرد
بشويــش تلفحنـي وبشويش تجــرح
**
مافيه داعي اسهب الهرج والســرد
لاصار مابه شــي يبــهــج ويفــرح
**
اشرب فناجيلك جـفـا واهـــدي الـورد
وانثر عبـيـر الحـب فـي كــل مطـرح
**
اتصدقـي حتى تـرى ابياتــي الشــرد
صارت لسيـرة جرحـي اليوم مسرح
**
يكفي زرعت الـورد فـ ايامك الجــرد
وانتــي تركتيني للأحـزان مـ ابــرح

[شمس القوايل]

شاعرنا القدير فهد الفريدي

يعطيك العافيه ع المجهود المميز والتواصل الرائع

والشكر موصول لكل من شارك او مر من هنا

موفقين والى الامام دوماا

شمس القوايل

[؟ فلسفة شاعر ؟]

الاداريه القديره / شمس القوايل

لاهنتي على جهودك بالمنتدى وياهلا فيك في مجلس الشعر بهمس القوافي

عليك الله وامان الله حبيبي لاتغيب كثير=غيابك كدر الخاطر وجدد لوعة احزاني
ترى هجر(ن) بديتي به بلا معنى ولاتبرير=يهد اللي بنيته لك وانا ماني بغلطاني
خطاي اني هويتك وانكتب حبك علامه غير= عزف في داخل الخافق مشاعر حب واللحاني

كيبورد ...

[؟ فلسفة شاعر ؟]

خلاص لاترجع ترانا سلينا=ماكنت اصدق يوم اني ابنساك
في بعدكم ياما عليكم بكينا=واليوم ماتطري على البال طرياك
وانا ادري انك رغم صدك تبينا=لاشك ناس ٍ ضدنا تقصر خطاك
من سكرة الحب الصناعي صحينا=حتى المجالس عفتها خوف ذكراك
خل الذي غير حنانك علينا = يعطيك من قلبه ربع ماعطيناك

منقول

[شاعر الدرر]

اقتباس المشاركة الأصلية كتبت بواسطة فهد الفريدي تحيه طيبه للجميع .. اشكر كل من حضر هنا واضاف جزيل الشكر .. ياهل القوافي وين عذب القصايد=وين الجزيل اللي من القلب للروح من بعدكم والشعر مابه فوايد=وهمس القوافي صار بالحيل مجروح غبتم وغاب الشعر ياهل الفرايد=جزل الكلام اللي شذى عطره يفوح جتنا طيور ٍ فوق غصن الجرايد=اتخطًف الامواج من غير مصلوح (*) (*)اتخطًف : بتشديد الـ (ط) وسكون الـ(ف) كيبووووورد

الاخ فهد الفريدي

السلام عليكم
عساك بخير
جيت مرار من بعد غياب فرأيت ابياتك وتبشر بالرد

سلام للي للوفا دوم رايد=راعي ولا للدار واصرار وطموح
جبت السمان الجايرات الجوايد=صح اللسان ودمت ياراعي البوح
ودعيتنا دعوة كريم العوايد=انا اشهد انك قرم صامد وطحطوح
والمشكلة ياخوك ذا الوقت كايد=ماكل ما نهواه هين ومسموح
كم من بضايع ماتجيب الفوايد=حتى ولو دكانها دوم مفتوح
وكم من رجال مكبرين الوسايد=اسواقهم غطت على الكون بوضوح
قد جاك علمي والذي قيل عايد=ماقد مضى ياذيب منسي ومدموح

وسلامتكم