~{وشـ تقـــــول للي فــي بآلــــكـ .....}~

[مفارق الأحزان]

دنيااي من بعدها ياعرب ماهي بدنياي = راحت وخلت القلب فــ حسره ونيران

[رهيـ عيونها ــن]

يا خاطري ظلم الدموع احيان في حبس الدموع
و امطار حزن العالمين تهل ولا يدرابها


و الهاجس اللي من فجر ربي تبلاني قنوع
باللي حرم عيني منام الليل مما صابها


قمت اطرق البيت الطويل و كل خلق الله (إ)هجوع
و ادسم ابياتي فكر و المعجزه اطنابها


قافٍ يردد مطلعه جدران قلبي دون طوع
صوت و صدى في داخلي .. حب النقا اسبابها


في جادل(ن) من حبها دمي مع جوفي يفوع
فوع الدلال اللي على جمر الغضى مركابها


(إ)مهيله و مقنّده قدامها سمن و قدوع
تكريم ضيفٍ من غلا قدره نحسب احسابها


لو جيز توصيفي لها لا اقول ما فيها رجوع
دربٍ يوديني لها و الخاتمه محرابها


بنت تدل الطيب دل الذيب لدروب الطلوع
لا هرول الذيب و جزع وديانها و شعابها


في يدّها بصمة كرم و الطبع ما مثله (إ)طبوع
و وصوفنا في حسنها يكفي برمح اهدابها


النايفه ام السنع و الوافيه جذر و فروع
متأصله من ساسها ولا احدٍ وصل مرقابها


الله عطاها حاجة(ن) في داخلي بين الضلوع
المضغة اللي لجلها أحبها و احيابها


هي خير من مثّل بنات الطيب في كل الجموع
المركز الأول لها دام الحنايا بابها

[ρùℓşέ]

جاني يصيح يقول يايمه اذبحوها..... حبيبتي راحت يايمه من ايديه
والله أدرى انهم اغصوبها..... عليّه والدمعات تذرف خفيّه
يايمه راحت اللي له حيروها..... راحت حبيبة قلبي يمه الوفيّه
يايمه ثوب العرس له لبسوها..... يايمه هذا خاتمها ببكي عليّه
يايمه شوفي وش قساوة أبوها..... يدفنها بيده وهي بعدها حيّه
يايمه من شوفها لي احرموها..... عيو تودعني ليه البنيه
يارب يبليهم مثل مابلوها ..... ويارب تسعد هالادميّه

[رهيـ عيونها ــن]

اقول القول و ابيّن مقالي
مانيب اللي تحاكا بالهزالي


سمين الهرج عندي و المثّبت
على فعلٍ ينومس كل غالي


و شعرٍي مثل فعلي افتخربه
مثل فخري بـ/أعمام و خوالي


قصيدي لا زهمته جاك لافي
كما سيلٍ تحدر من عوالي


اعده مدح في طيب الفعايل
و اعد اللي احبه برتجالي


احب الصيت في فعلٍ مقامه
يعليني معه لا زان بالي


و احب البر و البيت المروبع
مع ذودٍ تدرهم من قبالي


و احب الضيف لا جاني مسيّر
و خذا ماجوب حقه من حلالي


و احب الضو مشبوبه و كيفي
معاميلٍ تبهّر في دلالي


اجيب البن من يافع و حمسه
شقارٍ زدت حرقه بعتدالي


ابيه يفوح في دله و يطبخ
عشر لو فوق عشرٍ ما أبالي


لان الكيف توقيته محدد
على فوح البغاديد الثقالي


و احب المجلس اللي فيه يذكر
نظيف القول و افعال الرجالي


و احب الكلمه ان جاتك مليّه
ثمينه ما تسعّر بالريالي


و احب القاف لا جا في مجاله
على المنكوس و البحر الهلالي


و احب الشاعر اللي ريح بيته
مثل عودٍ تطابخ بشتعالي


اذا جاب القصيده بان فعله
قبل شعره و لا فيها جدالي


كريم افكار و ابياته جزيله
و لا روّح مع الغاوين سالي


اذا عد القصيده ما تمله
ثباتٍ ما ترادم من هيالي


و احب اللي عيونه والدينه
كمالٍ له و لله الكمالي


و احب اللي حفظ حق الاخوه
و لا يقطع قريبه بالوصالي


و احب الجار لا من ضاق جاره
كفاه الضيق من ضيم الليالي


و احب اللي ليا شال الثقيله
يطيق الحمل لو حمله جبالي


ذكرت اللي احبه في قصيدي
على طرقٍ جبرني ما طرالي


بديته هاويٍ و اليوم غاوي
و اشوفه قام يعبر من خلالي


و سلطان المراجل شاهدٍ لي
و سمّاني رفيقي من مجالي


صخرت القاف من بحر(ن) مسمى
على صخر القبيله بالشمالي


بنيته و المدى وافر و عندي
مقادير النظم أول و تالي


عساني لا بدعته ما بخسته
و عساني ما اجيب الا الجزالي

[مفارق الأحزان]

صح لساانك يالغااالي كفووووووووووووو جزله من راس جزل

[رهيـ عيونها ــن]

اقتباس المشاركة الأصلية كتبت بواسطة مفارق الأحزان صح لساانك يالغااالي كفووووووووووووو جزله من راس جزل

وصح لسانك وعتلا شانك انا معجب في ابياتك واصل اخوي الله يسعدك

[({ همس الغروب} )]

وش فايدة قولتك ليته وليته =كل الغلا قلنا عليه السلامي

من دفتري لاشفت أسمك محيته =ماعاد لك طاري بصفحة غرامي

[مفارق الأحزان]

اقتباس المشاركة الأصلية كتبت بواسطة ({ همس الغروب} ) وش فايدة قولتك ليته وليته =كل الغلا قلنا عليه السلامي من دفتري لاشفت أسمك محيته =ماعاد لك طاري بصفحة غرامي

[ρùℓşέ]

يـا من يعـاتب مـذبوحا على دمـه = ونـزف شــريانه ما أســهل العتبــا
من جرب الكي لا ينسى مواجعه = ومن رأى السم لا يشقى كمن شربا

[مفارق الأحزان]

الحب عند بعض العرب نطقه اسهال = مايدري ان الحب بالقلب حساس
دامه يحب يلعب فيني بكل الأشكال = بقول روح العب على عديم الأحساس