السلام عليكم ورحمة الله وبركاته <<<ترا قال السلام وهو واقف نفس حركات الابتدائي لادخل الاستاذ عليهم خخخخخخخخخ
كيف الحال حلوين وحلوات ...! وش مسوين ... انشالله كلكم تمام على العموم ماراح يجيكم شي قطاوه مشالله عليكم مايجيكم شي <<< عز الله ماتو العالم من عينك :D
كما تعلمون ياشباب فيه ضغوط داخليه وخارجيه وضغوط اقتصاديه وسياسيه علي ..! كلهم يقولون لي اكتب موضوع يادلخ للاعضاء تراهم مشتاقين لك << مانت بعاقل ياشكسبير خخخخخخخ
قسمن بالله الساعه 5 الا ربع الفجر ومسكت غلط اكتب موضوع فـهلــمــو معي على المصاله اللي تحت...!
..........
الـــحــــلاق
يوما من الايام من الايام المملحة بالملاحيحو كنت منسدحاً افكر تفكيراً بالتفاكيرو :D .... الزبده كنت منسدح بغرفتي ولابس الفنيله العلاق عرفتوها ؟ طالع شكلي مدرس خصوصي مصري ضايعه محفظته خمس ايام ونسى مفتاح السياره في طاقية سوداني خخخخخ ... المهم كنت جالس مقابل الستالايت ومبقق عويناتي على قناة ال بي سي ... واناظر ادور بنت حلوه شي نشوف نكحل عيونا على الاقل بدال مقابل الصعب بالحيل في الديوانيه وهو ماسك الزقاره << الله فرق بينك يالصعب وبين المملوحات في ال بي سي :D
جا مقطع من المقاطع الشباب قلبوها سمردحه .. رقص وحركات وفرفشه عاد انا من الحماس رحت جبت لي فستق خخخخ ... وشوي قامو يغنون واسمع اللهجه اللي يغنون فيها ماهيب عربيه قلت وش السالفه ؟؟ والله والقط كلمه من كلمات الاغنيه وكتبتها بالعربي على حسب اللي نطقوه بالاغنيه ... بعد نص ساعه ولما خلص البرنامج قفلت فيني الدنيا واغير على القنوات واوقف على قناة السودان ... الـــلــه ..! فاتكم نص عمركم ... كانو جايبين كوبيه غنائي خخخخ ... اقسم بالله تتعب نجوى كرم ويتعب وائل كفوري :D .. ياناس فن تحسون يغني من قلب ... والوجيه السفره اللي اول ماتشوفها ودك تمسك اخوك وتشوته دبل كيك .... المهم قفلت بوجهي الدنيا قلت تدري اروح اطلع واروح الحلاق اشيل هاللحيه اللي لها خمس شهور كل من شافني يقول هذا من اصحاب الكهف ... والله واروح الحلاق.. على فكره انا زبون عنده ... مغربي اسمه كريم <<الصعب عرفته ؟؟؟ ... والله ويحلق لي وكل واحد جالس يعطي الثاني نصبه ... انا قلت له تدري مره انا رشحوني للاوسكار ورفضت عشان جيم كيري الفنان قالي تكفى ياتويكس خلني افوز فيها ؟؟؟ ويجي هو يقولي تدري ياعزوز انا رحت جاهدت في جبل طارق وحررتها وطردت الاسبان لحالي .. انا اول ماسمعت هالنصبه مسكت موس الحلاقه واجيبه مليون على وجهه وقلت له عاد قلنا نصب بس موب كذا خخخخ ...
المهم وفي غضون الرجال يحلق لحيتي تذكرت الكلمه اللي كتبتها من قناة ال بي سي ... قلت خلني اشوفه يمكن يعرف مدام انه من المغرب هالحلاق يمكن ينفعنا .. واطلع الدفتر له من مخباي <<حشا ثوب صعيدي مهوب ثوب سعودي حاط دفتر وش كبره فيه خخخخخخخ ... واقوله تعرف معنى هالكله ؟ قالي ايه معناها ( لقد قبلت بك زوجاً مدى الحياه) << اي بنت تقرا هالكلمه فهي زوجة تويكس :D عز الله كل البنات تزوجوني اليوم (وجه منحرج)
المهم قلت له هذي بأي لغه ؟ قالي باللغه الألمانيه ... قلت يابعد قلبي يابيرهوف ويابعد قلبي ياكلوزا <<لاعبين بالمنتخب الالماني ..قلت له وقف حلاقه بمشي قالي توي حالق نص لحيتك قلت له مالك شغل خشتي ولا خشتك خخخخ ... والله ويوقف حلاقه واطلع برا بروح البيت بكلم الوالده ... وانا بركب السياره واحد شاف لحيتي نص ونص قالي هيه انت هذا وجهك ولا فلبيني يحك سرواله :D ههههههه انا انحرجت وركبت السياره ورحت للبيت....
..........
قـــرااار...!
رحت لم البيت ودخلت على الوالده واول ماشافت لحيتي قالت اعوذ بالله من كلمات الله التامات من شر ماخلق وتتفل علي خخخخخ ... قلت يمه انا ولدك وراك ... قالت اوووه اسفه حسبتك ابليس ... قلت يمه وش هدية نجاحي <<< حركات بزران خخخخ
قالت الكورنيش ويخب عليكم بعد احمدو ربكم وبنروح مطعم شيليز.. قلت يمه اذا جبت منتاز تخليني اطلب هدية نجاحي اللي ابيها ؟ قالت انت جب جيد واخليك تروح الهند <<امحق طموح يالوالده خخخخخخ ... قلت طيب يمه الامتحانات الاسبوع الجاي وانشالله اوريك ... المهم ماودي اكثر هرج .. مرت الامتحانات وانا جالس شاد حيلي عشان اختار هدية نجاحي بنفسي وحافظها في بالي ماعلمت احد عنها حتى انتم مابعد اقولكم وشهي (وجه يمد لسانه) .. قضت الامتحانات وجبنا الشهادات واخذت امتياز ... واروح اجيبها لامي واقولها شوفي يامنسمه << عربجي .. قالت لا نصاب مزورها خخخخخ .. قلت روحي للمدير وشوفيه ... والله اتصلت عليه وتأكدت وطلع كلامي صح... قالت لي امر ياوليدي وش تبي هدية نجاحك؟؟! قلت قولي والله ماترديني ! .. قالت والله ماردك وبعدها قالت لا ماقصد والله ... قلت اووص ولا كلمه حلفتي خلاص خخخخخخخخ ...
قلت يممممــــــــاااه أبــــــــــي أبـــــي أسافر ! قالت اوكيه مكه .. قلت لااااااااااااه ابي اروح مكان ثاني .! قالت اوكي الرياض ! ..قلت لاااااااااااااه .. قالت هات من الاخير ! قلت ابي اروح الـــمــانيــا..! قالت ايه انا سمعت عن عصابة المافيا يقولون انهم عندهم محلات في اسواق الراشد ؟؟ قلت لااااه ياطعسه هذي دوله بأوروبا .. قلت لها تعرفين هتلر ؟ قالت ايه <<<ارهابيه الوالده خخخ ... قلت ايه شفتي هتلر ؟ هناك نفس المكان اللي كان فيه اسمه المانيا ... قالت ياوليدي مانعرف نتكلم الماني ؟ قلت يمه انا اهرج انجلش وهم يفهمون قالت اوكيه بكلم الوالد ... والله وبعد محاولات من الوالده ومدري وشو وكلمت الامم المتحده عشان ابوي يوافق ولا رضى ولا وجت السفاره السعوديه في المانيا وقالت على حسابنا انتو تعالو <<كسرنا خاطرهم خخخخ ... قال ابوي اوكيه موب مشكله وابي بعد سياره سبورت جديده يالسفاره اوكيه ؟ قالو اوكيه بس وسع صدر ولدك هالمسيكين !...
وبعدها طبعا قمت اناقز انتو خابرين وجلست عند المرايه حوالي ست ساعات اضبط في خشتي بس ماش الشين شين خخخخ ... مالكم بالطويله تجهزنا وكل حاجه واغراضنا والحين احنا بالطريق للمطار <<<يقاله دخلكم جو مع القصه خخخخ ....
..........
الــمـــطـــار...
رحنا لمطار الملك فهد بالخبر مدري بالدمام مدري بالظهران المهم انه قريب من عندنا خخخخ ... وندخل واشوف العالم رايحه جايه وجميع انواع السياراه اللي تقطع القلب لقزز من جهه وفياجرا من جهه وبن لادن من جهه (بن لادن = بي ام دبليو الجديد) ... وانا مع اهلي كنا على سياره نوعها كروان موديل 84 والشنطه مليانه واخواني متعلقين يصارخون وفيه واحد من اخواني ماصل كان على حظني وانا كنت بالثوب النوم قالي : عذيذ (عزيز) ايش هذا اللي يطير في الهوا ؟ قلت له هذا طياره .. قالي لاااا كذاب هذي ذبابه كبيره خخخخخخخخ ... كفخته على وجهه وراح لاخوي الثاني يتميصل عليه.. المهم لبقنا الكراون في احد الملابق ونزلنا عفشنا .. اللي يشوف عفشنا يقول ذول طالعين رحله لحديقه .. الوالده جايبه خمسين دلة شاهي وحب وفستق والزوليه مدري الفرشه اللي تنحط على الارض ! ... وندخل واشوف ذوليك البنات اللي كل شوي اشوف وحده احلا ... المهم جت طيارتنا وركبنا الطياره واخواني الله يهديهم تعلقو فوق الكراسي وواحد منهم جلس يطبل والثانين يرقصون << فشلونا خخخخ ... واقلعت الطياره وكلنا خلدنا الى النوم من الخوف اول مره نركب طياره خخخ ...
..........
الــمـــانــيـــا....!@!
وصلنا المانيا ونزلنا من الطياره وماخفي عليكم الوجيه السفره اللي شفتها <<فيه ناس بكفخوني خخخخخخ ... وجلسنا نتمشى ارجاء المطار الا امي لقت محل عطور .. دخلنا وسالت امي عن عطر اسمه جنفنشي بس علبته غير ... قالت له بكم ؟ هو مافهم امي .. قلت الله يهديك امي مايعرفون عربي انا بتكلم معهم انجلش وبقوله بكم... قلت له what's your name خخخ ... قالي ايش ؟ قلت له how much is this prefum << بكم هالعطر للطعوس ... بس ترا ماني متأكد من السبيلنج . المهم قالي ب 500 يورو.. قلت يمه بخمسيه يورو .. قالت وش اليورو هذي شوربه ؟ خخخ .. قلت لا عمله هذي تساوي دولار ونص حوالي .. قالت وكم يساوي الدولار ؟ قلت لها 3:75 ... قالت جعلك الموت انشالله بالسعوديه اجيبه ب 90 ريال وانت تجيبه لي هنا بفوق الالف ريال ... المهم تفلت بوجهه الوالده الله يسلمها ومشينا ... اول ماطلعنا الا استقبلونا السفاره السعوديه هناك ورحبو فينا .. واعطونا جوله على مدينة ميونيخ... ويوم علمونا المدينه واعطونا خرايط لها اعطونا سياره بورش 2000 على ايام موديلها لونها فضي ... قالو خذو وروحي هالفندق الفلاني وراح يسكنونكم ببلاش ... شكرناهم ورحنا عنهم ...
وصلنا الفندق والله وحاجزين لنا جناحين ملكي .. واخواني اول مادخلو تسدحو على الفرش ونامو (بالطياره وهم نايمين واول ماوصلنا نامو ماشافو خير خخخخخخ ) المهم الوالد قال بروح اخذ لي شور والوالده برضو .. انا جلست لحالي وش اسوي ياولد طفشان.. وانا احوس بالشقه لقيت مفتاح البورش على الطاوله ... ويوسوس فيني الشيطان ويقولي يالله عزووز خذ السياره بس لفه .. واقول للشيطان ولا كلمه يادلخ ابوي بعصب! ..قام الشيطان كفخني على راسي وقالي ياغبي ابوك بطول نص ساعه على الاقل على ماياخذ الشور انت رح عشر دقايق بس ... قلت انا هااه اوكي والله وخطه يابعد تسبدي ييالشيطان <<< خرخاشه خخخ ... والله واشيل المفتاح وانزل تحت واشغل السياره واقول ايييييه هذا السيارات موب الكراون الله يرجها لاجيت الف يمين تلف يسار تمشي بالعكس هالكروان خخخخخخ ... والمهم وانطلدز <<عارف كلمتك الصعب بس جت على بالي.... المهم انطلدزت في ارجاء ميونيخ .. المهم في احد الاشاارات وقفت والتفت على يميني واشوف بنت خياليه ! وانا ماعندي وقت طلعت المعروض .. وتبتسم وتاخذ الرقم وكلها دقيقه وتتصل... قالت هاي قلت انا هاي .. قالت شكلك ايطالي << فيه ناس منقهرين مني... قلت ايه والله قالت الحقني .. قلت الحقك الحقك وش وراي ينعن اللي يقول ورا...والحقها الين وصلنا لهاي واي ووووووووسيع وطوووويل ... حوالي خمس او ست سيارات بالعرض والطول مايمديك تشوفه على مد النظر . المهم واقرا لوحه مكتوب عليها free way .. وقفت جنبها وقلت وش معنى سمو الشارع بالاسم هذا ؟ قالت اسمه الشارع الحر يعني لو تفحط لو تمشي مليون ماحد يكلمك (ترا هذي حقيقه موب من عندي فيه شارع زي كذا هناك) ... قلت والله فله لو يدرون عنه عيال الرياض كان انواع السلاسل فيه خخخخخ .. قالت تتحدا ؟ قلت وشو ؟ قالت نتحدا سرعه من يوصل لاخر الشارع اول .. قلت وش الجايزه ؟ قالت ولا شي بس لعب .. قلت وش روانا نتحدا.. (على فكره سيارتها بورش مثلي بس كانت 1999)... المهم كان بيدها زقاره قالت اول ما أرمي الزقاره بالهوا نبدا السباق .. قلت اوكيه.. ورمتها ونبدا السباق ... المهم انواع التقحيص وانتو خابرين غبار وحركات... المهم كنا متعادلين يعني نفس السرعه حوالي... انا التفت عليها واحنا نتسابق واشوف شعرها يتطاير بالهوا واخق .. وتناظرني هي وغمزت لي.. عاد انا تهورت .. دقيت عليها تلفون (لاحظو كل هالكلام واحنا نتسابق) قلت لها اتحداك تسوين مثل ماراح اسوي الحين... قالت اوكي ... واقدم عليها واسحب الجلنط وتزحف فيني السياره وتسوي سلاسل فيني... وانا في غضون السلاسل والمحها وراي انقهرت وتسحب الجلنط وتسوي سلاسل مثلي ... صرنا نسوي سلاسل(خمسات بالسياره) وسياراتنا جنب بعض... والسياره تدور فيني واناظرها واقولها ياحلوه.. وتلف فيها السياره ويوم جت الدوره على اتجاهي قالت احبك عزوز .. وتدور فيني السياره ويوم جت الدوره على جهتها قلت لها ابي اتزوجك .. وهي برضو السياره تدور فيها ويوم جت الدوره على جهتي قالت اوكيه بس خلنا نكمل سلاسل شوي... << ترا لما الحين السياره تسوي سلاسل خخخ .. المهم والسياره تدور فيني ويوم جا الدوره على جهتها قلت اي صاله تبين العرس ؟ خخخخ .. الا هي وقفت فجأه واوقف انا فجأه .. وانزل لها انا وطحت على طول لان راسي داخ من كثر السلاسل والخمسات بالسياره خخخ ... واروح عندها سيارتها وافتح بابها وانزل وامسك يدها واقولها على تقبلين بي زوجا ماصلا مدى الحياه ؟ قالت اقبل بك زوجا ماصلا بكمل ماتحمله الحياه من مصاله لنا سوف اتحملها خخخخخ... وعلى طول اتصلت على ابوي رد علي قالي وين يالدلخ قلت له يبه اشوفك بعد 10 سنوات فمان الله واقفل السماعه واقفل التلفون بكبره .. واركب السياره مع البنت ورحنا وتزوجنا في بيتها << امحق ذمه عند هالغرب الزواج عندهم على كيفهم خخخخ ...
وتزوجنا وعشنا حياة سعيده في ميونيخ وجبنا بنتين وولد... وعش الزوجيه كان حافلا بالانجازات والمصالات اللتي لم يحدث لها مثيل في هذه الارض ماحييت البشريه
مايستفاد:
1- ممنوع ربط حزام الامان لمن لهم كرشات كبيره خخخخخ
2- السرعه الامان والبطء والخراب << نصيحة داشر
3- اللي مايرد او ماترد تراه شين او شينه
العرض الشجري
