سالم الفهمي صح لسانك مليووون ولايسدووون قصيده راقيه برقي كاتبها جميل مانزفه قلمك هنا ليثبت لنا ان بيننا شاعر فذ لايختلف عليه اثنين دائمآ بانتظار جديدك
اقتباس المشاركة الأصلية كتبت بواسطة سالم الفهمي المزنه اللي من مغيب الشمس ترزم بالرعود = تخيلها عيني ومستانس بلمع بروقها سهران طول الليل اناظرها وخلق الله رقود = حتى انتثر ماها وهبَّتني نسايم نودها يشدني ريحت مطرها لستوى فوق النفود = ويشدني الوادي بسيله لا تحدر سيلها ويشدني الروض الخضر والورد بطرافه عقود = والطير والشلال والنسمه وخُضرة عودها والمنظر الخلاب يوم ارقى على التله صعود = تشرح خفوقي شوفة القطرات فوق غصونها يامزنتي هلي من الوسمي على اطراف الحدود = واروي جفاف الارض والاشجار واحيي عروقها واناتحت زخات همالك عمت عين الحسود = ابلل اثيابي بها واشم ريحت عطرها واتذكر الغالي على طاريك والخافق يجود = اللي سكن فوق الثريا بالسما يرقالها يالايمي في عشقها لا عاد تطعني بزود = تكفي طعون الغدر في ظهري وطعنة صدرها لاتكشف الخافي ولا تسأل عسى عيدك يعود = الجرح غاير والليالي مقبله بوعودها سـالـم محسـن السـالمـي الفهمـي اخي سالم الفهمي صح لسانك ومن خلال قصائدك التي نشاهدها والله اني اراهن على شاعريتك وابداعاتك تقبل تحياتي واعجابي دمت بوووود
صح لسانك ابن قبيلتــــــــــــــــــي الشاعرسالم الفهمي
يسلمو على القصيده الجزله!!!!!
العرض المتطور
