الا ياكيف اجر الصوت ياصوت العنا المبحوح=الا ياكيف اشيل الصوت ياصل يم خلاني
انا كن الجـِـسـِـمْ ميـّـت وما فيه الجـِـسـِـمْ من روح=من يوم الفراق اللي به المحبوب ذكاني
ذبحني بالفراق وراح وماكنه ذبح مذبوح=مايدري عن اللي صار ماقالوله اش جاني
جرحني بالهجر واقفا وزاد من الجروح جروح=خلى ذكرياته كان جا فالبال بكاني
كتمت السر في قلبي واصبح سرنا المفضوح=سري تفضحه دمعه وهلت بين عرباني
تعلمهم عن اللي راح ولاله فالجفا مصلوح=اقفى زود عن قلبي وناوي الجرح بالعاني
الا ياذابحي مسموح ومن قبل العذر مسموح=تكفى ارجوك لا ترحل وخلك جوف وجداني
انا بعطيك حريه تجيني نوبة ٍ وتروح=مير البعد لا طوّل يشب إبقلبي نيراني
انا من عقب فرقاكم جريح ٍ بالهوى وينوح=ماجا القلب زواره وما فاللقب سكاني
عطيتك قلبي وفوقه عطيتك عطر ورد يفوح=خطت إلك الورود بشوق فوق الغصن فستاني
كتبت إسمك على قلبي وبه دمي كتبت شروح=انا لامن شكيت الحب شال القاف الحاني
بنيت الحب لك قصر ٍ وعلـّـيت الهوى بصروح= صار القلب لك منزل وحوله ورد بستاني
انا كم عشت أمالي وكم لي في هواك طموح=كم من ليلة ٍ غنيت لحن الحب بلساني
اناظر صورِتك بالعين اشاهد صورتك بوضوح=كنك ناقش الصوره ليا غمضت بجفاني
اغمض جفني وشفتك وشفتك والجفن مفتوح=رسمك مايفارقني ولا في يوم خلاني
اصوّرك الغزال اللي يجيني فالخيال يلوح=لوني بين خلق الله ولو فالبيت وحداني
كثير انتي على قلبي حقيقة ما اقول مزوح=مثلك لاهجر يذبح ترى بالهجر إنساني
ابدعي الله ينجيني ومن نجا سفينة نوح=يقدر لا دعيت انسى هوى المحبوب نساني
ابنساكي وبنسى الحب لوني فالهوى المشفوح=واصبر واطفي النيران لو ثورتي بركاني
العرض الشجري
