لماذا الرياض عوائل ( مهم الدخول)

[الــيزيـــد]

المكان المخصص للعوائل فقط يجب احترامه وعدم الدخول اليه

لكن اتمنى ان يكون على الجميع

انا سعودى ومسلم وشاب

.......


واحترم النظام والتعليمات

وكل ولي امر مسؤل عن عائلته ومكان العائلات لا احرص كثير عليه

او افضله حسب


والشباب لهم حقوق بتوفير اماكن لهم وو قت والاطفال لهم حق


ومراعاه ظروف الشخص وحاجته من الدخول للشراء

[حلوه و دلوعه]

اولا مشكور اخوي على طرح مثل هالموضوع المهم
و ثانيا قبل اي كلام انا من الشرقيه بس ادرس بالرياض
و امنيتي في الحياه اني اتخرج عشان اطلع من الرياض و ارجع الشرقيه
بصراحه الله يعين الشباب و البنات بالرياض
الوضع عندكم مزري و صعب جدا
و الله مدري احط اللوم على مين ولا مين
بس بصراحه اللي اشوفه هنا ان مستحيل اني اطلع و انا احس بالامان
اطلع و انا خايفه و ارجع و انا خايفه من الليموزين و لا من الشباب و مطارداتهم و لا من الهيئه و تحرشهم و شكهم فينا لانهم عارفين ان احنا بنات لوحدنا هنا و ما لنا احد و يحطون قوتهم فينا
انا اقول لك شي المجتمع السعودي بشكل عام ما فيه ثقه
بس لو تكون فيه ثقة بالشعب و تعامل بينهم وبين بعض بشكل طبيعي كان الموضوع صار طبيعي
المفروض كل مكان متاح لاي شخص بدون قيود
اصلا الواحد لما يكون كذا يشعر براحة نفسيه و يحس انه مسؤول و كل شخص يتصرف حسب اخلاقه و ادبه و كل شخص يأدب نفسه
و على فكرة انا لما اروح البحرين احس براحة نفسيه كل شي عادي و طبيعي و رحت جامعة البحرين و الناس تتعامل مع بعض بشكل محترم و ما فيه مشكلة بس بعد اتضايق من وضع الشباب السعودي و اتعب نفسيا لما اشوفهم و هم بيموتون على البنات
و الله حرام اللي قاعد يصير
دولتنا حاطه غلاف الدين بس مع الاسف انه كلام
دين يتطبق على ناس معينين و في اوقات معينه
و الله جبت هالموضوع و انا كنت اصلا بطرح موضوع على معاناتي بالرياض
و الله كل يوم جمعه قبل ما اطلع من البيت ابكي و ما اطيق نفسي و ما في الا امي تهديني ياحرام اش كثر نتعذب بس
لكن بالامكان ان هذا كله ما يصير
و الله كل شي لا و ممنوع و حرام و لا تسووا كذا
الله يسامحهم
انا اضم صوتي لك اخوي بس بعد الشباب مو هينيين و ما يستحون بس هذا كله نتيجة الكبت و الله يعين الجميع بس
اعذرني على الاطاله بس موضوع حساس جدا بالنسبة لي و يمسني

[الرياض للعوائل]

اخــــواني اشكـــــركم على المـــرور وفعلا مشاركاتهم كانت لها ايقاعها زكلماتها فعلا

خارجـــــــه من الصمـــيم ( والله يا جمااااعه والله انا في الرياض معاناة نبي نتسوق يقولون عوايل والله حتى سوبر ماركت جيان صار عوايل والله ما ندري وين نروح فيه
ولا أدري انا وين اروح فيه ادور في الشارع؟!! هذا هي الاجازة الاسبوعيه الي استحقها شارع والمرور فيه توقف من هب ودب؟! والله العظيم اتعجب من المسؤولين على النظام الزفت هذا احنا شباب وزي ما جده والشرقيه حرين لازم احنا نصير حرين والله ما خرب شباب الرياض وخلاهم فوضويين الا كلمت عوايل > الله يلعن هالكمله< كانها خربت ثلاث ارباع الشباب والله ما بقى لنا الا الشارع والمقاهي.والمقاهي بعد تجيها الهيئه ويسحبون جوالاتنا بأي حق هذا النظام يطبق هل هو عقاب؟؟؟وش سوينا؟
احنــــــا شباب العاصمه في معاناة ولا في احد من المسؤولين تحرك
المفرووض الخميس والجمعه تكون المنتزهات مفتوحه فيها على الاقل والله طفشنا
وأكــــبر ظلم صار لنا في الاجازة الكبيره نظام العوايل مشدد مليون مرة
والمجاهدين مطلعين رشاشات ليش؟!! وش سوينا؟؟؟ هل احنا مجرمين ؟؟ قطاع طرق ؟؟ مروجين مخدرات؟؟ سفاحين ؟؟) لكـــــن ما يسعنا نقول الا حسبي الله ونعم الوكيل

ولا اخبي عليكم انا واحد من الي ذاق ضرب المجاهدين ( لكن والله ما سكتت ولا واحد من الي انضربو سكتو بدافع من الغضب في القلب ضربناهم كأننا مجرمين لكن السؤال من اجرمنا؟؟؟ كلمه( العوائل فقط )

هذا والله اعلم وصلى الله على نبينا محمد وعلى ألأه وصحبه اجمعين

اخوووووووووكم........عزوز(ولد المملكه)

[买BOSS买]

الله يستر ما تصير المنتديات عوووائل بعد.. عموماً لي عوودة قريباً إن شاء الله تعالى...

[متذوق الشعر]

ههههههههههههههههه اي وربي الله يستر ماتصير المنتديات عوائل

بس بينى وبينكم انا كشااب أؤيد عبارة ((للعوائل فقط)) تامن على اهلك يروحون

ويجوون بسلام((هههههههههههههههههه)) << بينجلد من الشباب

_______________
ولكم تحياتى

[زعيم الخيال؟؟]

الرياض للعوائل

مشكوووور اخوي عالطرح المميز والرئع والله لا يحرمنا منك .........

اخوي الله يهديك انت تبيهم يسمحو للشباب عشان ايش بالضبط
عشان يتسوقو اغلب الاسواق تسمح لهم الصباح ليه مايروحو
ولا عشان يتمشو ويلعبو اغلب الملاهي بعد تخصص ايام للشباب
شبابنا للأسف يبون الاسواق مع العوائل مو لانو محتاجين السوق
لا هم يبونه عشان قلة الحيا والمصاخه بعدين عادي لما البنات
يروحو لوحدهم لأن مامنهم مضره مثل الشباب الله يهديهم بعد
البنات قله اللي يروحو لوحدهم وبعد انا قريت في احد الردود
يقول الاخ او الاخت ماني متأكد ان المشكله راح تكون بأول شي
بعدين بيكون الامر طبيعي يا أخوان يكون الامر طبيعي بعد ما يفوت
الفوت على بعض البنات ايش الفايده اجل بعدين مين بيفضى هالوقت
يضل مع اهله بالسوق او الملاهي هذول مو مكان الرجال الرجال
لهم مكانهم والحريم بعد لهم مكانهم والواحد منا يخاف على اهله
يخليهم بروحهم في مكان فيه الشباب ............
( انا اختلف معك في النقطه هذي )
احسن عباره قريتها هي : للعوائل فقط او للنساء فقط ...........

تحيـــــــــــــاتي :
زعيم الخيال؟؟

[مزيون بس ملسون]

يسلموعلى الخبر
تحياتى لكى